今日放假...但係...都好似好忙咁...因為今日中午同左麻麻去黃大仙...之後同佢去左食齋...跟住...上左叔仔到hea...等lemioi放工同佢一齊出旺角join埋其餘兩朵番瓜...karen同winnie....嘻嘻嘻.....

  今晚係我地四朵番瓜既約會...我都都成2個幾月冇見啦.....唉...我地四個依家各有各忙...真係好難約架...特別係winnie...佢份都唔知咩工黎既...以為佢係响長江實業果到做類似文職...但點知佢話唔係文職.....佢話好似打雜咁...咩都要做....仲要好多時一日返成13個鐘......真係人都癲....好似仲慘過我返山頂咁...至起碼我只係做9個鐘...哈哈...好少可sales可以返9個鐘......所以我地4舍真係好難約...就算約到...我地都食得唔自在....因為好多時winnie第日要返早....佢好就要走....想同佢玩多陣都唔得...

   今晚同lemioi,karen响等winnie果陣行左旺中...佢地話要買3...我都好想呀...但..我仲未出糧呀...嗚嗚...中間...我話想轉look...叫佢地俾d意見....點知佢地竟然攞左件勁大陸feel既衫黎同我襯吓.....笑到我地合唔埋口...哈哈...

   過左一個好開心既一晚......!!!