琴晚幫呀媽打單打到1點~今朝6點起身~

我重以為打完琴日果張就唔洗打啦~

打完之後呀媽叫我要打多張~所以今朝再打~

唉-我一起身不知幾想紅雨~返到學校8點幾先有~

今日上頭兩堂英文已經死左啦~不過唔上都得~

因為我地英文教學方式唔係好得~

同學瞓左覺佢又唔理喎~講書又講唔清潔~

通常上左等於冇上~好浪費時間呀~學唔到野~

之後小息啦~呀妹落左來~佢俾左封信我~我都好驚呀~

人生第一次收到女仔ge信~佢ge意見非常之好~

反正可以幫我練練字同解解我小息悶he時間~

我攞左信之後佢就走左啦~哈~廁紙若係我隔離~

佢問咩來ge~我咪答佢信囉~呀妹話唔可以俾人地睇喎~

但係我唔介意同廁紙若講~之後我問佢有冇信紙~

佢話天日俾我~同我傾左一陣到~打鐘~

三堂都冇咩特別唔多講~多數時間發緊夢~

第4堂宣佈唔出得去食飯~而且話有飯訂~

我地成班冇一個人訂~放午膳ge時候~我係到寫信~

信得超樣衰~寫完之後攞上去俾呀妹~點知佢未放~

我行到佢地班門口成班女仔望住我~之後又嘩~

我當時嚇親~立即走人~我估應該係老師講左d野~

之後同時間見我到先嘩左一聲架姐~

姐係話老師講左d好經典ge野~然後嘩之制我行到門口~

既然未放冇計~就到1點ge時候我先攞俾佢~

之後果三堂悶到我飛起~不過係公民教育堂做左d超唔應該做ge野~

老師問左d問題答左會有禮物ge~我攞左之後當老師面飛俾人地~

放學之後呀妹又攞左信俾我~佢地走左之後我一睇~

嘩-唔係呀~咁多字~成版都係字~我冇睇到啦~

因為我要行去4樓交野俾人~之後去訓導交鎖匙~

我本來約左d同學返小學ge~因紅雨關係~

我上左車之後打電話通知佢地取消佢~

之後睇埋封信~我好驚我懶得制唔寫~唉~

返到屋企換左衫瞓左覺~10點先起身~keke~

今日ge歷程就係咁啦~88

琴晚瞓得真係好~哈哈~好似8點半就瞓左~

今朝6點起身~沖涼~因為好凍呀-順便刷牙~keke^^

搞搞下不知不覺7點正~開電腦搵通告~04PTA~

唔知咩來ge~本來上星期5就交~點知唔見左~唉

上網又搵唔到~搞搞下7點半~關電腦走人~

中途家姐整左D早年俾我食~超好食~

今日因為落雨~所以早左15分鐘出門~

慢慢行慢慢行~哈~感覺超good~平時返學係行得好快架~

上左馬鐵去到新港城站~一關門見到呀珊係出面~

我估佢都見到我ge~不過佢已經唔理我lor~

冇所謂啦~反正都係我自己攞來ge~佢見到我好似面左左咁~

好似姐-只係我ge感覺~之後冇理佢啦~

返到學校之後~好多人已經係留下~我冇理~

一攞到鎖匙就開門~哈-3c係到等~佢地ge鎖匙管理員未返~

打鐘上堂~今日上堂冇咩特別唔講啦~

只不過上上下堂竟然會覺得眼瞓~我琴晚瞓左好多時間架啦~唉

放學ge時候~諗住自己一個人走架啦~行下行下~

行到馬路~之後過馬路~見到呀coco~我冇理佢~

之後我望下架小巴啦~有坐位~但係系紅綠燈位~算啦~

點知後面有人叫我~原來真係coco~佢問我今日得唔得閒~

要我今日交佢結他~我諗諗下~又好似冇野做~咁咪話得啦~

點知呀so係後面~死啦~死啦~唔知佢會點睇架~

我驚佢諗去我有女朋友咪大件事~佢見到我之後直行直過~

去到等小巴果個位~之後coco話唔搭巴士~話要搭小巴~

唉-有車到~竟然同佢一架車~我上到車狂疾coco~

因為我都唔知自己想講咩~佢講每一句野我都疾~

之後差唔多到站ge時候我諗起屋企未汁屋~

好采coco話要自己買D野~我估佢都係搵人架啦~又唔知搵邊個男仔~

返到屋企搞掂所有野~剛剛好時間上來~

我正係教左佢一個c和(言)學左15分鐘佢話要買野俾人~

咪放佢走囉~之後佢話星期5來會學識today~

我咪同佢講~(如果妳學得識~我請妳食廿餐飯)

之後我借埋結他俾佢~我送佢去到馬路之後返屋~

今日的行程就係咁啦~

哈-琴晚12點幾瞓~琴日其實全日係屋打機~好無謂

去到4點幾打波~好耐冇打過全場呀~好奇怪~

我琴日打完2場3打3之後打全場打左一成個鐘~

但係一D都唔覺我累~莫非我體力好左~

返到屋企8點幾~家姐話出去食雲南米線~

咁我咪去囉~keke^^不過我只係食左兩份煎釀三竇~

食飽之後大家話要去換女人野~叫我自己返屋企先~

返到屋企後諗住做功課~點知…冇毛筆墨水~做唔到習字~

問在好多人~好多人都冇反應~好采呀欣有反應~完成功課

諗住瞓覺ge時候~洋洋話要幫佢send D野~幫完佢之後一點~

瞓覺啦~6點到~洋洋send 信息俾我~我果時立即有反應~

佢同我講早晨~我好似冇理佢瞓著左~繼續瞓~

6點半打電話俾我~佢同我講佢個朋友收唔到我send ge野~

我問佢-係唔係返左學校~佢話興奮到早左9個字返學~

咩咁興奮呢-咪學生會囉~琴日就係幫佢打參選信囉~

今朝起身幫佢再打過send多次俾佢~

幫佢搞掂所有野都7點半~梳洗~刷牙~換衫~走人~冇食到早餐~

返到學校~樺樺攞返結他俾我~唉~都唔知開心定唔開心~

開心就係我有得玩~唔開心要自己攞返屋企~

今日上堂冇咩特別~只係中文堂發生小小野~

中文交左習字~老師話攞其他同學ge簿分享下~

老師一攞~攞左張同學果本老師話一般~之後係芷若果本~

我一望~好小筆劃姐~老師讚佢寫得靚~

我咪講左一句野︰筆劃ge問題姐~之後老師話攞我果本~

我就同老師反映返我果本唔好睇~真係哀多口~

不過老師都話我寫得都幾好~

放學ge時候攞住結他~好重呀~講完啦~keke