我發現自己番學既時候先日日打...

一放假就冇打過....不過算啦...而家講番下有咩做過算...

臨放假前兩日番學...冇記錯都係崩潰狀態入面...

CHEM冇心機做... 堂冇心機上...而家諗番起好白痴...

之後放假...22號一早就醒左...落左街食早餐...

本來話出去打機既點知青上記錯日子...天文台又話會落雨..

結果成日都冇出過去...點知都係成日冇落過雨既...

23號又因為連續發生左一埋不幸既事件而搞到浪費左一日...

終於等到24號有得出去玩...其實去之前都考慮左好耐去唔去...

不過最後都係去左啦...都依然係好不幸既...

先係冇車租...之後thomas又退出...大圍車120蚊...

結果大費周折最後去左九龍塘話溜冰...

點知又未完一節..

結果上去食野又坐...'

結果都係自己一個行開左...

去公園行左陣....

番到黎溜冰...

其實都真係玩得幾開心下..

可能係自己本身溜得OK有少少優越感吧...

同都可以算係放低左一直既重擔...掛..

成程都係咁笑...好正...

2個鐘話長唔長話短唔短..

係唯一青上影D相XD...

有幾張又真係幾正既..不過其他就....

算啦...

之後話食野...

久久都未諗到有咩食..

結果擲公字選擇行車方向...

最後去左旺角..

本來打算食牛腩面算...

點知去到竟然又休息一天...

結果就去左就近個間食烏冬既日本野度食...

都算係唔錯啦....又係好多好好笑既場面...

之後行左陣就番去....番到去天水圍先得個9點...好早呀...

個日已經算係玩得最開心嫁啦...又話者可能之前depress得太耐吧...

25號起左身同屋企人去飲茶....飲完之後唔想HEA...

到最後都係去左元朗打機....估唔到我咁既樣仲吸引到途人睇....

打左2個鐘到...出左一身汗...幾好...

之後去左食譚仔...都依然係幾好食...

然後又係附近行下咁...千色間機舖真係太多煙...

之後行下廣場呀...係附近D街行左陣...

然後再行行下去到水邊圍先搭車番....

一路行...感覺好親切...又好遙遠既感覺...

縱使只係一個月...

26日...PHY 補全日...好累..冇咩特別....

27號雖然有假放...但都只係成日係屋企HEA...

28號...ICT補課...晏奏有免費PIZZA食...

但竟然又頭暈...2點幾比人叫走左==番屋企訓左4粒鐘...

29號...LS+PHY補課...好難頂...但都OK既D野唔難明..

又係一路聽一路做功課..

進度良好....

夜晚出去食飯..

岩岩打算出去個陣

楊展打黎話SU同佢個女(性)朋友係個度....

結果搞左一輪..我去到想影佢相..

點知咩都冇--結果都係去番個度食..

成班話打比SU...結果都係冇做到...

雖然都幾好玩...

之後又3點先訓..

又發D咁既夢...唉..

今日430大日子...

係時候出去碌ling...

---------------------------

碌完ling...真糟糕..

比陳進仁一野飛左部相機落地...

電池附近個殼咁就爆左...

唯一慶幸係支鏡同部機個功能上冇事...

用膠布痴住用住先...

番到黎搞左一輪算係暫時用到...

但唔知拎唔拎去整好...

真係...4月30號都係唔好出街..

雖然個個就得我一個有事...

都開始擔心自己...部機我當係寶...比著係以前我應該會打人...

但係今次除左ar左一聲之外真係冇咩感覺...

lee樣我真係好驚....感覺上係已經depress到冇得再唔開心..

再有咩衰野黎都冇咩太大反應咁...起碼個心冇痛..

都真係唔知叫鎮定定係麻木....

冇左痛既感覺...真係唔知點算...