◤想牽著妳的手，給妳一輩子的幸福◢

kamei0406 : 個人主頁 - 相簿 - 訂閱 [ QOOZA - 論壇 - 登入 ]

kamei0406

暱稱：𣲚井
性別：男
國家：香港
地區：深水步區

MORE...

最近沒有訪客

日誌統計

文章總數： 12

留言總數： 6

今日人氣： 0

累積人氣： 1207

站內搜尋

RSS 訂閱

2007 年 11 月 8 日星期四

永遠只愛妳一個　◤第４日◢

分類: 未分類

２００７年１１月８日（木曜日）　　　早上　　　陰

　　尋晚同呀姍傾ｏ左陣電話，傾完之後我就訓ｏ左喇。今朝７點半就起ｏ左身，咁就賴ｏ左一陣床，８點就起身梳洗換衫，之後睇ｏ左陣新聞就出門口返工喇，返到去之後就入報紙先，之後入完就入返ｏｆｆｉｃｅ做野喇，咁上午就找人幫手打電話通知會員聽日ｇｅ活動，咁另外就諗下想請埋２０號假，咁呀巫都願意同我調ｗｅｅｋ，咁可能今個星期六我要返工，咁下星期就可以放假，將個ｏｔ假調落星期二喇。不過聽日要問一問Ｍｉｃｈｅｌｌｅ先得，因為今日她放ｏ左假。咁上午都主要係無咩特別野整。都係執下ｄ奶粉及尿片入櫃。

２００７年１１月８日（木曜日）　　　下午　　　陰

　　１２點ｏ個陣，就同呀欣及小紅去ｏ左西九龍８樓食飯，好快就食完喇，之後我同呀欣就陪小紅去先施買鞋，咁睇到１點，我就同呀欣先返中心，返到去就繼續開工，咁多謝位老友記，幫我打ｏ左好多電話，咁下午就幫下呀巫搬ｄ手工組ｄ野比義工整，之後我就找ｏ左個老友記傾計，傾完就繼續做野，咁都係賣下野及接電話啦，好快就到５點，咁就埋數放工。放ｏ左工之後就去ｏ左睇中醫，因為我應承ｏ左呀姍話要睇好ｄ咳，尋晚聽得到呀姍ｇｅ語氣雖然有點重，但係真係感覺到她關心我，所以我就去ｏ左睇中醫，睇完之後就去ｏ左睇陣花，因為都想……
　　咁睇完就諗住返屋企啦，點知行到樓下就想去探位老友記姜姜，咁上到去之後，佢兩個侄女都ｏ係度，咁我就同姜姜傾計，咁佢兩個侄女過ｏ左一陣就走喇，咁我就繼續同姜姜傾多陣，知道佢今日有唔舒服，我就叫佢著多件衫，同埋叫佢有咩唔舒服，都唔好死頂，一定要按平安鐘，佢又係咁講話頂得住ｇｅ，我差ｄ想喊出ｏ黎，我好長氣咁叫佢一定要按，咁佢最後都應承ｏ左我。我先放心ｄ返屋企。

２００７年１１月８日（木曜日）　　　晚上　　　陰

　　今晚拎ｏ左ｄ中藥返屋企，咁又要飲苦藥，不過我答應ｏ左呀姍，所以一家要做到的。
　　主呀，請您保守姜姜呀，佢而家身體都唔係咁好，所以都希望主能夠讓佢有一個健康的身體，雖然佢老公已離開並去到您的身邊，不過我知道佢老公無時無刻都無返ｏ黎睇佢，亦都唔希望佢有事，所以請主您能夠保守佢平安。
　　另外我亦希望能夠拎到２０號的假，這樣就可以時間充裕一點，和呀姍去多一點地方。

發表時間：2007-11-08 07:35 PM [ 訪客留言(6) ] [ 編輯日誌 ] [ 分享至FACEBOOK ]

