今晚book咗間西餐廳食飯，我一直都想去呢到食野，今日終於得償所願了。之前話要8:45pm先有位，但今晚再打去問佢可唔可以早少少的時候，又話8:00pm可以入座，真係奇怪
 。我哋選擇咗
 情人節二人套餐
，套餐包括:
- 熱騰騰法式餐包，除咗可以搽牛油之外，仲有一款特別的醬汁，賣相似豉油，自己不太喜歡因為個味道酸酸甜甜好怪。
- 前菜 - 讓雞翼&煙鴨胸沙律，雞翼讓咗蝦膠幾好食，不過就普通咗d，沙律都係落咗醋，麻麻地。
- 湯 - 蠔仔忌廉湯，湯好好味，而且好多料，YUMMY!!!!
- 主菜 - 牛扒 & 大蝦，因為我唔食牛肉，所以佢要牛扒，我要大蝦。大蝦伴有意大利飯&南瓜蓉，牛扒伴有雜菜&薯蓉。
- 甜品 - chocolate pudding & fruit tart，哈哈到咗我至愛的甜品，呢個暖心朱古力布甸果然係名副其實，連唔太鍾意食甜品的bf，佢都話好味道，仲要同我爭食。其實佢係一件朱古力蛋糕，內裏係朱古力醬，一定要襯熱食。
- 餐飲 - ice coffee & hot lemon tea，超抵飲，因為成壺紅茶俾我，共可以飲到3杯。
結賬時，仲送咗支紅玫瑰添。等食期間，我睇番佢呢幾日所做既功課(編排旅行行程)，真係讀書考試都無咁勤力啊，差唔多刨晒成本台北旅行天書，見到佢咁用心又做筆記，又盡晒力幫我search嗰幾間piyo專門店，每day的行程都經過佢精心編排，佢咁盡心盡力，反觀我就好似無咩建樹咁，只係負責買旅行保險，同埋執行李.....哈哈，我係咪好衰呢
 ? 不過佢唔會怪我既，因為我仲有一個好大好大的供獻...............................有我陪佢去呢次旅行，咁樣佢先至去得成架麻
 ..............
| 
