剛在網上看到有人對334的評論。

轉載(看原文) 

上圖是一位熱心老師為2010年的會考生想出來的出路圖，看一看吧...由左至右

(情況一)

 很好吧，2010年會考14分，可以升舊制中六，一切如舊

(情況二)

 2010會考衰了，好彩有2011年補考，等我努力重讀，考好個試.

 .......一年後.......

呀媽! 我得左啦，我有9A呀......可以升中六了....

那位重考9A學生興高采烈地去自己間學校度講："有個九優生係你間學校度，發達啦你!"

學校代表：這位同學，現在已經沒有中六了，只有新高中的中六(情況三)，但你未讀過通識喎，

你讀的科目沒有了，來年便要立即考文憑試，我們不收你啦!

重考9A學生：下，咁中五重讀(情況四)好嗎 ?

學校代表：唔....都係唔得，我地中四中五中六一條龍咁升上去，沒有位喎，何況都係那個問題，

你要重新讀過所有科目，又要d 科中四計左學內成績(SBA)，好煩呢，都係唔好啦....

重考9A學生氣憤地：咁中四啦(情況五)...新學制新開始!!!

學校代表：咁就唔同，歡迎加入

重考9A學生氣憤地：痴線，咁我咪要讀多三年書才入大學....

我不如連2010會考都唔考去留班讀中四(情況八)  ..........(又係喎)

那個重考9A學生很夠胆地向大學查詢：我有9A你收唔收!

大學：9A大晒呀，你又無讀通識，又無讀中六，唔收唔收.....

重考9A學生點都找唔到大學或中學收，只好向IVE查詢：咁你收唔收呀?

IVE：歡迎，不過你要由基礎文憑課程開始喎...好似以前中五入讀咁啦..!

重考9A學生搖頭：早知唔重考啦，仲浪費了一年時間和金錢......考試局...你點我

擬似考試局職員：我地冇點你，我攪重考賺下錢，無叫你報，你知己攞來衰....嘿嘿

重考9A學生O咀：..............咁即係教育局老點啦?

擬似教育局職員：我冇點你，我話有得考重考，但唔包出路，你沒看指引嗎，

教改係咁啦...不過仲有副學仕、藝進、展翅....乜都有，你想讀咩..

重考9A學生氣憤地：收啦你，攪埋d野昆錢，都冇前途的，我9A駛讀呢d!!!!

重考9A學生呀媽：衰仔，叫你俾心機讀書啦，宜家要留班啦....

重考9A學生：呀媽，我有俾心機呀仲攞9個A呀.....留級....係喎，點解我中四那時唔留班呀，

早知科科肥攪到留班，咁我咪唔駛好似宜家咁啦.......!!!(情況八)

－－－－－－－－－－－－－－－－－－－－＊

哈哈，這故事確是很有趣。

幸好我是新制度前、舊制度尾的學生，即使重讀也大命的逃過一劫。

新學制難為了現時中四這群「踩界」的學生

會考考得很好，中七時又要和新學制３３４中六的學生爭大學學位

會考考得不好，重讀時就會遇到上述的問題

總括而言，最後一屆會考生確是很「無辜」

要在敗壞的教育制度下苟且偷安...

若我是最後應屆考生，我想我也會選擇中四重讀

混水摸魚跌進３３４的圈套，總好過考過會考之後變得不３不４....