2007 年 11 月 7 日星期三

永遠只愛妳一個　◤第３日◢	分類: 未分類
２００７年１１月７日（水曜日）　　　早上　　　晴　　尋晚成晚都同呀姍ＱＱ，傾ｏ左都好耐及好多野添，之後１點幾左右，大家都去訓喇，咁我臨訓之前，都有為呀姍祈禱。之後就訓ｏ左喇，今朝７點就起ｏ左身，不過就ｏ係張床到無落到床，訓ｏ係度諗ｏ左好多野。　　之後８點就真係起身去梳洗換衫，之後就８點２５分就出門口返工喇，返到中心門口就已經見到Ｍａｂｅｌ企ｏ左ｏ係門口，正想打電話比我添，因為今日小紅病ｏ左無返，咁就我開門，入到去就入報紙先，入完之後就入返ｏｆｆｉｃｅ同Ｍｉｃｈｅｌｌｅ講返頭先發覺ｄ窗無關上，好彩無事。咁上午就整理一下ｄ文件，之後就落ｏ左去麗閣苑到拎返ｄ橫額返上中心，咁落到去之後，院長就叫我拎埋ｄ廢紙上去賣，咁我就推埋ｏ個車紙上去，一大疊紙咁就霸ｏ左我架車＝．＝。返到去之後就做多陣野，之後就同個老友記傾ｏ左陣計，我就唔小心撞到隻手，本來都無咩野ｇｅ，不過慢慢就用少少力都令到隻手痛。咁１１點幾又落多一次去麗閣苑送文件，之後又返上中心等ｌｕｎｃｈ喇。２００７年１１月７日（水曜日）　　　下午　　　晴　　Ｌｕｎｃｈ就同呀欣一齊去ｏ左食粥，食ｏ左半個鐘就食完喇，之後就返ｏ左去中心樓下間超市行ｏ左陣先返上中心返到去，就上網找ｄ巴士資料，因為都擔心唔知邊到有站，咁之後２點左右，就去ｏ左女青年會誌寶ｏ個到拎５支易拉架，咁拎完之後仲落樓下文具店買ｄ印仔，呀傑話用女青個名會有折，咁我就照做，真係平好多ｗｏｒ，之後就就返中心喇，返到中心就幫Ｍａｂｅｌ打ｄ程序表，打完又要拎ｄ文件落麗閣苑跟車，落完去返上ｏ黎，做多一陣就已經５點喇。咁５點就埋數放工返屋企喇。２００７年１１月７日（水曜日）　　　晚上　　　晴　　返到屋企就沖涼先，之後就開著電腦整野及找資料。　　其實我覺得當一個人唔再愛對方的時間，一定會有好多理由想到出來；相反地，如果愛上了一個人，是真的沒有原因的，亦找不到任何理由為何會愛上對方的。　　我都經歷過，因為我亦是其中一個傷者，現在的我，亦都因為愛上了她，亦都想不出原因為何我會愛上她，我只係知道我的心只我她的存在，我無時無刻都會想著她，想到她的身邊保護她，想看到她由心發自出的笑容。
發表時間：2007-11-07 07:16 PM [ 訪客留言(0) ] [ 編輯日誌 ] [ 分享至FACEBOOK ]

2007 年 11 月 6 日星期二

永遠只愛妳一個　◤第２日◢	分類: 未分類
２００７年１１月６日（火曜日）　　　早上　　　晴　　尋晚９點左右就放，真係好少有，可能係想訓ｏ左之後夢見她，之後就一直訓到天光，我隱約記得夢見我和她再次ｏ係西貢ｇｅ沙灘散步，仲一齊睇ｄ狗仔四圍走，之後就坐ｏ係沙灘到睇星星。今朝都好早起身，７點半就已經醒ｏ左，咁我就開ｏ左電腦上她的ｂｌｏｇ留言，之後就換衫梳洗一下，８點２５分就出門口返工喇。返到中心之後就入報紙，入完就返入ｏｆｆｉｃｅ整埋一陣例會用ｇｅ例會紙，整好就食早餐，一路食就順便找少少廣州ｇｅ資料。食完之後就拎ｄ文件落去麗閣苑，其實主要都係幫呀姍將ｄ相比返一位婆婆，咁落到去放低ｏ左ｄ文件就搵個婆婆，我同佢講話係姑娘比佢，咁佢都好疑惑唔知邊個，咁我拎相出ｏ黎，佢先記得係邊個，仲問我她係咪返ｏ左廣州喇，咁我就話返ｏ左，仲話如果她再ｏ黎，我會叫姑娘ｏ黎探佢，佢聽到都好開心。咁我就返上中心做野喇，咁返到去就幫Ｍｉｃｈｅｌｌｅ打文件，不斷係咁執返ｄ格式，１１點１５分就完成好，就即刻又拎過落麗閣苑到，落到去都趕得切跟車，之後返上中心休息一陣，就１２點喇，放ｌｕｎｃｈ。２００７年１１月６日（火曜日）　　　下午　　　晴　　Ｌｕｎｃｈ就同呀欣去ｏ左西九龍中心８樓食飯，咁小紅今日唔舒服，所以就早退ｏ左。咁我同呀欣食完之後就職落ｏ左去買袋，因為我ｏ黎緊上廣州要用到，之後就上去開貝殼換珍珠，個ｓａｌｅｓ仲問我將唔將粒珍珠整ｄ首飾，我就話唔需要，咁之後就同呀欣返中心喇，返到去就繼續開工整野。下午就無咩特別野整，就入ｏ左手工房同兩位實習同學傾下計。之後就再入返ｏｆｆｉｃｅ整ｄ例會紙，整到４點半左右，就再上網找ｄ資料。咁５點ｏ個陣就埋數，之後就整多陣野，５點半就放工去西九買少少野。之後就出旺角找Ｍａｔｔ。２００７年１１月６日（火曜日）　　　晚上　　　晴　　出到旺角，就同Ｍａｔｔ行ｏ左陣魚街先，之後就去ｏ左書局買地圖，再睇下ｄ印仔幾錢，咁呀欣叫我買ｄ中心要用ｇｅ印返去，不過真係好貴，所以都係無買，之後就去ｏ左買內地電話卡，都係諗住返到去用。　　返到屋企之後就沖涼休息一陣先，之後行ｏ左少少野，就開電腦整野，之後就同呀姍ＱＱ。　　其實要做到放低真係好難，要經好多ｇｅ時間先可以放得低，到今時今日，足足一年，就好似主ｇｅ刻意安排一樣，在同樣的時間，比我重新開始的機會，要我愛上一個在另一地方的她。有時諗，之前ｏ個個的『離開』，是不是要我學會不要執著，要我去面對人生最大的挫折，講真ｏ個句，ｏ個陣我有諗過一死了之，因為我實在經不起ｏ個一次的打擊，不過我答應過姊姊Ｐａｍｅｌａ及Ｓｉｍｏｎ，我唔會有傻事，而且身邊亦有不少扶持我的朋友，我先慢慢無咩事，不過放低以前的包袱真係花了很多時間，而主亦安排了她出現在我面前，我才知道我唔可以再失去多一次我愛的人。
發表時間：2007-11-07 11:56 AM [ 訪客留言(0) ] [ 編輯日誌 ] [ 分享至FACEBOOK ]

