2005 年 12 月 23 日  星期五

好嬲．．．．．．（下集）

今日冇乜野講∼講返尋日單野∼
嗰日夜晚，另一個「朋友」打來，
嗰陣佢唔知呢一件事。
我扮冇乜野咁，
盡力自然咁話俾佢聽，
叫佢去我日記睇∼
佢睇到一半，佢家姐就叫佢同我講：
俾ｄ閃字我∼
我問佢家姐要來做乜∼
佢家姐竟然話：你管我
雖然我盡力抑制，但都流露出不滿既口氣講：
有冇搞錯∼問人要野仲用呢Ｄ口氣！
我今日先比人激過∼唔想再俾人激多次！
佢同我都沈默左一陣，
佢唔知係袒護佢家姐定係安慰我，話：
我家姐係咁嫁，佢玩下姐．．．．．．
佢仲講左好多方法來對付我個『ｇｏｏｄ　ｆｒｉｅｎｄ』
雖然全部都係人生攻擊，以牙還牙既方法，
我唔會採用，但係我都好欣慰，
起碼有人係企響我嗰邊．．．．．．
但係我估唔到∼安慰我嗰個，
竟然唔係平時響學校同我形影不離既朋友，
而係一個一時好似知識豐富既學者，
　　　　一時好似玩大過天既傻瓜。
　　　　一時搞笑到令人捧腹大笑，
　　　　一時激到我火山爆發既人。
而且我冇同佢講ｔｈａｎｋ　ｙｏｕ，
因為我自尊心太強。
我有時慶幸我自尊心強，
令我忘記恐懼，不顧一切同老師駁嘴；
有時好憎我既自尊心，
令我冇同人講對唔住既勇氣。
自尊心令我同某D老師結為好友，
亦令我同某D老師形成誓不兩立。
啊∼離左題添∼唔巧意思牙∼
－－－－－－－－－－－－－－－－－－－－－－－－－－－－
我自己都唔知自己應唔應該原諒我個『ｇｏｏｄ　ｆｒｉｅｎｄ』
你可唔可以幫下我．．．．．．

登登登時間︰2005-12-24 10:07 AM    [ 訪客留言(0) ] [ 編輯日誌 ] [ 分享至FACEBOOK ]

        
  
2005 年 12 月 22 日  星期四

好嬲．．．．．．

激死我啦!!!!
竟然俾我至friend嘅人玩．．．．．．!
係佢當我白痴定係我小氣,
就見仁見智,但係,我估唔到,
我當佢係good friend,
佢當我係乜呀?一隻傻雀?!
你地評下理,如果你比你最信任嘅人厄,
你會點?仲要好厄唔厄厄你嘅．．．．．．唉!!
佢俾左個網我,叫我去.
去到個網,個網話:
為什麼你總是當好人？我們將透過測驗正確指出你當好人的最大原因
仲問:您的名字,您暗戀（或明戀）的人名字,他（她）的衣服顏色常常是．．．．．．
我本身諗住唔玩,但佢(我個friend)叫我玩,我咪玩ｌｏｒ．．．．．．
點知．．．．．
個網話:
你當好人的首要原因，就是你實在太相信別人了．．．
妳．．．被ＸＸＸ（我唔講係邊個）開了個玩笑。
剛剛的資料已經送到ＸＸＸ的信箱了．．．
最激氣係個網Ｄ口氣：因為是朋友，才會想『關心』你的感情。『不要生氣唷』 
『關心』！！！！！！
如果你俾你朋友咁樣『關心』既話，
你開心嘛？！
更離譜既係,Ｄ資料唔係ｓｅｎｄ去我個『ｇｏｏｄ　ｆｒｉｅｎｄ』度,
而係ｓｅｎｄ左去我個『ｇｏｏｄ　ｆｒｉｅｎｄ』既朋友度．．．．．．
而嗰個人，係６Ｃ班既,而且,我根本唔識佢嫁！！！！！！
我個『ｇｏｏｄ　ｆｒｉｅｎｄ』仲好似冇呢件事咁，
用ＭＳＮ　ｓｅｎｄ左個『＾＾』俾我！！

－－－－－－－－－－－－－－－－－－－－－－－－－－－－－－－－－－－－－
我真係好想同佢講：朋友係一世嫁！
少左我一個ｆｒｉｅｎｄ，可能你覺得冇乜問題，
但係你咁對朋友，唔單止傷左人既心，
仲會令你失去所有朋友．．．．．．．
我咁講唔係鬧你，希望你明白．．．．．．

登登登時間︰2005-12-22 06:12 PM    [ 訪客留言(0) ] [ 編輯日誌 ] [ 分享至FACEBOOK ]