今日係姊妹阿碧生日的大日子，我哋仲相約咗去換智能身份證添，哈哈我唔蝕底影咗3次先ok，4月25號就有得攞啦!!希望影得我靚靚女女啦......今日買咗個蛋糕&西餅番公司請同事食，雖然明天才是我的last day，但星期六通常都無咩人番office，所以提早一日。

今晚去咗阿拉麵館食飯慶祝阿碧生日，原先諗住去金滿庭既，但太多人等位啦。我哋5個人 (碧、ruby、小魚、阿章&我) 叫咗好多野食，包括醉雞、素鵝、炒通菜、松子魚、阿拉湯包、上海粗炒、炒雜菌、石頭鍋飯......，真係十分豐富。大家都係第一次嚟，但各人都覺得呢到既食物都不錯，價錢&環境都ok。之後雞脾放學與阿文一齊出嚟join我哋，一齊响到切生日蛋糕&拆禮物，就係咁樣一伙人就開開心心咁渡過。

食完飯，幾個以前中學的同學仔原來响附近唱k，大家都好耐無見，所以相約响附近影相，大家企响銅鑼灣鬧市影相，你都咪話唔型。