2007 年 11 月 5 日星期一

永遠只愛妳一個　◤第１日◢	分類: 未分類
２００７年１１月５日（月曜日）　　　早上　　　晴　　凌晨２點ｇｅ時候，都未訓得著，因為一早上，她就要返廣州，雖然係唔捨得，但係無辦法，咁我第二朝７點幾就起ｏ左身，咁我就比ｏ左個短訊呀姍，講返我一定會等她，同埋心入面最想講的一句話。之後我就起身換衫，因為今日要帶隊去海洋公園，咁我照舊８點２５分出門口，返到中心就開晒ｏｆｆｉｃｅ的電腦先，之後準備少少物資，再問Ｍｉｃｈｅｌｌｅ拎ＯＴ假，咁就拎ｏ左１７及１９號，因為我真係想上廣州為呀姍慶祝生日。　　咁９點左右，就出發落去搭車去海洋公園，咁上到車，就安掛坐位及派發帽，之後１０點左右就去到海洋公園，咁我就負責殿後及影下相，咁我自己都四圍影相，多數影地方啦。１１點左右，呀姍比ｏ左個短訊我，話我知已經過ｏ左關喇，ｏ個陣我都安心ｏ左ｄ。之後咁就搭扶手電梯去ｏ左水母館、鯊魚館及海洋館，之後就去睇海洋劇場，睇完就搭返扶手電梯去集古村ｏ個間酒樓食ｌｕｎｃｈ。２００７年１１月５日（月曜日）　　　下午　　　晴　　下午食完ｌｕｎｃｈ之後，又要搭返扶手電梯上返去搭纜車到另一邊睇熊貓，咁去到之後就幫熊貓影下相，仲有同ｄ公仔影添。去完熊貓館，我就要睇住一ｄ唔去睇劇場ｇｅ老友記，咁呀傑就帶其他人去睇劇場，我就ｏ係附近看住ｄ老友記。咁呢段時間，我都打比呀姍，問下她返到屋企未，咁她都２點左右返到去，咁我就安心好多喇。咁一直看到４點左右，大家開始返ｏ黎，咁就等到４點３０分，就搭返車返中心喇。返到中心已經５點１５分喇，咁執完野之後就放工返屋企休息。２００７年１１月５日（月曜日）　　　晚上　　　晴　　今日要執一執ｄ相，因為都想快ｄ比到呀姍睇下，呀姍未去過海洋公園，咁比她睇下先都好。　　我真係諗得好清楚，我唔介意為呀姍付出，亦都唔會怕辛苦，我知呀姍係關心及擔心我ｇｅ感受，我係認真去對待感情。就好似以下呢一句所說︰『愛情強求不來　愛情勉強不來　細心可以讓愛情長久　貼心可以讓愛情甜蜜　唯有發自內心的誠意　才是打動對方的利器。』　　以前我會去望下女仔，不過自從鐘意ｏ左呀姍之後，我竟然連望都唔想去望，她真的已經佔據ｏ左我的心。
發表時間：2007-11-05 07:10 PM [ 訪客留言(0) ] [ 編輯日誌 ] [ 分享至FACEBOOK ]

