今日一早就相約左2朵金花去黃大仙,為我地報個課程進行interview!食完個早餐我地就跟住果張所謂既地圖去搵果座樓啦.....行到埋去..座座都一模一樣既....d樹又遮住哂...都睇唔到佢地個名.....响我地冇哂頭緒之際...忽然間有個黑衣人出現大聲叫.."去龍和樓呀?"......哈...奇怪!!!佢點知我地去龍和樓架...之後佢仲問我地"去買衫呀?".....唔係啩....果座係公屋黎個喎...有衫`賣咁得意...(哈哈哈)...佢仲好好人添....行到老遠都仲回頭指個方向叫我地行...我同sakura佢地講......呢個就係我地"天使".....不過佢著黑衫既....唔通...唔通..就係"黑衣天使"....哈哈哈哈哈......

    Interview果陣仲好笑...個阿sir問我怕唔怕血....唔知係咪我個人鍾意搞笑....我咁答佢bor.."唔怕...我成日都流架.."(哈哈哈).....佢忍唔住笑呀......其實我係想講...我成日都會整傷到我自己....所以成日流血咋...!!!...我講番俾sakura同karen知...sakura就笑我啦....."你流咩先?每個月一次果d呀???"....哈哈哈哈哈哈...死野...

    不過.....我地要等到8月先開課呀.....到時仲要返9放6 呀......好似返工咁呀......仲要入到元朗......我怕我到時成日會遲到咋....!!!

    完成哂之後....我提議佢地跟我入荃灣(我要返工)....等佢地行吓個新商場嘛.....呢2個朋友仔真係好啦...睇得出大家都好攰....佢地都等到我成5點幾鱷我食埋飯先走(我返1點).....Sakura仲幫襯我添....佢買左2套床單呀.....超級底呀佢.....用哂d cash dollors.....2套床單佢只係要俾$8個幾咋...哈哈哈哈!!!

------------------------------------------------------------------------------------------------------

    無聊思想

    我地幾個行到去勞工處,望吓有咩工啱我地啦~~睇睇吓有個男仔行埋黎...原來佢要換一吓果d請人既紙仔呀~~哈~~我果刻覺得佢好似大渣樂d阿姐走黎換餐牌咁呀......哈哈哈哈.....我自己真係忍唔住係咁笑.....但...又覺得自己好無聊bor...(注意:其餘2朵金花都有笑架)..呵呵呵~~