靚靚表姐~~睇到你打比我的日記真係感動到喊呀~~
你班好朋友留既言都幫到我好多!!^^"真係唔該曬佢地....你就好啦,有班好朋友永遠都係你身邊支持你同比意見你
其實你係好幸福架...有個好老公禁錫你!!又有一班好朋友....
一個男人,如果佢仲會send sms比前女友講happy birthday的話,我可以用80%証明,佢係仲對佢有感覺,
but...個種feel is only朋友上的好感,話曬佢地以前都一齊過,唔係想依家同番佢一齊既!!可以話係有dd留戀,但只係朋友上的關心,明白嗎?
我依家都有send sms比我之前一個男朋友架!!唔通我又想同佢一齊啵!!係我心目中覺得無可能就無可能,因為我心有我最鐘意的一個嗎!!
正如你老公一樣,佢心有你同bb....佢仲可以耍出咩花樣???除非有人想做我最憎的"狐狸精"啦~~ 所以你大可以放心啵!!
睇得出...你老公好愛你好錫你...佢唔同你嘈係佢英明,因為好男不與女鬥....
但係佢唔同你慶祝生日....就.....@@"......
大部份男人都唔鐘意表現出面,永遠都收係心度...因為佢地覺得煩...佢地只鐘意簡簡單單....咩浪漫心思..如果佢識就唔係你老公了!!
不過...你都係好過我好多架!!
我男朋友....永遠都會係關心佢身邊所有人,
包括人地做咩唔開心,人地去過邊食過嘜做過嘜?依家邊個同邊個一齊,人地分手就連人地呵屎都關佢事!!
佢會睇人地個blog打嘜,佢會留意人地msn個名轉左嘜......
但我呢?????永遠我想佢錫呵哄我多一點點都無,亦唔會每一日上去我個blog睇我打過咩!!講多兩句就嚴你煩
我有事...佢都只係識"哦!一句","休息多d啦"第2句 that's all
但我絕對唔可以有半點怨言,因為我愛佢,你個fd話...愛係要包容忍耐...你學到嗎 ?
我前幾日就係忍唔到了....只係講多一大埋野,結果....差d PK.....分手囉~~
今時今日....你同你老公都一齊左禁耐,一定經歷左好多好多....無人感受過既時刻,喜怒哀樂樣樣精!!
佢係好男人好老公,佢學會忍耐你既脾氣...但你可以包容佢身邊所有異性朋友嗎?
只要你心想著,依家我老公同左我結婚仲有埋bb...邊個都唔可以拆散你地!!OK 架喇
信任對方....對你同佢都係極之重要的一樣野.....
要為你自己感到自豪...你老公為左你放棄佢之前個個....應該proud of yourself !!!!
我男朋友做滑水呢一行,個樣又禁花心...我都依然好放心而且感到自豪架!!(我成日都係佢面前傻笑自豪,佢就頂我唔順..哈哈^^~)
因為我信任佢,而佢又得到我既信任,絕對唔會搵第2個OR行差踏錯囉!!
呢個就係我仲係好鐘意佢既原因^^~
加油~~努力同你老公共創美好既將來比你個寶貝bb女~~~~