今日係lisa姐牛一，我哋買咗份禮物&一束花送俾佢，照計都應該好開心至係，點知佢無咩反應不得致，仲要好似唔多like咁，今朝一早番到嚟塊面都已經黑黑地架啦，都唔知係咪老公激嬲咗佢，好彩佢下午放假，唔駛對住佢。

另外今朝番到公司，覺得heidi唔同咗，唔多出聲，所有事都提唔起勁咁，好似好多心事咁，令我更加覺得佢上星期五請病假，其實係假的，而係去見工先真。今日lunch佢仲約咗另一個同事食，我諗佢係想搵人幫佢分析吓，佢仲要接到個電話，神神秘秘咁行咗房傾，明顯地唔想俾其他人聽到談話內容。再加上lisa叫我約埋佢呢個wed食lunch，當我同佢講時，佢竟然拎晒頭，話唔想同佢食，下星期改日再約過。從種種跡象嚟睇，.......文生叫我唔好胡亂諗一d未經證實既野，真係好唔開心一個傾得埋既同事都走，好擔心！