２００７年１０月２９日（月曜日） 早上 晴
呢幾晚都咳到我死下死下，訓得又唔多好ｗｏｒ，加上尋日又頭痛慾裂，好在今日起身都唔見有咩，咁起身之後就梳洗換衫，之後８點２５分就出門口返工，返到中心時門都未開，咁我就自己開閘入去啦，入到去一陣，小紅先返到，之後我就去入報紙，入完之後就開門喇，咁今日上午都係幫Ｍｉｃｈｅｌｌｅ趕份稿，之後趕完份稿就ｅｍａｉｌ返Ｄｅｃｃ，咁之後我就比短訊呀姍，約她放工去睇戲＾＾。咁就過ｏ左一個上午喇。
２００７年１０月２９日（月曜日） 下午 晴
１點ｏ個陣，就同Ｍｉｃｈｅｌｌｅ、呀欣及小紅去ｏ左明苑食，咁今日我就食牛雜加油菜，點知叫ｏ個陣，呀欣竟然問我夠唔夠食，我當然夠啦＾＾。食完之後就一齊返中心，返到去就ｓｅｔ電腦室，不過ｓｅｔｏ左開頭就唔使ｓｅｔ，因為呀傑搞掂埋。咁下午都無咩特別野做，咁就同個朋友傾ｏ左陣ｍｓｎ，知道她失戀，所以都以過來人ｇｅ身份ｏ黎開導一下她，我都為她祈禱，希望她快ｄ無事。之後就好快５點，就即刻埋數收工。落去地鐵站等呀姍。
２００７年１０月２９日（月曜日） 晚上 晴
去到地鐵站，等ｏ左一陣，就見到呀姍，咁就同她一齊搭車到九龍灣陶大商場ｏ個到睇戲，咁去到都係６點左右，咁她要找電話增值咭，所以我就陪她四圍睇下，不過都找不到，所以就先去ｏ左找間戲院，找ｏ左一陣先找到，之後買ｏ左戲飛就行陣商場及食晚飯，食晚飯時都傾ｏ左好多好多野，咁真係好似上天安排咁，ｏ係商場入面找到有增值咭買ｇｅ店舖，咁就買ｏ左２張，之後就行ｏ左一陣就落去戲院。
咁入場時係８點，咁好快就開始播喇，原來我之前都睇過前一輯，今次睇係恐懼鬥室４，真係好得人驚，講ｄ殺人遊戲＞＜。咁睇到９點幾，我就咳足咁耐，我知道咩原因，因為冷氣大，氣管唔多好先會咳得咁勁。之後完場，我就送呀姍去到彩虹ｏ個到，再送她上小巴，開埋喇，我先搭車自己返屋企。返到屋企ｏ個陣，就收到呀姍短訊，知她平安返到去。今晚真係好開心，真係好多謝呀姍，陪ｏ左我咁耐，我帶ｏ左她行ｏ左咁多路，對唔住，仲有希望唔好悶親她。今日呀姍陪我令我諗返起好多野＞＜
主呀，請您保守Ａｐｐｌｅ，希望她能重新振作起來，另外就係呀姍，希望她ｏ係呢幾日都可以開心工作，因為她１１月５日就會離開返廣州。得返唔係好多日，要快ｄ整好入禮物先得。
