今晚又係度做電腦了,雖然考完試冇幾耐..但唔知點解仲好似好多野做...可能我唔比自己放鬆喇...近排好大壓力

呀..成日都唔舒服同頭痛..好辛苦呀><

   今日有個朋友仔送左分禮物比我呀...點解佢會送比我...因為佢之前應承過話比我..但其實我都已經唔記得左呢件

事架喇...估唔到1個月之後佢仲記得.....分野係我做野做到好大壓力個時去拆...其實我返到home個時都唔記得左有

呢分野..因為我第1時間就已經去左做野....之後唔知y執野個時先記得有分野,當我一拆個時..我好感動 ..分野我好

鐘意..除左呢樣之外..最緊要係因為佢有心呀...佢會守諾言....我個刻真係好感動..好怕d人應承左之後,就拖下拖下唔

記得..又唔去做...

   仲有呀..係school有個人應承左我幫我做d野...上個星期拖到今日...佢起初話上星期六幫我做,但最後都冇做...

我以為佢又會唔想做拖下拖下又唔幫架la....因為有人亦類似呢件事咁對我唔守諾言過好多次...算喇..個時想搵第2個

幫..點知最後..佢竟然守諾言....雖然拖左咁耐..佢今日放學又趕住走..而且今日又遲放..但佢都等我幫完我先走..但

係好多謝呀...唔好意思呀..要麻煩你...仲有尋日有個人都守諾言

    我好怕人唔守諾言,最怕人講完d野又唔算數..之後又搵藉口拖..個種感覺好難頂呀.... 我寧願佢個時唔好應

承我...我而家要學會堅強喇..唔好成日咁眼淺....我唔會再為(你)呢件事唔開心