呢個星期所有人都忙住buying & 落單，阿姐&阿哥塊面經常性地"黑"，阿姐忙到爆而且出完trip番嚟又病咗，心情唔多靚。但响呢個時候我要鼓起勇氣，同佢request假期，最大問題係佢一早已經申請8月中開始放大假，直至9月頭，而我request嗰幾日正正係8月尾幾日(因為文生請佢一家人去旅行，當然有我份啦，哈哈!!) 撞到正一正，我當然無同佢講去旅行玩啦，我話係一家人回鄉探親。問完之後，阿姐話佢知道欠我好多大假&補鐘，但要exceptional case先可以俾我放，要諗吓先再覆我。.....直至6:00我放工都未見到佢，而我又趕住走(趕住去拎ruby's bd cake)，所以今日都係得唔到答案。