上星期六，又同五D的同學，發覺佢地都好好，唔係讀緊書，就做緊野，對我來講已經老懷安慰，個時成日提佢地將來都係為左咁姐。

跟著同佢地鬥左一千零一次的賽車，竟然有學生好似杜汶澤咁，教我甩尾，咁D野打機就有姐，現實世界飛落屯門公路咩。

最後，凌晨一點幾係街到，撥出十幾個電話，全部去晒：「妳已經接駁到9821XXXX的留言服務，請係必一聲之後留底口訊，或以短訊送出妳的聯絡號碼，請按一字......」，科技發逹，原來使人更安心訓覺。

係今晚呢佪特別的晚上，我由荃灣去到西環，跟媽媽食完個晚飯，再由西環去左荃灣。在旅途中，突然想起媽媽的說話，究竟咩為之搭，咩為之唔搭呢?又或者我究竟快還是不快樂呢?