今日係旅行的大日子 我同一班老師去左「霸爐」

我坐鄧副校部車去 去到果時一個人都冇

我地大約霸左十個爐 跟住就開始有其他學校嚟

我地都唔太理佢地 縱使佢地多次哀求我地

等左好耐 我地差d支持不住時 學生終於嚟LA

我今日其實食左好少野 因為我要睇住銘浚浩雲

好彩有譚先生同鄧副校同我輪流睇住銘浚浩雲

我先有機會去食下野 休息下 我今日不算太累

不過仍然是受了傷 我依然是避不開銘浚的攻擊

旅行受傷我已有心理準備 今日影左好多相

我專登唔去中二班度 我見到陳同學喊  陳老師在安慰佢

我冇理佢 因為我同自己講  唔可以再理她的事

為免鄧副校又搵我傾計 我除左可以同佢打招呼之外

唔會同佢講太多 我唔想再生事端了 我還想在這學校再做多一年

所以陳同學 對不起了 到目前為止 你做得好好 我同你幾乎冇講野

如此下去就對了 你和凌同學的事我會保密 雖然已是全ta房都知的事

但我唔會同其他人講的 好了 打了一篇好長的blog 體力透支過多 食下野先

明日就是學校旅行了 所以我今日俾自己可以額外用多三十蚊

因為要儲錢的緣故 所以我要好好規範自己的花費

一個星期只可有一日下午茶及早餐出街食 且不能超過三十蚊

如果這個計劃成功的話 我今個月就有望剩三千幾蚊

我買了一些小食 主要都係俾我果班d學生食 不過我自己都會食少少

星期日就是鄒姑娘結婚 我有份去觀禮 我要買份禮物俾佢先得

十二月就是張sir結婚 今年真係多人結婚的

下個星期一我要去覆診 所以會唔番 希望中一A不會太亂吧

昨日是黃姑娘結婚的大日子 我上午去了觀禮 晚上去了宴會

她的婚禮搞得很有宗教特色 在教堂上 黃姑娘與典丈夫許下了一生一世的承諾

場面令人感動 很多同事都有去婚禮 例如豐 亮 江老師 陳嘉愉老師等

因為觀禮跟宴會時間上有一點距離 所以我去了粉嶺圖書館睇左一陣書

打發時間時 睇書是最有效的方法之一 我走前還借了兩本歷史書回家

好不容易才到了宴會時間 我們在大學站上車 在車上看見很多老師

例如司徒老師 李主任 游主任 湘湘老師等 我同JESSE在車上睇YOUTUBE

佢部IPHONE真的很犀利 不過對我嚟講IPHONE太貴了 因為要成$5000幾

司徒主任也換了電話 是我想換的那部 對於主任來說 換電話是一件很容易的事

她們人工高 但對我來說 是一件不太容易的事哦 我要等到今個月最後一日出左糧

先可以換到電話 唉 希望今個月不要有太多地方要用錢 否則今個月儲唔到錢

我下個月就買唔到電話 今日是教師發展日 我們TA是不用听的

我手上的工作早已完成 所以今日對我來說是有點悶 好彩我仲有D野可以做下

今晚六點幾有交收 可以拎番幾百蚊番嚟

今日去左上水拜山 我其實當係行山

去到上水我已經有點累 可能是我太耐冇行山吧

我地拜完山後就去飲茶 我點了很多點心

反而我班親戚叫得很少 要過嚟我地果邊偷野食

我去過電器店睇過d電話 要$3480 我諗我今個月要好努力儲錢先得

我今個月要用好多錢 黃姑娘晚宴的人情 鄒姑娘的結婚禮物

唉 希望可以儲到2300蚊la 咁我儲多一個月就夠錢買la

明天就是黃姑娘的婚禮了 我仍然煩惱緊明天著咩衫好

希望我唔會著得太難兒吧 明天的婚禮我會拍片同影相

明天我上載給你們看吧

昨晚有一件開心事 一件不開心事

昨晚妹妹幫我拿了我在教院讀完的證書回來 很開心哦

因為這是我第一個讀番嚟的證書 其實仲有一張證書

就是急救證書 我亦已經讀完 張姑娘同我講我考試合格

可以有證書 嘻嘻 這樣的話 我就有兩張證書了

突然之間有種想讀書的衝動 因為拿證書的感覺實在太好了

不開心的事是我喜歡的漫畫中 有個我很喜歡的角色死了

雖然我一早知道他會死(漫畫) 但是在動畫裡再一次見到他死

我的心依然很不開心 討論區內已經有人開版懷念他了

我也在其中簽了名 希望他一路走好 也希望他的弟子能成長起來

別辜負他師傅對他的期望

明天我請了假 因為我班親戚會總動員 落嚟香港拜我叔公

原本我是不想去的 因為我寧願在家打機也不願出街

除非有事一定要出街 但今次唔同 我好想出街行下

而且我叔公是葬在上水郊外 我地要行上山先拜到佢

所以我就當行山吧

今日銘浚打針 希望別出意外 同佢一齊打針我多數都會受傷