今日文生請咗半日假陪我，於是決定去睇番場戲《投名狀》，套戲都幾悶，只有幾場戰爭片段較為精彩，中途我仲瞌著咗添 。雖然套戲麻麻地，但最尾發生咗件小插曲，精彩到爆。話說我哋坐咗响最後一行，路口位第三及四個位，入到場路口位條女(簡稱A)將自己個手袋外套擺晒响我哋個位到，A見到我哋行埋去仲好似唔想拎起咁，頂...你俾咗3個人錢咩?!開場時D燈熄晒黑漆漆，妖...兩條友仔响到打車輪，仲要發出聲音嗰隻。最難頂係...兩條友好似野餐咁，不斷响到開野食，A仲要買埋私伙紅棗桂圓茶，仲要用隻暖杯入住，大姊...不如租隻VCD番屋企睇啦...頂你!!

精彩事情發生啦，完場時，坐响A前面一對情侶忍唔住拎轉頭鬧爆佢哋，坐响我前面個伯伯聽完，仲拍手和應，嗰刻真係想大笑出來。其實都係2個鐘頭既戲，唔係咁口痕麻?!