2005 年 12 月 29 日  星期四

去人屋企玩

今日去左睇Harry Potter∼
同Ebhlis一齊睇十點嗰場∼
睇完就同雷媽，Joan，黃穎僖，
Joan個細佬，Ebhlis一齊去啊Ken屋企∼
佢屋企有隻狗，叫BoBo，
我地一入到門口就見到佢，
俾佢嚇得唔敢入去，
啊Ken就抱佢入廚房，
我地先入去∼（Joan個細佬仲唔敢入）
我地去佢間房玩∼
跟住就落會所個公園玩．．．．．．
玩玩下，唔知係邊個提議∼
響石春路度玩比賽，我負責出題∼
第一關，Ken同Joan鬥快跑過去著鞋。
第二，我地都諗唔到鬥乜，
我就開玩笑：
單腳跳過去．．．．．．
未講完黃穎僖就鬧：
撞親個頭係咪你負責丫？
我答：
講下笑之嘛！
佢仲一副我殺左佢阿媽既表情∼
過左一陣，唔知係邊個又講單腳跳之類，
佢又鬧我∼
關我乜事丫？！鬧咩喎！！
我咪頂唔順鬧佢ｌｏｒ∼
點知，Joan又鬧我：
艾咩呀你！咁鍾意艾∼返屋企艾飽佢啦！！
我理得佢，鬧完黃穎僖先收聲∼
跟住塊面黑哂∼
Ebhlis來安慰我∼
我一直最多同Ebhlis講野，
唔理其他人∼
返到Ken屋企，我都係咁∼
過左一陣，Joan話想放隻狗出來∼
我又行過去，睇隻狗好似好慘，
我又話：
我都想放佢出來。
啊Ken後尾話想同佢玩就入埋廚房，
唔可以放，因為D人驚∼
我同Joan，雷媽入左去∼
佢地爬上去，因驚隻狗咬佢∼
我試下摸佢，佢聞我隻手同件衫∼
都唔恐怖∼仲好得意∼
我同佢玩左一陣，都唔記得哂D唔開心既野∼
雷媽叫我捉住BoBo，俾佢出去∼
我同Joan一齊同BoBo玩∼
黃穎僖又同我say左sorry∼
之後，Joan同佢細佬返屋企，
黃穎僖話想睇鹹牒，
我唔想睇所以係門口同BoBo一齊，
啊Ken亦出左來∼
Ebhlis睇左DD就頂唔順想出返來，
但係又驚BoBo．．．．．．
我地又係Ken屋企食晚飯，
因為佢屋企得佢同佢工人∼
食完就係間房入面熄燈玩Ture or dare∼
大家講明邊個將D祕密爆出去∼
就要衰三年∼
轉中黃穎僖∼D人問佢鍾意邊個∼
佢講左∼第二次轉中佢，
D人友問佢第二鍾意邊個∼
佢竟然話係．．．．．．
嚇死人啦！！
佢個腦係咪有問題牙？
－－－－－－－－－－－－－－－－－－－－－－－－
我地玩到去９點幾∼
搭電梯走人個時，我話：
好似漏左D野．．．．．．
雷媽同Ebhlis同我話我漏左頂帽∼
我又飛返啊Ken屋企，
點知佢工人話Ken攞左頂帽落去俾我∼
我又返去我屋企，
我本身諗住打俾佢講聲唔該，
不過都係聽日問左林怡穎∼
可唔可以俾Ken去佢生日party先啦~
－－－－－－－－－－－－－－－－－－－－－－－－
其實我覺得Ken個人都唔錯∼
我唔明點解彭彭會唔鍾意佢ｌｏｒ∼
（我估彭彭睇到呢篇日記會嬲)

登登登時間︰2005-12-30 09:42 AM    [ 訪客留言(0) ] [ 編輯日誌 ] [ 分享至FACEBOOK ]

        
  
2005 年 12 月 25 日  星期日

悲．喜．聖誕節

今日係聖誕∼首先，我要同
Momo，Irene，梓楹，康兒，
漫思，Cindy媽，Joan姐，曉欣，
曾老師同我識既所有人講∼

今日，又比阿媽鬧∼
我係洗完朝頭早個餐既杯碟同
我阿媽個套茶具之後，
就走左去做功課∼
阿媽突然好嬲咁艾我，
我唔知乜事，行左去客廳，
點知∼阿媽係度上網，
搵唔到尼奧寵物個網（本身擺響我的最愛）
佢以為我剷除左∼
就好惡咁艾我∼
我同佢搵返（係佢自己睇唔到）
跟住佢又叫我去洗個煙灰缸∼
又話我亂咁下載野（係我家姐下載既）
我話唔係我，係家姐，兼問佢：
點解佢晨早就去睇戲shopping，
唔洗做野∼我就要日日做家務∼
佢就突然捉住我衫袖，
好大力咁打算拉我出門口，
我比佢拉到跌底，
佢鬧我：我係阿媽定你係？
我叫你做就做！
我前世欠左你呀？生你出來仲要
俾錢你，煮飯俾你食．．．．．．
仲博嘴博舌！冇大冇細！
呢次已經唔係第一次，
所以我捉實個櫃，冇俾佢拉出去。
我忍氣吞聲咁返房，
心諗：你唔想生我出來，
你估我好想呀？！
日日都要受你氣，
響學校，同學羨慕我張成績表上既Ａ，
響屋企，你辱罵我成績表上既一個Ｂ！
係學校，D同學以為我有個幸福家庭，
又有邊個知，我響屋企有幾慘吖？！
我既聖誕．．．．．．
唔通，真係要咁「開心」？！



唔知點解,呢排真係有D灰。
我係一個好需要愛嘅人，需要人俾安全感，需要人俾我時間。
但衣家係我身邊，冇一個可以俾到我。
好多時候我都驚你地會放棄我．．．．．．
我唔識點去留住你地，因此我更加驚．．．．．．
可能我對我自己同我身邊嘅人要求太高，太高。
當身邊嘅人對我冷淡左D，我就會驚到由心顫抖出來．．．．．．
我嘅外表或者好堅強，但我其實只係一張白紙,大力一D，就會破．．．．．．   
我知道,我身邊的確有朋友，亦有人關心我。
但係,我知佢地心入面，最關心嘅嗰個都唔係我．．．．．．
我唔會係佢地心入面最重要嘅嗰個．．．．．．
我只係想有一個人，可以always　be　with　me，
重視我，明白我，永遠撐住我．．．．．．
呢D人，一個已經足夠。
但係點解，我一個都遇唔到．．．．．．．
有時真係好想喊．．．．．．
冇人會知道我有幾孤單，我幾痛苦，我幾無奈．．．．．．
身邊嘅人覺得我好開心，成日笑,但你地知唔知，
我唔流眼淚，係因為我一直堅守一個原則－－－傷心也不要痛哭。

登登登時間︰2005-12-25 03:46 PM    [ 訪客留言(0) ] [ 編輯日誌 ] [ 分享至FACEBOOK ]