我今日瞓得晏先起身呀 ！差不多成點半先起身，當起身後當然我會打電話比TW啦。
佢點知就早過我起身，當然啦佢冇我咁懶瞓啦，之後我梳洗完後就打電話問佢今日我地會去邊度啦。
我地諗左好久之後決定去西貢度行街，由於我屋企附近有車入西貢，所以TW要過來我屋企先有車一齊入去。
我係屋企等到佢成3點幾佢都未到，打電話問佢去到邊度佢話現在先係屋企出來喎，我問佢點解你現在先出來?
點知佢答我剛剛沖涼所以現在先出門口，佢差不多成4點先去到我度，我地之後入左去西貢行，
原途路上見到好多狗(好可愛的)，我地慢由碼頭行到去海邊(個感覺好浪漫的)，有d海風吹埋來好舒服。
之後我地差不多行到6點9左右就搭車離開，因為TW約左小學同學食飯，我地搭車佢送我回到屋企後就自己再搭車去APM度食飯。
佢今日好乖呀食飯完後就打電話比我知 ，但係我地最後今日忘記左影相呀，如果唔係就可以post相上來囉。
|
