今日早上無團體行程安排，所以文生一早叫醒我自行出去行吓，食完早餐，試吓搭地鐵，當然唔似香港般咁先進&舒適啦，無空調只得幾把風扇，好彩係冬天，如果夏天搭都唔知會點???無奈地想去既地方都休館，好掃興，只好行吓天安門廣場。之後約咗幾個團友一齊食lunch@大董烤鴨店。食完lunch，大家決議去頤和園參觀，順便路過奧運體育館場地─鳥巢。

慘遭被遺棄公路上的經歷：參觀完諗住一行7人番酒店，出口處竟然一架的士都無，只有兩部黑市的，我哋選擇行出兩個街口睇吓有無的士，點知等極都無，附近又無地鐵站，只有黑市的，黑市的士阿叔開價120蚊一架小型van載我地番酒店，最後講價100蚊，架van仔簡直好似籠屋咁細，其中一pair仲要坐大脾先ok。咁都算啦，點知放工時間勁塞車，塞咗响公路上，司機竟然話放我哋响路邊落車，再截的士收番我哋15蚊，我哋當然唔肯，爭論咗一陣，我哋都係要落車。的士就截唔到，只好搭巴士再轉地鐵....過真係北京體驗之旅。

晚飯@沸騰魚鄉，四川菜。勁麻...今晚亦係慶祝團友andy生日，仲預備每人一頂聖誕帽。