2007 年 11 月 4 日星期日

暗戀她的日子　◤第８日◢	分類: 未分類
２００７年１１月４日（日曜日）　　　早上　　　晴　　今日９點就起身，因為約ｏ左呀姍她們１０點去賣物會，咁我就９點半出門口，去到太子站等她們，之後就一齊行去花墟球場，咁去到之後，我ｏ地就分頭行，咁我就同呀姍一齊行啦，行到去Ｄｅｃｃ的攤位時，ｄ老友記見到我同呀姍一齊，就問我係咪同人拍拖，之後我就幫Ｄｅｃｃ諗下有咩方法增加人流，咁呀姍就跟住學穿小天鵝，穿完之後我同呀姍就繼續行下，當時呀姍就將隻小天鵝送ｏ左比我，我心想我一定要好好保存，因為係呀姍第一份送比我ｇｅ物件。行到１１點左右，就去返集合地點等埋其他人，一直等到差唔多１２點先一齊去新世界廣場，咁呀姍她們就同總主任食飯，我就同大家講我自己食，同會去第一度買野，咁我無講到再見，只係揮手。２００７年１１月４日（日曜日）　　　下午　　　晴　　咁我就去ｏ左Ｍ記買野食，之後就坐ｏ係度食啦，一路食就一路有想流淚的感覺，因為想到頭先係同呀姍ｏ係香港ｇｅ最後一次。咁我食完之後就ｏ係商場企ｏ左陣，之後就去ｏ左買數碼相機，因為我話過會影一ｄ呀姍無機會ｏ黎香港時ｇｅ活動照片。買完之後就去ｏ左女人街買ｏ左隻介指，戴ｏ係尾指到，咁一日呀姍未比答案我，我一日都會戴住，再買多少少野先再行返去賣物會到，咁就去ｏ左Ｄｅｃｃ個攤位到同老友記傾計，ｏ個陣就比佢ｏ地審我，咁我就講返無野ｇａ，咁佢ｏ地都話呀姍係好女仔，如果有意就比心機ｗｏｒ。咁之後４點幾我就去ｏ左朗豪坊帶呀ｍｉｕ返過去，咁返到去就掃貨，ｏ個ｄ貨就係太陽眼鏡，買ｏ左都有５副，幾好睇啦。一直到６點半，就同呀ｍｉｕ去搭火車，我就去九龍塘接呀姍。２００７年１１月４日（日曜日）　　　晚上　　　晴　　去到九龍塘之後，就陪呀姍去買野先，之後就搭車出尖沙咀食飯，咁去ｏ個陣，就行過間教堂，就去ｏ左影下相先，再去附近睇下有咩好食，咁就去ｏ左食咖哩，都好好食，雖然係有點辣。咁食完就同呀姍去行廟街，一直行到９點半，就行返去尖沙咀海旁，咁就坐ｏ係ｏ個到傾心事，我將我所有想講ｇｅ都講比她知，到ｏ左１１點左右，有一個婆婆要我幫佢買ｏ左２支花，咁個婆婆就祝福我ｏ地。我都想我ｏ地係一對，可惜現在未係。坐到１１點１５分，我就送呀姍搭地鐵返去彩虹，咁ｏ係搭車ｏ個陣，呀姍竟然叫我估她鐘意咩花，咁我都估到一支，咁又話比我知鐘意ｇｅ顏色及花，唔通係暗示ｄ野。咁ｏ係返去ｏ個陣，我已經強忍住，之後去到小巴站，目送ｏ左她離開，我都無講一聲再見或拜拜，就好似聽日又會再見面咁，我唔講再見係因為唔想好似「兩個世界」首歌咁。　　返到屋企，終於忍唔住，就係一路打呢篇日誌，就一路流淚。因為我個心真係好痛，好唔捨得呀姍走。我會等呀姍，我會一直等，因為我對她的感情係真ｇａ。
發表時間：2007-11-05 01:45 AM [ 訪客留言(0) ] [ 編輯日誌 ] [ 分享至FACEBOOK ]

