原本今日補鐘放假，但昨天阿姐問我可否改期再放，佢開口問到又點可以say no呢。不過好彩今日番咗工，因為之前做份野衰咗，要執手尾，幾驚佢會炳我，點知無事。其實諗吓吓阿姐對我都算係咁，做錯野或做漏野都唔會好嚴厲地鬧，聽聞佢對之前個秘書好衰，係會當眾鬧嗰隻，佢唔敢鬧我都可能係因為驚我會辭職，並唔係因為我呢個位十分重要，只係人手唔夠，merchandising manager呢個位仲未請到人，差不多3個月啦，請1個人真係咁難咩? 現在每日都平均要OT個半鐘，累積OT鐘數已經衝破130小時啦，唔好替我開心住，因為唔知幾時先可以放，呢D日子幾時會過去呀?

其實我都OK呢段忙碌的日子，因為感覺好充實，時間好似唔夠用咁，但都會考慮到咁辛苦值唔值得。差唔多時候要做appraisal，前幾日聽Heidi講，佢上年request加薪30%，佢上司都極力幫佢fight，雖然30%就沒有，但升幅都是可以接受的，奈何我阿姐竟然只係幫佢個秘書fight咗2% only，真係一個令人沮喪的數字，事實上我哋的品牌係賺到錢，但佢可以say品牌仲好新，今年賺唔代表出年會賺架麻，討厭......如果真係得幾%加薪，駛咩同你咁賣力做野先。現實的kaman