今日係家楫的BD，下午去咗尖沙咀UCC食lunch，因為我覺得呢間餐廳食物都ok，特別係salad bar好正，食完飯我哋去咗《極地雪犬》，原先佢對呢類戲都唔太感興趣的，但我又想睇，所以早一日買定飛。全套戲2粒鐘，但完全唔覺得悶or拖長嚟拍，真係一套值得推介的電影 。睇完戲都5:00pm，而我book咗6:30pm TST Sherton Hotel食buffet，又未夠鐘食晚飯，呢段時間就最令我頭痛唔知去邊好
 ，只好四周圍行吓，佢猛咁問我今晚响邊到食飯，我又想留番d神秘感，一直都無講明响邊到&食咩野，但佢話唔鍾意咁樣，覺得好似好無安全感，萬無目的咁行，所以我咪同佢講响尖沙咀西食飯安撫吓佢，佢咁驚我諗都係因為怕我唔識路去，帶錯路掛.......
 。最後帶到佢嚟到Sherton門口，佢都已經估到係食buffet。可能早的關係，我哋可以坐到window seat，我仲特登叫家楫坐响背門口位，方便我安排驚喜俾佢麻，個傻佬
 緊係唔會察覺得到啦。當大家都食得七七八八的時候，我係時候要去安排一吓個驚喜
 .......生日蛋糕，我藉口去廁所，跟住就去問個receptionist係咪留咗個生日蛋糕俾我哋，佢話ok只要同waiter講聲就可以，番到埋位我話想食生果叫咗佢幫我拎，洗走咗佢之後就立即叫個侍應幫我預備，我怕佢會周圍望偷睇到，所以佢番到埋位就叫佢影相，正當個waitress幫我哋影相的時候，另一位manager就拎住個蛋糕去到佢身邊....講咗句HAPPY BIRTHDAY，當時佢都幾愕然，但好開心，仲許咗個十分長的願望添。驚喜緊係一浪接一浪啦，生日又點可能無生日禮物呢，不過個傻佬真係以為我無買到，見到有埋禮物收仲唔感動到爆，我做咁多野都係想您有個開開心心的生日，為自己心愛的人預備生日都係一件好enjoy的事情...........
 。
| 
