掛住同人傾計搞到唔記得打日記tim...依家已經係第2日嘅朝早啦...

今朝響屋佐做下hw咁啦...

之後睇咗公鹿對山貓...易建聯好勁呀...29分10個籃板，NBA career第1次拎double double呀!佢真係射得好準...反而睇下mo williams同埋macheal reed呢2個人真係打到不知所謂呀!!好浪射呀!!

之後用下電腦咁啦...今日把聲麻麻地...沙聲...都係唔好唱歌啦/.\

下晝出去新達補eng，頹悶...

補完去咗大中行下，不出我所料，果然又撞到人，今次就撞到劉宏達同埋marco...同劉宏達響大中行咗好耐...差唔多6點先返到屋企...

返到屋企有d唔舒服...之後又發燒...想死...

很有唱k的衝動喔!!!

放假嘅第1日...要返學校補課...仲要補成4個鐘...

行返學果陣見到廖漢錦揸FZ5653...番到去...上到班房...似乎噚日冇人響party之後擺好d枱...於是就夾手夾腳搬好d野...結果miss  ip一人俾咗5個ticks...><...補補下成班人響度食野...連聰聰都食...哈!有次休息仲跑埋出去買撈面食...結果用咗20mins先番到去...好彩冇俾人鬧...

12點幾就走得...有早冇遲就當然最好啦...

拿拿聲番屋企換衫就過太和...行行下見到盧明輝...

1326開車，朱濱響政府合署果度上車...今日d燈位好唔順...又唔知點咁多人搭...響大埔都行咗20mins...上到埔公都唔差啦...架車真係好廢...見佢係咁鎖波都真係頭都大埋...起步真係乏力到佢呀...50幾mins到九龍灣都算係咁啦...

行去食個lunch再去補習...

今日簫源竟然準時放，見有時間即係走去搭車，趕住番大埔食飯呀...結果又搭到FZ5653，但係就係陳國麟揸，條友又係好快下...落獅隧抽出中線踩到80幾係咁爬頭...正...大涌橋路佢都可以爬私家車頭...真係正!番到黎都係50幾mins...掂啦!

去迎囍食飯...最尾竟然表伯埋單...><"...

再去行下街，買埋糖水返屋企食...番到屋企10點鐘啦...好攰,,,出咗去成日