今日起左身之後就睇下尋日買個本野啦...個本野真係好正呀...如果我可以整晒就好喇^^下午到我就開始整係個本

書教既個個甜品...個個甜品好吸引我呀~~係西米露布丁黎架~~咁我12點半開始準備d料喇..洗下野咁....洗完野之

後就諗住拎d抺手指巾抺下手同食具係d野喇..點知..我又唔記得左d保鮮紙放左係d抺手指巾樓上..一拎..成卷保鮮紙

就係樓上跌落黎..咁我就想避開喇~~可惜避唔切...佢想跌落我塊面度..so我咪用隻手擋住..最後我隻手同腿就比保

鮮紙個塊刀片介到...好痛呀><流血.....隻手個傷口仲好深呀..好驚好番都有條"恨"~~不過今次係第2次比個塊刀片介

到...我下次唔會再咁架la><

   之後咪止血..貼左塊膠布..跟住就整野喇....有得整野食就乜都唔痛喇^^hehe...首先就整左d椰醬先....整完之後

又嗅下喇~~好香呀~~整到2點到就整完la...咁就擺左落雪櫃等佢凝固~~~好開心呀~~好似都整得ok..

   洗完碗之後就去玩電腦la....本身諗住裝隻game玩架~~~但唔知y裝唔到囉...咁咪打電話問下o靚仔囉..同諗住叫

佢返黎幫我囉..佢又話4點會返到home..點知..等到佢成6點先返到呀~~激死喇...佢返到黎之後咪叫佢幫我整囉....

最重要就係幫我做白老鼠---試味^.^不過今次佢都覺得ok呀~~幾好食^^haha..happy 啊~~

   食完飯之後熙又打黎問番聽日d野...傾左一陣之後...佢就打黎喇~~咁我地就約左係番個個老地方等...因為我想拎

個d甜比佢試....拎完比佢之後就返番home喇~~~then又同sandy傾左陣....收左線之後就沖涼~~沖完涼之後就打

左比佢傾左陣....之後就睇下tv...12點到就訓左喇~~

   今日一早起身就開電腦睇番尋日搵到個分工喇.....之後就打番比suki morning  call佢..跟住就打去問個分工la..

估唔到個負責人叫我3點後先打去..=.=都係遲d先打去喇...唉...

   係home坐到1幾到就出門口喇....因為要同suki返學搞d野....行返去經過城門河個時都好好陽光..仲要勁曬...但行

到去秦石個條subway度時..竟然落大雨喎...d天氣真係反常~~~之後等左一陣..等d雨細d就行喇~~~約左佢係個

度個巴士站等..會合左之後就行返去la...行到返學之後就搵miss喇..點知...miss竟然走左囉....唉..我同suki都好無

奈...不過好開心..因為我係school度sell晒d獎劵la..hehe^^之後就打比sandy 喇~~原來佢同carol一早到左中

心..仲等緊我..咁我咪快d搞埋d野之後就搭車過第一城...之後suki就送我去搭車...上左車之後架80k行好多地方....

都坐左好耐先到呀...去到個度都成3:45..要佢地等左咁耐..sorry ar><之後我就請左佢地食格仔餅補數....食完之後

就搭車過新城市喇..因為我想睇食譜..加上之前又睇中左一本喎..咁咪諗住今日買囉....本來我想行過去架..但因為佢

地話搭車..咁咪冇搭囉><咁我又要係之後省番d$$喇.....去到個度即刻去商務喇..最後就買左另一本整夏日甜品既食

譜~~好開心呀^^而carol又想整甜品喎...so我地就周圍去買材料喇~~~sandy陪我地...首先就去左西田..之後就

去百佳喇..個到勁多人呀..好迫呀..我地周圍搵咁la...不過都唔係咁買得齊..去完百佳之後我地就各自各走la~~~

   我就決定返去home樓下個間華潤到睇下d料..but都冇呀..咁我咪走去惠康度睇下囉..點知...竟然有喎...^^之後

買完就返home喇...不過d野好重呀..又熱喎~~返到home好累呀><不過之後收到一個電話之後就幾開心..可以話係

一個希望喇....

  跟住玩左一陣icq之後就去左睇新買個本食譜喇..好happy呀~~又周圍研究下d材料咁喇...希望聽日整個

樣甜品會成功喇^^

    今日一朝早起身就唔係好舒服la...個頭暈暈地咁...個肚又痛喎...之後食左少少野...飲左一包凍豆漿..本身諗住會

好d架~~點知..仲痛過之前...之後照鏡la...嚇死我呀...塊面好青呀....本來今日約左sandy同熙出街既..但我見出面

好大雨~~而且仲要紅色暴雨,加上又唔係好舒服.....咁我咪諗住打比sandy同熙睇下佢地出唔出~~點知..熙竟然諗

都唔諗就話"出硬"..不過唔緊要喇~~我自己都想出去既..^^咁就諗住坐一陣休息一下下午應該冇事既.....點知..愈

坐愈痛..真係好辛苦呀><鳴....之後又有少少肚餓..咁咪叫o靚仔幫我落一落街買d野食.....點知佢又話唔買..之後去左

訓覺...可能佢都有少少唔舒服..唉...算...屋企又冇其他人喎...唯有一陣出去食喇~~坐到1點幾到...都係唔係咁掂

..愈來愈辛苦....之後仲想嘔...可能我個胃又唔係咁好..又冇乜食過野..so咪咁囉.....之後咪塗左d白花油..又拎黎嗅

下咁...好辛苦呀><...之後都搞到遲左出門口..

