今日傷口仍然很痛 尋晚塗了些獅子油 但今日卻比尋日痛

希望唔會發炎la 尋晚媽媽知道我受傷後 又「哦」了我一晚

叫我轉工唔做 快d搵過另一份工 但係在感性上我已經對班學生有感情

加上有一班好同事 這種工作模式我很喜歡

在理性上 我和學校簽了約 如果的中途唔做的話 我要俾番錢學校

所以我還未有此打算 我和學校還有十個月約

媽媽之前話借錢俾我買電話 點知佢尋晚又話唔借

我很失望 如果她一開始就話唔借的話

我唔會有此反應 因為我從一開始就沒有希望媽媽會借錢給我

但係佢又話借俾我 我唔鍾意佢呃我

我唔想好似「宮心計」我歌咁 「看到的 聽到的 不要信」

唉 愈打愈冇心機 都係寄情工作吧

今日係我計埋覆診的三日假後第一日番工 可能因為上星期太多活動

今日仍然有點累 不過 我相信唔會影響到我的工作(希望吧)

這個星期會比較忙 因為下星期一就是我的入營日

我的入營物資還未買 我的burget是$100 希望唔會超過這個金額

最近思薇愈來愈high 一朝早番到嚟就不停騷擾其他同事 我忍不住話了她幾句

因為我覺得一場同事 我唔想去到主任度投訴 所以可以的話我都係話下佢就算

好了 現在才是今日的開始 努力工作吧

補充﹕我今日受了很重的傷 唉 當然是銘浚

我隻左手幾乎全交給他 佢又咬又抓又搣 我隻手多處受傷

而且佢仲搣我條腰 佢搣親都見血

我今晚都唔知點同媽媽交代 下個星期就入camp

希望銘浚可以靜靜地 唔好又搣咬抓我 la

今日係我覆診的大日子 我一早就起左身

打左一陣機 之後就換衫出門口了

去到醫院都係十點九左右 我的覆診時間是十一點半

我唯有坐在大堂等  等了足足兩個鐘先到我

下次覆診是下年三月 今年我應該冇覆診了

到了藥房 我又要等 這次又等了一個多鐘頭

今日的時間幾乎都在醫院過 我番到屋企都三點半了

好累  訓到屋企我支持唔住 訓著左

昨天是鄒姑娘結婚的大日子 可能同學唔係好知鄒姑娘是誰

因為她只入職兩個月 大家對佢唔係好熟

但係對我嚟講 我地坐埋同一間房 成日都會見到

所以我和她比較熟 她結婚 我地成班 TA都有去觀禮

我今次份禮物是我去咁多次觀禮中最貴的 買左接近四百蚊

好在有人同我夾錢 婚禮在下午兩點半開始 除我以外

仲有jesse elaine 校長 姚老師 曾老師等人去

我地大約等到四點三左右就影大合照 影完相就走

我同jesse 行旺角 佢睇生日禮物 我睇電話

我地行左好多地方 佢行信和時買左支布的雙截棍 話送俾朱姑娘做禮物

我咩都冇買到 行到去百老匯時 我地入去問電話價 個sales 話因為有推廣

所以有得平  jesse話借一千蚊俾我買 我婉拒  因為我知道唔止係借錢咁簡單

借錢以外還有大大個人情 我唔想欠人太大個人情 始終人情緊個債

我听日要覆診 十一點半 我諗應該要等成兩三個鐘先搞店 不過我希望快d到我 la

我同鄒姑娘听日都唔番 听日可能冇人幫學生量體溫 希望听日中一a班唔會太混亂 la

嗯嗯 要訓教 la 下次再打 88

今日係媽媽生日 我同妹妹同佢準備了慶祝活動

我地先同媽媽去飲茶 由妹妹俾錢

跟住夜晚果餐由我俾錢 我地去左食泰國菜

明天是鄒姑娘結婚的大日子 我會去觀禮

到時會影好多相番嚟

唉 買電話的衝動愈來愈大了 我要再努力儲錢先得

嗯嗯 我諗賣哂d game 應該有千幾錢收入

行左成日街 好累ah 我真係唔明 點解d人行成日街都唔攰

我行半日就支持唔住了 今日食左好多好野 真好

順帶一提 我的相簿新填了很多相 大家可以去睇睇

嗯嗯 要訓 la 88