2007 年 11 月 3 日星期六

暗戀她的日子　◤第７日◢	分類: 未分類
２００７年１１月３日（土曜日）　　　早上　　　晴　　今日起身之後，就比ｏ左個短訊呀姍，算係解釋尋晚比她的禮物及了解她明唔明白當中意思，之後我就梳洗換衫，之後就出門口返工喇，咁返到中心就入報紙啦，入完之後就入返ｏｆｆｉｃｅ，咁就收到呀姍回覆，咁她講明白我對她係點，仲問返我只係想她知道我對她點，定係想要一個答案。其實我好想知個答案，不過我好怕係拒絕ｇｅ答案，所以我唔想知住，我想她返到去拆ｏ左份生日禮物先再考慮下，雖然我認識她時間好短，但我對她認真，及有一份親切感。　　之後我就開工整野喇，上午就整Ｍｉｃｈｅｌｌｅ尋日叫我整ｇｅ團年飯菜單告示，整完之後差唔多１１點，加菲就ｏ黎ｏ左，咁佢又唔使見個案，所以就ｏ係度做帶ｏ黎ｇｅ野，之後好快就１２點喇。２００７年１１月３日（土曜日）　　　下午　　　晴　　Ｌｕｎｃｈ就過ｏ左隔離買野食返中心，咁食到１２點半就食完喇，之後就坐ｏ係度休息下同諗野，仲上網找一ｄ電影資料，想今日放工之後約呀姍睇多次戲。咁一點ｏ個陣，加菲就比ｏ左ｄ文件我打，咁我就ｏ係佢食完飯之前就打晒喇，咁我就整Ｍａｂｅｌ之前叫我整ｏ個ｄ活動物資，有ｄ金錢道具、生死冊、閻王面具。一直整到４點幾就整好喇，ｏ個陣加菲就放工走喇，中心得返我同呀傑及小紅，咁４點幾，就幫手打電話比ｄ會員，通知佢ｏ地星期一去海洋公園，咁星期一就由我同呀傑帶隊。咁到ｏ左５點喇，就埋數，不過都未收得工，仲有野都未整好，所以整到６點先放工。２００７年１１月３日（土曜日）　　　晚上　　　晴　　放工之後，我自己出ｏ左尖沙咀，諗住等呀姍啦，點知去ｏ左天星碼頭，呀姍就打電話比我，話會ｏ係中環落船，同埋就話夜，就唔去睇戲，咁我聽到之後都有ｄ唔開心，不過我明白她今日都好玪，玩ｏ左成日，咁我諗住返屋企，不過我真係好想見下她，咁我就搭車去彩虹ｇｅ小巴站等，去到ｏ個陣７點半左右，咁呀姍ｏ個陣仲ｏ係船度，我就ｏ係ｏ個到企ｏ左一個鐘左右，８點半左右，呀姍就同個朋友返到喇，我見她望到我，個樣有點疑惑，咁我無走上去叫她，咁我就目送她上車及離開，之後收到個短訊之後就無再收到呀姍任何一個短訊喇。之後我就自己一個返屋企。咁我比ｏ左個道歉短訊比她，因為我ｏ係返屋企ｇｅ時間諗ｏ左好耐，我知我咁做一定係比到困擾感覺她，亦有可能會反感添。　　我係咪真係自作多情，可能呀姍都唔想我咁樣做，諗返起之前ｏ個個，就係因為我關心ｇｅ關係，到最後結果就係要用死，去解決一切問題。我唔想重覆犯錯。我真係好想好似『童話』呢首歌咁，『我願變成童話裡，你愛的那個天使，張開雙手變成翅膀守護妳。』　　ｏ岩ｏ岩接到呀姍電話，傾ｏ左差唔多半個幾鐘，她問我係咪真係咪清楚，問我係想要一個女朋友定係要她，仲話我知如果同她一齊，我會好辛苦。我都講返比她知我真心想同她一齊，如果我真係想搵人去打發時間，我呢一年就會搵到啦，點解我要揀ｏ黎自廣州ｇｅ她呢，因為我真係鐘意她，我唔想逼到她怕我，其實今晚她真係好驚，因為我ｏ係小巴站等她ｇｅ關係，太突然ｗｏｒ。她說要ｄ時間去考慮，因為她說自己的感覺已經有點麻木ｏ左，未清楚自己。咁她顧及我感受，我已經好開心，起碼她真係由心咁去關心我。我亦都會用時間去證明比她知我對她係真，仲會一直去等她。
發表時間：2007-11-03 11:00 PM [ 訪客留言(0) ] [ 編輯日誌 ] [ 分享至FACEBOOK ]

