今日好似樣樣都唔順利咁，本來諗住7點左右可以走人，但阿笑開到口叫我幫一幫佢手點貨(明天fashion show出場outfits)，點知發現少咗1隻鞋，搵咗好耐成間房都無，因為今朝做完models fitting，所以好混亂。搵到8點幾都未搵到，無計啦...只好睇下明天會否自己浮番出黎。之後那那聲出去cwb金百利拎番條褲，因為諗住明天show著，所以一定要今晚去拎，黑仔事情發生...

1. 送車尾

2. 等左20分鐘先再有車

3. 去到boutique關咗門，但著晒燈。心諗...應該係去咗toilet only，行左1個round，仲未番...行上一層睇下野，行番落黎，仍未番...再行去隔離東角逛，(其實超疲累,只想快d番屋企, 奈何...)途中已經每隔5分鐘打一次電話check下佢番未，但一直都無人聽。之後去左食南記，諗住邊食邊等啦

4. 一碗腩肉小窩米線，等左我10分鐘，由於只得自己一個人，無人幫我霸定位，企足10分鐘等佢碗米線，頂!!!

5. 食完再打電話，都係無人聽，頂佢丫!!之前問左佢佢話10:30先close，今日9點左右就無人，玩我丫!!由於電話都無人聽，所以都懶得再行番去金百利

6. 行去三越等巴士，一路行旁邊有條龍，以為係其他線路，點知差唔到行到站頭，先知...

oh my god...