終於可以入到個blog啦，本來有幾日可以update，但星期一番工後，令整個人down晒，已經再無心機寫番之前發生既事。今日番到公司，唔想同同事講野，只係埋首工作，話都唔多講半句。事源....星期一早上番到公司，相信大家抖完兩日weekend假期，monday morning都仲有少許holiday mood，心情靚靚地但又未全程投入工作，點知個女魔頭一早走嚟為咗d小事"拮"我，仲要成朝對住我黑面，喂大佬...佢自己心情唔靚想搵人出氣發洩就攪我，點解係都要攪到身邊每人都unhappy。最慘仲要同佢一齊食lunch，因要farewell同事阿仔，其實阿仔同我都係十萬個唔想同佢食，奈何呢d政治飯係務必出席。席間仲要挖話題講，扮晒同我地融洽咁，唔該你啦...摺埋彈開!!! 佢既衰野，真係數極都數唔完，昨天真係好想搵人吐苦水，最後搵到兩位戰友阿笑 & 一位it同事

低落既心情延續到今日，幸好...佢明天就開始放大假，then go to Paris trip，到10月6號先再見到佢個衰樣。