2007 年 11 月 2 日星期五

暗戀她的日子　◤第６日◢	分類: 未分類
２００７年１１月２日（金曜日）　　　早上　　　陰　　今朝一起身，哇哇，凍到得返１７度，咁就即刻搵ｏ左件大褸ｏ黎著，之後就梳洗換衫，８點２５分照常出門口喇，之後返到中心就除ｏ左件衫，因為中心入面有ｄ悶熱，咁就入報紙啦，差唔多就入完ｏ個陣，幾位同學仔都返到ｏ黎，包括呀姍、呀ｍｉｕ等，咁之後入完就返入ｏｆｆｉｃｅ執野，早餐都未有時間去食，咁呀傑今日又返唔到工，所以都踢晒腳啦，咁ｄ會員又係咁買奶粉，我都勉強應付到啦，咁呀姍她們就入去例會幫手，咁Ｍｉｃｈｅｌｌｅ就比ｏ左ｄ家居清潔ｇｅ我去填，咁我就係咁找會員資料，填返好晒。一直整到１２點。２００７年１１月２日（金曜日）　　　下午　　　晴　　１２點就去食ｌｕｎｃｈ喇，咁Ｍｉｃｈｅｌｌｅ就要我幫她買野食返去，咁我就同呀欣及小紅一齊去ｏ左西九８樓食ｌｕｎｃｈ，我好快就食完，之後聽呀欣及小紅講一陣會行下先返去，咁我就先去ＫＦＣ買野返去比Ｍｉｃｈｅｌｌｅ先，咁買完返到中心，就擺低ｄ野，就入去電視房ｏ個邊聽下歌，休息下，其實應該係話等呀姍她們出ｏ黎，等ｏ左一陣之後，她們開完會喇，咁就幫她們ｏ係中心門外影幾相合影，今日係她們最後一日ｏ係度實習，天氣又涼ｗｏｒ，真係有點臨別的感覺。影完之後，幾位就ｏ係中心外面傾計。咁我就入返ｏｆｆｉｃｅ，遠望住呀姍啦，之後呀ｍｉｕ入ｏ黎問我係咪一齊去食ｌｕｎｃｈ，我咪講ｏ左我食１２點囉＝．＝之後她們就去ｏ左食飯喇。　　中心又回復返一片寧靜，下午就繼續填ｄ表格，一直填到２點幾就送ｄ賣物會物資去恩柏軒，之後就上去麗閣苑拎文件，就返去中心再整野，到ｏ左３點幾又去ｏ左吉之島拯救一下小紅，因為中心行五常，要買ｄ有關ｇｅ物品，買完就返中心啦，ｏ個陣都４點幾，就ｏ係度研究點整ｄ抽屜，不過發覺ｄ材料都唔ｏ岩用。所以都無整，５點就埋數放工，因為約ｏ左呀姍她們。２００７年１１月２日（金曜日）　　　晚上　　　晴　　咁放ｏ左工就行去麗閣苑啦，行到去附近，就已經見到Ｄａｖｉｄ同呀ｍｉｕ及呀姍ｏ係度傾計，咁我就行過去啦，之後家麒又放工行過，咁就一齊去ｏ左７仔到買少少野先走，咁家麒就去搭車啦，咁我就同呀ｍｉｕ及呀姍去ｏ左中旅買車票，咁因為她們唔夠錢，所以我幫她們出ｏ左先。之後就去ｏ左合昌買海味，主要都係呀ｍｉｕ買，買完之後，我就同呀姍就搭車出ｏ左尖沙咀先，再搭船過灣仔會展睇婚紗展，咁好彩都趕得切去到，咁入到去睇ｏ個陣，四周ｄ人都向我同呀姍推銷ｄ婚紗，令到我倆有點唔知點咁，其實如果係ｇｅ話，我真係好想係真。咁之後行完晒整個會場，就去ｏ左灣仔三聯買少少野先去搭電車，因為呀姍想搭下電車，咁搭到中環就落車去搭船返尖沙咀食晚飯。　　咁發覺過馬路時，呀姍都好多時唔睇車，我都好留意住她，唔想她出咩事，所以幾次我都捉住ｏ左她手臂，因為我好驚她會出事。咁落ｏ左船就去搭巴士到深水𤥴及太子交界，咁我ｏ地就去ｏ左食大排檔，咁今晚呢一餐可以話係我同她ｏ係香港呢段日子ｇｅ最後一餐，所以我請她食晚飯，咁今晚大家都傾多ｏ左好多野，我仲講ｏ左唔少野，都好似令到她笑得好開心＾＾，咁食完之後就送她搭車返去彩虹先，咁我真係好想送她入埋西貢，不過她好似唔想我搞到咁夜，所以都唔希望我送。咁ｏ係她臨上車前，我就將我買ｏ個個小天使、福音咭及一封信比ｏ左她，之後我就目送小巴離開我先走，之後我又ｏ係隧道再幫前幾日見到ｏ個位殘疾人士買多兩樣野，加埋都９０幾蚊，我比ｏ左一百之後都無要她找比我，仲叫她著多件衫。之後我就返屋企，咁我就比ｏ左個短訊呀姍，咁她都好多謝我送份禮物比她，唔知她明唔明我當中ｇｅ意思呢。　　其實今日好多時ｏ係談話中，我都暗示過，咁ｏ係婚紗展之後，她都同我講早知配合返ｄ推銷員，扮一齊睇下。我又問她對異地情係咩睇法，咁她雖然話有問題，但又講唔出，只係講實行ｏ個陣就會有問題。我又成日都偷望她，我發覺她係察覺到我望她。
發表時間：2007-11-03 12:54 AM [ 訪客留言(0) ] [ 編輯日誌 ] [ 分享至FACEBOOK ]

