終於嚟到我最後一日番AIA的日子啦，今日要執番晒d野走，執吓執吓先發覺原來自己擺咗好多野响公司，真係拎到我好似隻屐咁。原先今日放工諗住請BETTY, EMILY, KATHY & RONALD飲茶，點知BETTY & EMILY今日先話唔去，都幾掃興架!!!好彩仲有KATHY & RONALD，三個人去咗對面新港既彩雲軒。由於今日係我既last day，又要執拾自己野，又要處理埋報稅的文件，真係好忙碌，點知個新秘書又想我同佢講一次computer裡面每一個file係咩嚟，佢好鬼鍾意delete野架，有時我儲存既file都係諗住以後用作reference，所以攪到我好炆，我自己都feel到我自己有少少黑面。誰不知放工時，佢突然送咗份禮物俾我，我真係好愕然，佢仲話多謝我呢個禮拜教佢野，同埋祝我有好既發展，此刻真係令我措手不及，只係識得講多謝及叫佢俾心機做。