華華大飯店>>西門町>>淡水>>北投荷豐館溫泉旅館>>士林夜市>>北投荷豐館溫泉旅館

今朝起身仲落緊雨，打後的日子都唔知點算 。今日第一站就去西門町出晒名的鴨肉扁 ，全店只係賣鴨，所以入到去坐低，個侍應只會問要麵定係米粉，佢建議我哋要四份一隻鴨就足夠了，   鴨肉真係好入味....正!!!!新竹米粉仲好味。行咗一陣西門町，因為今日係星期日，所以有歌手表現。跟著就番酒店收拾行去北投荷豐館溫泉旅館，回酒店途中，我哋去咗雪王 食雪糕，呢間雪糕舖有73種味道選擇 ，最特別的係麻油雞味、肉鬆味、人參味、蓮子味，而我哋就叫咗咖哩味及蕃茄味 。去旅館之前，我哋先到淡水逛逛，從台北車站坐捷運到淡水，車程都幾長，因為淡水係尾站。到達淡水後 ，已經停咗雨啦!!!!   到達後，我哋食咗d地道的小吃，包括花枝丸  、鳥蛋  、阿給豆腐及魚丸湯  ，仲有買咗阿婆鐵蛋俾阿big做手信。離開淡水下一站就係到荷豐館溫泉旅館竭一竭腳。溫泉旅館真係正好多 ，外觀及房間都好靚 ，在房間內有私人的溫泉浴池，很方便及衛生。夜晚我哋去咗台灣出名熱鬧的士林夜市，食咗大過我塊面既豪大大雞排  及鐵板燒。最後節目當然係番酒店享受溫泉啦!!!!!