   出門口個時我知自己都唔係咁掂...所以咪搭車過新城市..搞到我浪費左$3.1呀.....之後出到去朗豪坊個時都成

2:20...遲左好多啊..不過出到去個時好似好左d^^佢地叫我上12樓搵佢地.....當我搭緊扶手電梯上到去11樓個時

就聽到有人叫我個名...原來佢地落左11樓呀~~之後等電梯上到去12樓個時..我咪落番去搵佢地囉..點知..落到去

又唔見喎....咁咪call佢地囉~佢地又叫我不斷落喇..咁就會見到佢地,之後搞到好似玩捉迷藏咁..最後竟然係好似9樓

個間巴士專門店門口搵到佢地...不過都幾好玩呀^.^搵到佢地之後就去火焰山度食野喇...去到個間野門口度竟然比我

見到dick hui..佢仲要企係門口度同著著圍裙..好可愛呀佢..我估唔到會見到佢囉..好開心呀><之後我地叫左d野食喇

~~個度d野食都ok既~~不過d款式少左d~~不過我食野個時..佢就坐左係度..個角度完全fit晒囉..我睇得好清楚佢

呀~~~終於可以見到佢真人喇..hehe^^食食下oten竟然都上埋黎..不過佢今日好惡呀~~竟然係度罵人..不過我覺

得佢做事好認真囉...

   食完野之後就周圍行下喇~~行個時食左好多朱古力呀~~最衰都係sandy..之後又行下大眾睇下d整野食既書..我

地仲用相機偷影左本書既食譜...^^之後又周圍搵下商務~~因為我想睇食譜..但最後都搵唔到..之後我地就過黃大仙

搵carol..又過左大眾又周圍行下咁....我係個間大眾又搵到一本好正既食譜呀~~不過好貴..成$92..睇到6點幾到就

陪carol去m記食野....食完之後我地就陪熙買生日蛋糕...點知竟然係公園度撞到....=.=

   買完之後,我,carol,sandy就去地鐵站搵佢地..因為我地今日要上家舍做宣傳~~家舍d男仔原來係比女仔乖架~~~

d女仔好熱情囉~~不過個d女仔唔認得我呀~~就係認得sandy~~不過唔緊要la..希望去camp個日會同佢地熟番~~

去完家舍之後就一齊去食越南野~~~個間野都幾好食架~~仲係新開~~不過食野個時勁好笑囉~~因為有呀ken係度

~佢d野令到我地好好笑囉~~~haha~~

  食完野之後就搭89B返home~~~之後係車度同佢傾計..傾到我屋企樓下就收左線...之後返到home沖完涼之後又

再傾過...最後傾到12點幾....^^之後就訓覺喇~~不過今晚唔係咁訓得著..因為訓個時又唔係好舒服><

  今日成9點45先起身~~~仲差d遲左去覆診..不過尋晚又係訓得好舒服呀~~~真係好鍾意呀~~~如果真係真正擺

脫訓唔著同訓得唔好既問題就好喇~~~去完覆診之後就返返home等呀媽陪我去捐血...等左一陣之後就出去沙田個

間紅十字會喇~~~去個時我呀媽係咁話我..其實佢一直都唔鍾意我去捐血架~~因為我身子唔好..不過可能佢知我既

性格喇~~話做一樣野無論用任何方法都要做到....所以佢都冇我符~~

  去到個度個時12點到..我估佢地都岩岩開~~~個度個d姑娘好好架~~都幾好傾....好細心....其實我真係好想做護

士架.....尤其見到佢地做野個時既態度~~~

   不過唔知y今次吉針個時比上次痛呀~~不過我冇後悔到我唔用痲醉針....不過我知今次隻手一定比上次瘀..算la...

