今日10點9左右起左身..第一時間梗係刷牙..之後當然係睇孫悟空啦..

                   睇完就要洗頭..換衫..執野走人喇..有無發覺一樣野..?

      就係我未食野..因為唔知點解呢幾日都無咩胃口..已經幾日無食過一餐正式既Lunch喇..

               成日食薯片頂肚..今日都係諗住食個蛋糕仔頂肚..唉..12點2紫欣打俾我..佢同阿淇一齊..

         我叫佢地等埋我..佢地竟然唔等..諗住一齊飛的上去加嘛..果條咁既斜路行上去勁辛苦..

            我話唔洗佢地俾錢..我請埋佢地都話唔制.. -﹏-"..咁我就叫左阿欣係地鐵站等一齊上去啦..

    點知部屎人小巴勁慢..遲左少少啦..上到去第一時間食野..派Titans特刊喎..

                 搞錯..放我張學生相上去..勁樣衰加嘛..唔得牙..好想撕左佢..

          連Miss同阿sir都話好核特..不過佢地不嬲都係咁..應該係講笑掛..不過事實係咁.. -﹏-"..

              練練吓..我勁暈..仲勁頭痛..就同Miss講話我好辛苦..頂唔順..佢就俾我去飲水..

      坐左一陣..Miss就要我再練過.. -0-"..個頭好似爆咁..好痛..個耳仔仲"塞"左..

                唔多知佢地講咩..練左一陣..我差d嘔左出黎.. -0-"..唉..無練半個月就搞成咁..

       下次都考慮唔返大陸喇..差唔多練完果陣我見到林慶慶..望望吓..仲見到鍾輝輝..

             吓..原來呢間係廠商黎嫁..???我依家先知牙..但係唔見肥成同曾青青既.. -0-"?

         唉..最尾果2 set體能做到我又差d嘔..做果個滑雪步d師姐話我偷懶..做唔足..

                      咁我真係做左34 吓牙嘛..呃你地做咩.. -﹏-"..

                練完之後坐係度睇佢地打波[廠商]..睇左一陣就落去食野..食完野就同阿淇..紫欣一齊走..

                   返到屋企即刻訓左一個鐘..非常之攰..攰到成身好似散哂咁..好肚餓..

            一路食薯片一路等開飯..希望聽日唔會好似今日咁無胃口啦..如果唔係屎得..

                                                                                 [08:30][8037]

    有無人知點會胃口好d牙?我聽日唔可以唔食野嫁喇..

        尋晚爆慘慘..訓訓吓無啦啦腳痺..痺左幾個鐘都仲係咁..

              2點幾果死忍..終於訓得著..不過4點鐘又[痺]醒左..好辛苦牙..

           睇睇吓阿哥打機覺得好肚餓..阿哥又話肚餓..不過屋企無葱所以唔想炒飯..

                 不過阿哥話佢勁肚餓..諗戂吓我都肚餓..就決定炒喇..唔掂牙..無葱真係相甘好遠..

     食左一半左右就食唔落喇..繼續睇阿哥打機..因為我隻腳真係好痺..訓唔著..

             睇睇吓佢傾電話..俾我玩.. >v<"..咁我就打埋尋日啲日記啦..icq同msn都無乜人..

        6點幾果陣終於唔痺喇..就即刻衝上床訓..不過又訓唔著..依家[07:48]又想訓喇..

                  不過可能會訓到好晏..希望唔好過12點啦..我計計埋埋都你訓左1.2個鐘咋..

   唔該12點搵人打俾我叫醒我牙..下午有野要做..

       衰狗..最後一個number係1牙..*

                              唉..加加埋埋都係訓左4.5個鐘..陰公牙..好耐無試過咁喇..*"  

               你地真係好人..有３個人叫我起身..11點..狗仔 sd信息叫醒我..

                    狗仔叫完我之後想訓陣..點知小輝輝又打黎嘈我..收左線喇..

           阿哥[明]又打黎.. -﹏-"..早知叫一個人叫醒我算..下次都唔好係日記板叫人叫醒我喇..

                 1次係咁..2次又係咁真係好陰公..最後決定..唔訓..同狗仔傾電話傾左好耐..

              佢出街果陣我就訓著左..點知..........ico打黎..嗚..神牙..救救我吧..

                         但係又唔收得ico線喎..因為..佢返大陸之前最後打俾我既一個電話..

          唔可以收線.. -﹏-",,慘..傾傾吓佢話要打俾佢媽子..咁我就話打完再打俾我..因為我要去TL..

                   點知..狗仔又sd sms同我講佢返到屋企..又繼續同佢玩sms..唉..周公唔要我喇.. >﹏<"..

             傾傾吓又到夜晚喇..食完飯覺得有d眼訓..諗住睇完野蠻奶奶..沖完涼就訓教..

                       如果唔係我諗我可能會病..原因:睡眠不足.. 真係成身軟哂..

