琴日一早返學俾鄧老師捉左去訓導~

不過我一向都係日日都要去攞鎖匙~

當然我唔係做錯野俾老師捉啦~

只不過係有關團契ge事務俾我做姐~

佢叫我小息去搵佢~因為佢忙緊d野~

上完兩堂VA之後~都就死架啦~悶死~

小息第一時間去左訓導搵左鄧老師~

原來鄧老師要我幫佢整PowePoint~

之後佢俾左張學期活動表我~要我整~

佢問我幾時可以俾到佢~我話下星期一~

主要係我唔想一口咬定天日俾佢就可以俾佢~

我驚我未必做得切可以俾到佢~

我收到張學期活動表都嚇左一跳~

施怡樺同章惠琳係團契職員~估都估唔到~

不過真係好開心又多左兩個人返團契~

PE堂第一堂悶爆~之後因為我地上堂秩序好~

所以P陳俾我地打波~不過要做各三十下set up 掌上壓同老虎跳~

佢都未講完我都做緊lor~我當然係第一個做完啦~

不過好多人冇做~之後我咪打波囉~不過一球都冇入過~

放左學之後我返到屋企換衫~休息左一陣~

之後又出過街再打過~玩得幾開心啦~

返到屋企沖左涼之後就做幫老師整PowePoint~

首先要搵背景-搵左好耐搵唔到~

唯有問雄貓幫忙~哈~果然係有做開PowePoint~

佢有好多好靚ge背景~真係超多謝佢~

唔係ge話~我到今日都做唔完~

做到12點幾完成~真係開心死~

今朝7:00起身~其實唔想起~好累~

一起身全身酸痛~可能係琴日運動後冇拉根~

7:30出門~坐完馬鐵係大水抗站見到呀妹~

之後我就同呀妹講︰妳好似有野要俾我~

跟住佢俾左封信我之後我行先~因為佢要等埋佢d朋友~

返到學校攞完鎖匙見唔到鄧老師我就落左去~

見到呀樺之後又叫佢陪我上去搵miss~

仍然未返-咁我咪係出面抬到等佢囉~

順道係果樹睇埋信~睇完剛好miss返到~

咁我咪交左隻光牒俾miss~走人~我話小息再搵佢~

緊係問佢會唔會有咩錯流啦~

小息再搵佢-佢話未睇~天日先~

午膳~我當住呀妹d同學俾信佢~

之後佢地話係情信~我都知會係咁架啦~

上家政-飯氣攻心-俾miss捉到正一正-

叫我去洗個面~主要係琴晚唔夠瞓~

洗完面又係差唔多想瞓~唉~索性企起身上堂~

因為我一向都係咁~眼瞓我就會起一起身~

咁會醒神d~都唔係企左好耐~始於都係好累~

數學堂玩數獨~因為呀sir又係講緊同一條數~

哈-放學還鎖匙果時又俾miss捉住~

話我打錯字-我一睇都知錯咩字~而且有d野要改~

其實我都係跟佢張紙打~keke-

迎新個新字~我打左迎生個生字~唔關我事~keke

仲之今日全身都係酸痛~好痛苦~又要走上走路仲痛苦~

唉-琴晚同前晚打機打到唔記得打日記~

前日就唔多講啦~因為都講左架啦~

琴日呀樺約左我去唱K~哈哈~都好耐冇唱啦~

不過又係我遲到~因為我唔記得左個時間~

呀樺到左先打電話同我講~我起身時間係10:00

其實我9點都起左身架~不過再瞓過~哈哈

呀樺打完電話俾果陣時我就立即彈左起身~

仲同佢講我來緊~哈哈~其實仲係屋企~

梳洗後換衫攞埋朱奶走人~都係用左10分鐘~

我記得我最快紀錄係4分半到啦~

出左門後我用急步行~去到紅綠燈位做左d唔應該做ge時~

因為見到有車到~所以我以每秒5米ge速度跑去(吹水)

