今日晨早起身~出library隔離食早餐!~

食飽之後就係library溫急救~不過都冇咩點溫呀~

都係上網多D啦~

到左下午就約俊朗出黎食tea呀~係東大街既越南野果度食~

不過好難食呀~食唔飽tim~

跟住就去行街啦~行到差不多就上左去工聯會等上補課堂~

一開始就CPR啦~都OK啦~之後就玩包紮~都唔錯既~

到左7點就考試啦~考左4樣野啦~筆試、出血、骨折同埋CPR~

筆試應該都pass啦~

出血：左手掌出血~骨折：右下頜骨骨折~兩樣都順利既~

到CPR就緊張左D~不過都OK~

考完都係8點半~就去左食少少野~咁就完左今日既節目啦~

係中央困左3個月多~今日終於可以回歸小西灣啦！

今日仍然都有利是收~真係快樂！都有唔少架~^^

今日係情人節~先祝各位情人節快樂啦！

今日整日既工作一切順利~都唔錯~好滿意~

連檢討會d文件都差不多完成了~真係好啦！

今晚冇情人同我過情人節~唯有自己過啦~

聽日考試呀~今晚都係溫下書罷啦！

係咁多先~

今日下午去左小學BBQ~

經開炮中就睇下呢個月有咩節目~都係D專題活動~聯課活動咁啦~忙死~

1月份活動

2月份活動

返到小學見到關校長~殷副~金副~蘇主任~吳主任~Ms Yeung~其他唔知貴姓~

一開始就點名啦！殷副話我係第1個報名~估佢唔到囉~

跟住殷副俾左封利是我呀~多謝晒~新年快樂!身體健康！

開始BBQ既時候~我果邊好多好唔聽話既細路~

有個仲叫我做阿姨囉~無奈左D咁啦~不過好好笑架~

之後我就去影左D相~

天台籃球場

我以前讀6D班

我以前讀5D班

冇影4D班房~唔知道冇影到~下次補返~

我以前讀3D班

我以前讀2D班

我以前讀1D班

同楊老師合照

天台乒乓球場

小學新翼~

燒到6點~就離開左學校lu~

跟住出荔枝角等阿君~因為要參加晚堂崇拜~都唔錯架~

完左都9點8個字啦~今日夜左~因為有呼召呀~

今日好開心~不過都好累呀~

係咁先啦！

今日同阿媽去太古城板長食壽司~

食完我就出北角剪髮~都要98蚊~

剪完去左圖書館上網~上到差唔多就返鰂魚涌~

去左香港殯儀館鞠躬....冇上香(因信基督教)

鞠左3個躬之後就同阿媽帶靖靖返HOME休息先~

因為BB唔可以逗留太夜~

嘩~原來都幾嚴肅架~我幾驚做錯野架~不過都順利~

返到home都冇野做~又一日啦！

今日約左Miss Liu食飯~

我地去左Pizza Hut食野~食左個花花果個芝心批餐~都幾好食~

多謝Miss Liu~

食完之後就行新都城商場1-3期~行完就走啦~

真係好開心~可以同Miss Liu食飯聚會~

下次又再黎過啦！

今日返左小西灣中心拜年~

買左d蛋撻同埋朱古力請佢地食~

佢地見到我都幾開心喎~

不過我個位都幾亂同埋好多野~

不過唔緊要啦~下星期返去執囉~

好累~係咁先~

今日10點半同Ella係吉野家食早餐~之後等埋KK同戴志光~

食完就搭的士上循道愛華村服務中心5樓~

上到去我見到好多同事~不過都好似唔係好見到我咁~

可能太忙掛？！

跟住等開步禮開始~嘩~入職咁耐可以話係第一次參加開步禮~

以往都係要幫手報到同攤位既野~今年竟然唔洗~感恩~

去到海濱長廊就搵阿媽~搵左成個鐘先見到佢~

跟住係咁影相~食左少少野~由2點行到4點15分~不過OT好似計到落車果個時間~

咁OT即係12:00nn至5:00pm啦~好野~^^

行完之後就去左明華同阿姨打邊爐呀~食到好飽呀~

好累tim~係咁先啦~

Happy New Year!!