        ●今日無食過Lunch..只係食左d 薯片..蝦條..4點果陣食左個菠蘿包..

           仲要係被逼先至食嫁咋..唔知做咩無胃口..唔係有病下話..我好少何係咁嫁啵..

                                                                                                               [09:51][7966]

    我唔要讀2E牙..*我唔要好似搭巴士咁牙.. -３-"..

         我要讀D班牙..E班無咩Good Friend既..

      仲要有個曾shan shan..一定煩死..*

            好野..我隻腳撻野好得七七八八喇.. >v<"..

         1點左右悶悶地就打俾ico啦..聽到d地鐵/巴士聲..就問佢係邊..

              佢竟然同我講去緊漫畫展..我想去好耐嫁喇..一聽到就叫佢等埋我..

        收左線就即刻換衫..整野..去到都齊哂人喇..見到1條仔..以為我唔識嫁啦,,

                    原來係小興子..真係認佢唔到..之後又見到條仔望住我地..

              心諗..呢個唔係又識嫁下嘛..?原來..係ico識..我唔識..好彩姐..如果佢真係我識既..

                 2個都認唔到..咁我諗可能要換con先得..去7-11買飛果陣好燸..

        我俾錢果陣佢話唔夠錢..明明聽到ico話20蚊一張飛..sh*t,,ico睇住我拎住張20蚊紙都唔出聲..

             淨係識係度諗:咦..佢個5蚊銀呢..? 陰公..我點會識呢啲咁既fd嫁..

          去到..都唔算勁多人..ok既,,行左一陣就發覺好似多人左..小興子同蛋撻掛住睇game碟..

                我就覺得好無聊..對打機/game完全無興趣..行行吓..唔見左小興子..

      佢又唔見左部電話啵..都唔知點搵佢..咁就諗住一路行一路搵啦..再行多一陣..

            唔見左阿wing同小褟..蛋撻又話分開行..搞到得返我地2個..入果個乜得野玩具精咩區..

         轉左幾廿個圈先入到去..有精品..書..最後竟然係無收穫..無計..我既興趣係運動..

                  對呢d野無興趣都正常掛..好彩出黎果陣唔洗轉咋..如果唔係..我殺人都似.. -0-"..

              之後就去左TL 附近果度行..睇岩左d車仔..揀左好耐..選擇左救護車..

                      唔知點解特別鐘意警車同救護車車..可能特別掛..Then去左睇人地試玩搖控車..

                部車仔好慘牙..係咁撞..d人真係忍心..唉..一定好痛喇..

                         睇左好耐..阿wing佢地終於肯出黎喇..之後就搵埋蛋撻..

          其實我都唔記得搵邊個先..傾左好耐..決定搵人開咪搵周興興小朋友..

                     問左d食蕉好多次..佢地都係將我地點黎點去.. -﹏-"..之後決定睇埋d野先搵..

               阿wing佢地睇創意大"達"地..我地就睇d人唱歌..條仔打鼓好型牙..

                           正牙.. >v<"..睇完之後又繼續問人去邊度開咪..d人終於講得清楚d喇..

                  ico話明係細路佢先肯開咪..小褟竟然同佢講話我地要搵fd..

                       唉.. -0-"..無計啦..唯有走人..諗住去m記食野..ico就話:嘩..爆哂喎..之類既野..

          我就話:得啦..你"a"到位嫁喇.. -﹏-".. 衝口而出..真係無特別意思嫁.. -0-"..

                   個個都話我句野好絕..係咩..我又唔覺喎..普通句子之嘛..入到去勁多人等位..

               唉..一定要等好耐啦..之後決定去茶餐廳算..見佢個招牌寫住咩咩奶茶王之類既野..

                       諗住應該好好飲啦..點知都係一般..蛋撻做咩我都話:狗係鐘意點點點嫁喇..

           佢個樣勁無奈..笑到我屎屎吓,,之後我飲完支野..佢話:冰黎嫁喎..

                    我:我知牙..*  蛋撻:狗係鐘意啜冰嫁喇..  勁無奈..俾佢陰返次..

               我無食到野..只係飲左杯凍奶茶..$13..去到地鐵站..

                      等阿wing佢地買飛等到我唔耐煩..就自己死埋一邊..行埋去ico果邊果陣..

       ico問蛋撻幾歲..答案竟然係......15歲..真係一啲都唔似囉..似17-19..

                  我地上左車先知.....唔見左年蛋撻..唔知屎左去邊..我就去奧運站落車..

             阿wing同ico就青衣..返到屋企..蛋撻add我..原來..佢....[[[盪失路]]]..

                      哈哈哈..笑死我..佢話佢傾傾吓電話唔見左我地..電話又無電..打唔到俾我地,,

                去到柴灣方向個月台果陣見有車到就上左車..上左車先知原來係柴灣方向..

                           笑死我.. >v<"..哈哈哈..傻瓜..我唔係忽忽牙..馬騮我就認.. [[7918]]