上左車之後留意下車箱有咩人係到~

望望下~咦~有個女仔望過來~冇理佢~

見佢幾可愛咪望多兩眼囉~呵-點知佢又望過來~

我當時立即轉向視線~以免發生意外~

到左富豪Neway後打開門~嘩~我以為個個唔識ge~

原來6個人都係馬崇學生~哈-唔洗驚啦~

入左房後~呀樺立即俾個搖控我-~都知咩事啦~

我咪同佢講︰你選擇ge歌我都識唱~但佢死都要俾我~

佢俾左個搖控我之後就世界大戰~唔記得咩事~

我只係記得我地6個人都係怕(吱)ge~

好采我唔係最大反應果個~keke^^

唱完k去左沙田到逛逛~CoCo打電話來~

佢話要還結他俾我~我問佢唔學啦~佢話學喎~

話4點幾會再打電話俾我~呵~之後當咩事都冇發生~

佢琴日係要上堂架~不過又放飛機ja ma~

去到新幹線呀蚊打電話問我係邊~問我借$50~

入左去撞到小琪琪~我同佢真係有緣~(講笑)

影完貼紙相後呀蚊同呀諾先到~之後呀蚊話有野同我講~

我咪同呀樺講我要行開一陣~都唔止一陣架~成個半鐘~

講咩內容我就唔多講~因為係私隱~頂多講個主題~(佢話要獨立)~

原先呀諾話要練琴~我就同呀蚊傾一傾~

佢學琴時間係230-3:30~到左3:35打電話俾佢冇人聽~

等佢等到4:00~我有事要做~同呀蚊講我要走洗~

叫佢等多半個鐘唔好再等~我估呀諾係突登唔聽電話~

咩事我就唔知~我正係之我留完第三個言話我要走ge時候~

呀蚊上到去原先ge地方就可以見到呀諾~

我臨走ge時候同呀蚊講左一句~返屋企啦~

之後我打電話問呀樺係邊~然後同佢去圖書館搵美容~

因為美容佢約左時間去借日電腦打日記~

呀樺就等佢~佢就係沙田逛逛~我本來係有事在身~

不過CoCo又放飛機~習慣架啦~佢一向係咁~

接左美容之後-我地去左唔知叫咩地方~有遙遙(等)ge地方~

美容話好想坐~不過全場滿座~第左半個鐘~

本來有得坐架啦~不過美容唔夠個小朋友快~哈哈~

之後當然走人啦~佢話下個星期6再來喎~

然後各散東西~因為呀樺要出旺角~

我上左車之後~又一次打電話俾CoCo家電~

佢細佬話佢出左街~冇計~打算以後唔理佢~

返左屋企又打機~又7:30打到12:00~

我發覺自己真係痴線架~之後先梳洗瞓覺~

死啦死啦-我張時間顛倒左呀!

依加我估個個都瞓左架啦-2:00

今日時間真係過得特別快-好似過完冇過咁-

唔通我真係瞓得太多?

今日個心好靜-靜到唔知講咩好-

今日好似琴日咁-如常小息ge時候俾信呀妹-

我行到去4樓搵左佢好耐都冇唔到佢-

我發覺自己都有小小係瞎子-

成個人棟左係我隔離我都見唔到-

好采佢叫我個名姐-唔係我又白走一趟-

到現時同學上堂依然都係好靜-

中史堂我差d瞓著左-都唔知點解教我中史ge老師都係咁悶-

三年啦-我對中史仲係一d感情都冇-

午膳ge時候我同左呀恆一齊食-

見到念欣同令一個呀妹一齊食-

我都唔記得左令一個呀妹叫咩名-

返到學校呀妹俾返封信來啦-

之後我又係坐左廁紙若隔離-問候左幾句-

佢見到我有信咪問我係唔係情信-

我就同佢講︰點止係情信呀-仲有警告信tin-

之後我同佢講-得閒ge話我寫埋俾佢-佢話好喎-

午膳後上英文同數學-英文要默書-冇溫過-

數學堂張sir講來講去都係同一條問題-

講左15分鐘我明晒-之後我咪係到寫信囉-

張sir一直講-講到落堂又係講緊同一條-唉-

放學啦-諗住呀妹佢會落來-等左好耐-

我估佢走左-所以冇再等-因為果時成條走廊d人走晒-

返到屋企玩左一陣機6:35之後瞓左-