公司同事買咗個蛋糕幫我慶祝生日，佢哋諗住遲些同我farewell的時間食飯補祝番，蛋糕好好味，大家仲影咗幾張相
 http://community.webshots.com/user/kaman_ho3 ，遲些少post出嚟俾大家睇呀，好開心啊
 !!!唔知到時真係要走的時候會唔會唔捨得................d同事
 。
今晚班姊妹食飯同我慶祝生日，唔知會去邊到呢??好神秘啊
 !!不過我哋好耐都無試過咁齊人出嚟聚吓，對上一次已經係雞脾1月生日的時候，唔知大家今晚又會唔會坐到人哋打烊都唔肯走呢??
原來姊妹們係帶我去番上次與男朋友慶祝情人節的DAWN CAFE餐廳，佢哋見到我寫日記時話好好味，所以大家一齊去試吓。起初真係估唔到，但行到去九龍公園的時候我就知道了，因為嗰頭除咗嗰間餐廳外就無其他野食架啦。我哋點咗好多野食，包括前菜: 焗田螺、凱撒沙律、雞翼、炸魚薯條，湯: 薑汁南瓜雞肉湯 & 蟹柳湯，主菜: 焗豬扒飯、墨魚麵併帶子、豬仔骨，甜品: cheese cake，係咪好豐富呢?? 好開心可以幾個姊妹坐埋一齊傾吓計、食吓野，因為佢哋越來越忙，要約埋一齊的機會就越來越少，所以我哋要珍惜相聚的機會。
| 
