今日我瞓到十點幾就起身啦，之後起身後一家人去食早餐，食完後Mummy話去坪石村行下喎。

就係咁我就比佢帶左去，我去到後原本冇諗住買野的，後來心血來潮想煲湯，所以我就開始買材料煲湯，

買完後我地就返屋企，TW差不多一點鐘左右打電話比我話唔想係屋企所以去來我度。

事但啦!我都無所謂，就係咁TW我度，我地留左係屋企睇左好多套戲，睇到我煲湯都煲好了，

今日唔洗返工，所以係屋企瞓得好晏先起身，大約我瞓到下午2點幾啦，原先朝早Max約我去打羽毛球，

但係8點幾叫我起身打波咪搞啦。當我起身後發現屋企冇人，然後我就打電話比Daddy叫佢買早餐比我食，

我食完後已經係3點啦，TW今日終於打電話左我啦，話我知下午見埋個客再返埋屋企換衣後就過去我度喎。

係喎，佢今日今晚會去我屋企附近踢波，所以佢差不多去到7點幾先去我度，佢係屋企帶左D茶果比我食，

佢食左一個就飽左啦，而我都OK飽囉，差不多九點時佢就開始落樓等人佢班朋友，之後我就上酒樓食飯，

原本就食飯的點知我Mummy班朋友口臭關係，所以我最後都冇同佢地食，我自己去左快餐店度食，

食完就去左睇TW踢波，我差不多九點半先到，佢地就九點鐘開始踢，佢地最後踢到５：５完場，

其中一球係由TW射的。踢完時候已經十一點啦，佢地開始走啦，我同TW上返去屋企再坐多陣間就離開左了。

TW今日要補習，我係中環搭船到尖沙咀，去到尖沙咀我去行海港城，

行到６點幾左右，TW話佢要補習補到７點，之後TW話補完習不如去APM近近行下囉，

我話好呀，之後我諗下不如返左屋企之後再出來啦，我去到車站後等車等到差不多７點啦，

所以sent個短訊比TW講佢知我唔返屋企啦，直接自己去官塘，我地食完野之後先行街，

我地去卷子度食面，然後我地去左APM，行行下發現原來今日係[學警雄心]大結局，

之後我地去左食肆個層度搵位坐係度睇，點知我地行緊時，撞到我以前間學校個師兄，

我地企左係度傾左一陣，咁睇完後就返左屋企啦

尋晚Mummy已經話我知，二佬同女友(shun)今晚回來請食飯，(吓 ! 無啦啦，請食飯唔係掛)

之後我又搭船後再轉巴士啦，回到屋企後，發現佢地係度搞緊部DVD機，唉 ! 又來搞大製作。

差不多8點半我地一齊落街食飯，但途中講來我D野，原來二佬一早就知道左我比人逼婚既野，

之後係食飯時二佬又提起逼婚的事，問我有冇TW想點樣。其實我地兩個都未諗住結婚住的。

因為經濟都未有住，遲d先再算啦。

因為好肚餓的原因。屋企內只有我一個人係度，佢地直到差不多8點先返到來，

Mummy 佢煮完飯就開始一齊食飯，不過我頭先食左飯的原因，所以我只係食左餸呀。

都左8點9左右TW終於補完習了，佢現在好乖呀!每次補完習之後就會打左我知。