今晚約咗好耐無見既舊同事Kathy & Ivan，大家去咗有骨氣打邊爐，其實由我離開aia之後，都無再見過kathy啦，足足有1年既時間，佢開咗間bar响銅鑼灣登龍街大利行，所以今晚都諗住食完飯，再上去飲野。10:30去到間大利行，已經見到一條長長既人龍，心諗唔係要排隊等lift咁誇張呀!! 但原來差不多每晚都係咁，因為整幢大廈都係開bar，現在又放緊暑假，所以好多靚仔靚妹蒲。好彩kathy姐係老闆娘，係咁易同個看更講一聲，我哋就打咗尖啦，幾驚俾後面d人打。上到去的時候，已經爆晒場，每張枱都已經坐咗人，好彩kathy預先留咗張枱俾我哋，玩到2:00左右我就走啦，因為開始好眼瞓，原先諗住搭通宵小巴，但ivan話佢搭taxi送埋我，yeah!!!所以好快就可以番到屋企。

kathy told us年尾佢就會結婚啦，真係好替佢高興。