因為我知可以幫到人~~so痛都值得架^^不過今次都好快捐完呀~~

   捐完之後就飲左d野同食左d野~~~坐下咁囉....順便等呀媽返黎..因為係我捐血期間我呀媽出左去買野~~~我都

等左佢好耐呀~~之後等到我勁無聊..之後又周圍望下野又睇下拎野食個筒喇~~~原來個筒裹面有我鍾意食既檸檬

餅~~之前我都睇唔到呀~~~跟住我又即刻食下咁~~^^之後都等到成1點半我呀媽先返黎~~不過個度d姑娘

好好人囉~~~知道我悶又開電視比我睇..又話比我知邊度有電話打~~(因為媽媽拎埋我部電話走)~~

   媽媽黎到之後就同佢行左一陣...之後就同佢一齊飲下午茶..因為我都好耐冇去酒樓飲下午茶,同埋今日媽媽約左梁

太同欣太飲茶~~咁我又可以sell下d獎劵...之後我地叫左好多野食呀~~食左好多炸野同甜野~~不過個間酒樓d野

都好好食...^^但我知我又有排減la....><個個梁太原來又係好鍾意食野架喎~~佢食野個樣仲好似細路女~~..哈哈

不過我係度睇佢地三個傾計覺得好好笑~~~尤其同個梁太傾計個時~~~之後我仲賣左2張獎劵~~~hehe^^

   咁飲完茶之後我就返左home la~~~仲拎左d蛋散返home食~~~個d蛋散真係好好食啊~~^.^今日都幾開心呀

~~因為我去左捐血喇~~~而且又拎左張器官捐贈卡..仲有呀~~我sell剩2張獎劵咋~~~希望係星期六之前可以sell

晒la~~~

  今朝起身個時好舒服呀~~~因為唔知點解我尋日訓得好好呀...我好耐未試過訓得咁好喇~~~平時又訓唔著..如果

晚晚都係咁就好喇~~~^^起左身之後都冇出街..係home度睇下書..玩下電腦咁~~~不過唔知y我覺得自己肥左

呀....我唔想肥呀....我諗過埋今個星期之後我又要節食...我一定唔可以比自己再肥番...我唔想好似會考之前咁..

  係屋企坐到6:30到就出門口喇~~因為今日姑姐約左我同o靚仔去食buffet....好開心呀~~~cause有得食...

hehe^^......我地約左係帝京酒店度食~~~so我就約左姑姐係mk個火車站度等~~~不過我今次冇遲到呀~~~~

好乖呀...哈~我地剛剛好~7點就到...之後就行過去帝京酒店喇~~一入到個間餐廳..我就已經比拎野食個個大堂吸

引住....個個大堂好大呀~~好多野食~~^.^不過我第一個眼神就已經落左係甜品度....入到去之後我先知原來姑姐

約左馬叔叔同shirley姐姐~~不過我都好耐冇見shirley姐姐喇~~我記得我細個個時shirley姐姐對我好好架~~有時

仲會同埋姑姐帶我出街...我記得對上一次見佢係姑姐結婚個時...不過shirey姐姐肥左好多呀~~唔知佢而家有冇bf

呢?之後佢地仲話我個樣好似姑姐~~不過我都覺得似架~~

  個間酒店既buffet好多野食架~~~有pizza,日本薄餅,手卷,燕窩碗仔翅,鮑魚碗仔翅等等~~總之好多野食喇~~~

甜品都好多架~~有窩夫...有焦糖布甸,不同款式既芝士cake,班戟,朱古力慕斯,仲有好唔同款多細細件既西餅....d西

餅放晒係個透明既櫥窗裹面.....其實我去到個個櫥窗面前都已經開心到唔知點形容~~hehe..好happy ar^.^我係

度不斷咁試野食..食完呢樣又試另外一樣~~開心呀><不過最搞笑就係我同馬叔叔係度分個個班戟....分到好核突...

我同個個馬叔叔都幾夾幾好傾...不過o靚仔就好似唔係點出聲...可能佢唔係好岩傾掛d話題~~~d野食整體黎講都幾

好食既,不過d甜品就比我想像中差d~~d cheese cake一般,不過個間野d窩夫ok~~但個度用朱古力整食物太苦喇~

唔係好得~連朱古力雪糕都係咁....都係馬可勃羅個d甜品正d..不過上次都食唔夠....固住同人影相..搞到我冇得食..

激死我喇><...但個間野有個節目係表演整火焰雪糕蛋糕~~~我都係第一次見咋~~之後整完之後仲有得即場拎黎

食..個件野都幾好食架~~哈哈~~我都係第一次食咋......之後我食到好飽呀~~都唔知y自己咁細食..如果唔係可以

食多d呀><不過今餐好貴呀~每人食左250幾...不過係姑姐請我同o靚仔....雖然唔洗$$...但姑姐對我地好好呀.....

對我地好似自己仔女~~由細到大都係咁....好多謝你呀~~姑姐....之後食到9點幾到就走喇~~

   我,o靚仔,姑姐,馬叔叔,shirley都搭火車走~~但shirley姐姐就搭住尖東個班~~哈哈~~食飽左既馬叔叔成個呀伯

咁....之後我地返到home都成10點幾喇~~^^~~今日好happy 呀~~~因為除左有野食之外...我仲賣左8張獎劵

~~^.^