我要開始做好下一步既準備啦,,聽到分區經理同我講…

 阿妹你有冇諗過轉full time呀!?  我當時真係可以諗都唔駛諗…係呀,,我想呀。

不過到底轉好定係唔轉好…呢個問題煩左我足足2日

屋企既問題又未解決…到底我可以做到d咩呢!?

去左旺角晒錢…同屋企人傾左好耐計,,同阿妹又傾左好多野…

 原來發生左咁多野,,我係咩都唔知,,咩都幫唔到手。

到底我係唔係最冇用果個呀…我喊左好耐呀。

係我做得唔好,,先至會搞到依家咁既地步。

聽到芳芳同我講既一句,,你顧掂你自己先啦,,

(我又做左一件我經常犯既錯啦,,太顧著理人地既感受…其實後來會係咩都幫唔到,,理唔到)…

其實我自己一個人,,點理到咁多人既感受,,不過我真係決定唔到呀!!

我問左媽媽,,問左公司既同事,,咁多人既意見,,我都係做唔到一個好簡單既決定呀。

  有時我真係好想有多d既時間,,去做我要做既事…

返工,,放工,,去行街…

 再唔係就訓教…

如果比我簡既話,,我諗我都係中意冇咁悶既工作多d既,,

 不過…manning係唔係真係適合我,,係唔係真係可以令我儲到錢…唔會晒左我年既時間…

我唔知道…我決定唔到。

我依家想做既係,,對屋企人做好d…令到屋企唔會再有事發生…

 話晒自己都咁大個女囉,,喊又唔係解決問題既辦法呀。辛苦唔會係一個藉口,,努力去做好…

 一定係會有前途既。