2007 年 11 月 1 日星期四

暗戀她的日子　◤第５日◢	分類: 未分類
２００７年１１月１日（木曜日）　　　早上　　　陰　　尋晚好夜先訓，因為諗好多野，因為尋晚同她出完去，真係好開心，但又諗到她下星期一要走，心情難免有失落的時候。　　今日８點先起身，尋晚成晚都咳醒ｗｏｒ。咁起身之後就梳洗換衫，８點２５分就出門口返工喇。返到中心就入報紙先，入完之後就入返ｏｆｆｉｃｅ食早餐，咁開ｏ左門之後，都唔見大家返，只有Ａｍｙ返到，咁過ｏ左一陣，呀傑打電話返，話唔舒服，所以要請病假，咁再等多一陣，呀欣及呀巫就返到，咁呀欣返到ｏ黎，就要幫呀傑頂ｏ左個例會，本來今日例會係由呀傑負責。之後呀巫又要幫手例會點名ｇｅ野，就得返我ｏ係接待處應付一陣，１０點例會開始之後就好返好多，不過靜的時間亦不多，當開完例會ｇｅ時候，又要忙過，好多人出ｏ黎買奶粉，因為又要加價，所以ｄ會員就入定貨先。２００７年１１月１日（木曜日）　　　下午　　　陰　　終於都到１２點喇，咁今個月又食返１２點，咁就同呀欣及小紅一齊去ｏ左西九龍８樓食飯，咁呀欣又比ｏ左一半意粉我，咁我食到咁上下，唔知點解無咩胃口，連自己ｄ飯都無食晒。之後食完就一齊ｏ係西九龍地下睇ｏ左陣，之後就返中心開工，返到去先記得無幫呀巫買野，咁就係咁比佢怪責。咁下午開工都無咩特別野發生，整下ｄ雜項野。５點喇，就埋數收工，放工過去Ｄｅｃｃ。２００７年１１月１日（木曜日）　　　晚上　　　陰　　返到Ｄｅｃｃ之後，等到５點半就同呀姍、呀ｍｉｕ等人一齊去ｏ左食飯先，食完就返中心拎野去洗樓，今日我就以義務形式去洗樓，咁我就跟住Ａｎｎ、呀姍及呀亮，咁就洗到８點半，咁今日洗ｇｅ時候，都有想保護呀姍的衝動。之後就去ｏ左Ｍ記討論返今日感受。咁Ａｎｎ都講返我頭先都想保護返和顧及呀姍感受。咁傾到９點，我就送大家去搭地鐵。　　返到屋企，我就比ｏ左個短訊呀ｍｉｕ，想拜託她幫我一件事，不過她就打返電話比我，質問我點解一家要她幫手，我又講唔到理由，咁就無再講落去喇，而她都話我真係好奇怪。　　其實，我真係好想找一個人傾，已經一年喇，本來諗住自己個心已經好返啦，點知原來唔係，比呀ｍｉｕ咁樣講完之後，自己又諗返，原來我真係好驚去表白，經過一年，差不多的時候、差不多的天氣，心靈上的創傷又再次淌血。唔通真心去愛一個人就有錯嗎？唔通愛上一個同自己分隔兩地的人有錯嗎？傻傻的為對方付出有錯嗎？可能我真的很傻，永遠都是只有傻傻付出，無人會願意為我付出。
發表時間：2007-11-01 11:27 PM [ 訪客留言(0) ] [ 編輯日誌 ] [ 分享至FACEBOOK ]

暗戀她的日子　◤第４日◢	分類: 未分類
２００７年１０月３１日（水曜日）　　　早上　　　陰　　尋晚慘喇，雖然食ｏ左ｄ好苦ｇｅ中藥，不過都有係咪咳，不斷咳醒，無咩點訓得到，咁今朝就８點起身，之後梳洗完就８點２５分出門口，返到中心ｏ個陣，就自己開閘入去，因為今日小紅上午又拎ｏ左假，咁我入到去就入報紙先，好快就已經入完，之後就食早餐，買ｏ左３個菠蘿包。食完之後就開工整野，咁上午就整ｄ例會紙，整ｏ左一個上午。到ｏ左１２點左右，呀ｍｉｕ打電話比我，問我一陣同唔同她們食飯，我就應承ｏ左。２００７年１０月３１日（水曜日）　　　下午　　　陰　　到ｏ左１點ｏ個陣，我就去麻辣川到找她們，但係唔見她倆，所以打比呀姍，先知轉ｏ左去明苑到，去到之後就邊食邊傾下計，我又駁下呀ｍｉｕ咀喇。咁之後聽呀姍講放工之後想去新世紀到行，咁我就話陪她去。咁我就送她倆去搭地鐵，我就返上中心先，之後差唔多２點就要飲中藥，好苦呀＞＜，食完之後就開工整野喇，就幫手影下印啦，同幫Ｓｕｋｉ個活動影下相，咁就到ｏ左４點，４點就開五常會議，咁傾到成５點２０分先開完會，我就即刻埋數，再打比呀姍，問下她ｏ係邊，好彩ｏ個陣她仲ｏ係九龍塘，咁我就即刻放工去旺角等她。２００７年１０月３１日（水曜日）　　　晚上　　　陰　　咁去到旺角之後，等ｏ左一陣，呀姍就到喇，咁她想玩一下個小鬼屋，咁我就同她一齊排隊，咁一路排，一路傾計，排ｏ左差唔多半個鐘就入去喇，入去之後，呀姍覺得驚，就捉緊ｏ左我隻手臂，ｏ個陣我個心都好緊張，因為想不到她會捉得咁實，不過都唔夠１分鐘，就行完晒，一ｄ都唔好玩，可能係因為我ｏ地食最後。咁玩完之後就一齊搭車出尖沙咀搭船過中環，不過就先行ｏ左星光大道先，呀姍一邊行一邊影相，我就一邊行一邊望住她，見她影得好開心。之後到ｏ左７點４５分就去ｏ左買野食，之後就過返星光大道睇維港匯香江。咁睇完之後就同呀姍坐ｏ左一陣，傾ｏ左陣一ｄ信仰問題。咁傾完之後就去搭船喇，我就比ｏ左份親手整ｏ左成晚ｇｅ禮物比她，亦都叮囑要１１月１８日先好拆開。之後ｏ係船度，呀姍又企ｏ係度不斷影相。唔使一陣，已經到ｏ左中環，咁我ｏ地就行去蘭桂芳，行到去之後，就一排隊行入去，因為好多人，所以都花ｏ左好耐時間先行完整條路，而ｏ係行ｇｅ過程入面，因為人多，所以我唔想呀姍比人撞親，都兩隻手捉住呀姍雙臂，但唔知呀姍點諗呢，但我都唔想呀姍比人整親先咁做。終於都行完喇，呀姍都影ｏ左唔少相。　　之後就搭返船返尖沙咀，咁返到去之後就影多陣相就陪呀姍搭地鐵去彩虹，咁我都叫呀姍ｏ係車到休息下先，去到彩虹之後，我就送埋呀姍上小巴，再偷偷企ｏ係一邊等埋小巴開走先返去，咁落到行人隧道，見到有位殘疾人士賣野，我就上前買ｏ左條都幾貴ｇｅ水晶天使電話繩，我想送比呀姍，作為她的守護天使。之後我就比個短訊呀ｍｉｕ報平安，話比她知呀姍返緊去。　　返到屋企ｏ個陣，收到呀ｍｉｕ短訊，比她問ｏ左ｄ問題，我又唔知點答她ｗｏｒ。講真，我真係鐘意，但我唔希望迫她作任何決定。但呀ｍｉｕ就話幫我一把，我都唔知點好。　　其實今日我覺得呀姍都好開心，特別係我捉住她雙臂之後，離開蘭桂芳時，我見到她好似笑得好甜。
發表時間：2007-11-01 01:05 AM [ 訪客留言(0) ] [ 編輯日誌 ] [ 分享至FACEBOOK ]

