Day 107
之前話我嬲你
我諗咗好耐到底我嬲你啲乜
嬲你唔要我先 唔係
嬲你唔守承諾 唔係
我唔嬲係你講分開先
因為我知係我衰
真係我令到你好大壓力好辛苦
後尾我終於知自己嬲緊乜
我嬲�H我不忿�H係我連改過連挽回�H機會都無
上一秒我哋仲好地地食緊飯
下一秒已經係永生不見
我嬲你無好好向我表達過你一直以嚟�H唔舒服
嬲你自己一個收收埋埋喺心入面
我都嬲自己遲鈍到明知你工作忙但感受唔到你對我已經咁頂唔順
所以我都幾慶幸好彩後來你有一口氣講晒自己一直以嚟�H唔舒服俾我知
如果你願意早啲向我講你心入面諗乜
如果我早啲感覺到
如果我有機會改
結局係咪就會唔一樣
不過歌都有得唱
「世事沒如果
別再冀盼如果」
其實我都知道
無論再有幾多個如果
我哋�H結局都注定係咁
唔係每件事�H走向係點
係我哋�H性格都注定咗每件事�H走向
其實我太黐你我無遷就你
真係我錯
但呢啲一切一切都係相處問題
相處問題生活習慣問題
呢啲係一段關係入面
係最容易解決
只要雙方都花時間花心機去磨合就可
一個願教一個肯學
兩個人都有住共同目標向對方靠近就一定可以
但你無俾呢個時間我無俾呢個機會我
比起同我一齊攜手花時間磨合解決相處問題
你選擇解決我
因為解決我放棄我
你需要投入�H心力、時間成本係最低
犧牲我放棄我
係你權衡利弊深思熟慮後�H決定
我終於諗明白
你唔係唔愛我
呢10個月�H時間
你對我�H愛係真架
你對我�H好都係真架
你愛我
但你更愛�H你最愛�H係你自己
其實我都係
我最愛�H都係自己
我哋兩個都係自私�H人
你話30歲�H我哋已經夠成熟
無錯正正因為我哋已經大個已經成熟
代表住我哋分開唔再係因為幼稚
而係性格本性就如此
正正因為我哋已經成熟
我哋每個決定都必定係諗清諗楚
我哋要為我哋做�H決定負責
無後悔�H餘地
無論從頭嚟過幾多次
我哋兩個都會因為自己�H自私而注定完結
都係個句
「無一個平行時空下 我哋唔會分開」
慢慢接受事實
好似就無咁嬲
另外
知唔知點解我每次最尾都要祝安好
因為無論我嬲唔嬲你
無論我愛唔愛你
無論你愛唔愛我
無論我哋係唔係一齊
係好耐好耐以前
我願望得一個
就係你可以平安健康幸福快樂
所以
祝 安好
|
