今日係舊同事kathy大喜日子，放工約埋d舊同事一齊去酒樓，其實離開咗aia後，都無再搵過佢哋(除咗kathy)。今晚因為betty要ot，所以我同另外兩個舊同事行先，去到見到kathy同佢老公(阿誠)，即係影咗幾張相。今晚仲見番幾個中學同學仔，因為同kathy都係讀真光。第一次去飲，新娘同新郎會去每一枱.....唔係敬酒，而係同賓客玩十五二十，勁好笑。不過見到佢哋咁開心，都好替佢哋高興。