2007 年 10 月 30 日星期二

暗戀她的日子　◤第３日◢

分類: 未分類

２００７年１０月３０日（火曜日）　　　早上　　　陰

　　今日７點４５分就起身，之後就比屋企人帶ｏ左落去睇中醫，ｏ個陣８點左右啦，點知去到門都未開，睇咩呀＠＠，咁我就氣沖沖咁返去中心喇，返到中心ｏ個陣都係８點２０分，呀傑已經返ｏ左ｏ黎，佢都問我做咩咁早，之後我就入報紙，入完只係８點３５分，無咩做，就發短訊比呀姍。

　　９點喇，開工做野喇，咁上午ｏ個個幾鐘都無咩野整，之後１０點幾，Ｍｉｃｈｅｌｌｅ就比ｏ左份野我打，仲問我一個星期夠唔夠，我話有多啦。咁我就開始打份野喇。咁因為上午無食早餐，個胃就痛得好勁，小紅就比ｏ左個ｐｉｚｚａ我食，雖然唔係好多，不過都頂得下。

２００７年１０月３０日（火曜日）　　　下午　　　陰

　　到ｏ左１點喇，咁我打比呀妍問下她去邊到食飯，不過就無人聽，咁我就同Ｍｉｃｈｅｌｌｅ、呀欣及小紅去ｏ左小金象到食飯，咁我就叫ｏ左個蠔仔碎肉湯飯及一杯熱柚蜜，我聽Ｊｏｅ話飲熱野及含蜜糖ｇｅ飲品。食到１點半ｏ個陣，呀妍打返電話比我，問我找她係咪有咩事，其實唔係ｇａ，我想聽下她把聲。食完之後就一齊返中心，返到去就車ｄ麥皮落去麗閣苑等跟車，點知無升降機搭，咁要將４箱麥皮搬落去＝．＝搬完之後就返上中心繼續打文件。打到４點半，終於都打晒，都唔使用一個星期，ＭＩｃｈｅｌｌｅ都話我咁快就打晒，有ｄ唔相信添。之後５點就埋數，再打埋ｄ例會紙，５點半就放工去睇中醫喇。

２００７年１０月３０日（火曜日）　　　晚上　　　雨

　　睇完中醫之後，中醫話我肺虛氣弱，所以先咳得咁勁，所以整ｏ左包藥今晚飲＠＠

　　咁今晚都聽到個唔好ｇｅ消息，Ｍａｔｔ話我知佢比人屈佢食死貓，我聽到都好火，真係唔係咁都做得出，放完假，中心無ｏ左＄２０００幾，就話關佢事。咩世界呀，我都覺得好唔抵。

發表時間：2007-10-30 07:27 PM [ 訪客留言(0) ] [ 編輯日誌 ] [ 分享至FACEBOOK ]

1 | 2 | »