各位...我返黎啦...真係5天qe恐怖之旅...

等我一一報告比大家知啦...

14/12/2007

我之前都有打blog講個一朝開始有陣痛唔知點算..之後我因為個日係要去覆診既..所以我去了健康院檢查左先

真係先去醫院...個一朝..係我產假以來最多電話既一日...especially我阿媽...好似佢要生咁...緊張到爆炸...

不過我都好開心..因為我真係feel到佢好關心我..哈哈...

去到健康院...個姑娘就大叫..你痛10-15分鐘一次仲番黎？？？？？..我呆左

因為你地都知健康院個個時間最多人ka la...個個時候好似電視咁...全場靜哂..個個都望住我...

我就同姑娘講..我點知係陣痛定搞肚痛wo...佢話..去左醫院先啦..佢地會幫你check ka la...

我話去度食炸糊咪死...佢話食咪食囉...好多人都係咁ka la...之後佢問我..你想見埋醫生定直接去醫院呀..

我去得個度緊係見埋醫生先啦...

見完醫生仲"興"...醫生又問姑娘同一番說話..佢又答同一番說話...d醫生真係食屎大..

走了之後就坐taxi去qe啦...去度個度都好緊張ka...登記左之後就去了產前房檢查...博左部機..

呢一部機可以測到有沒有陣痛..同bb既心跳...30分鐘之後..姑娘同我講...真係有陣痛wo..不過唔係好密..我可以休息

等佢5分鐘痛一次就再同我檢查...開始進展得唔錯ka..真係慢慢...8-10分鐘...6-8分鐘...5分鐘...我叫姑娘..

姑娘幫我做了一個內部密探...之後就同我講...沒有咁快再密點再同佢講...之後探病時候就到啦...我就去了一個固定既床

位...真係估都估唔到呢一張固定既床位...我要訓咁多日...

15/12/2006 & 16/12/2007

15號呢一個日子..我唔知點解好鍾意...覺得我個女一定會呢一日出生...我之前都同我阿媽同老公講...我個女會呢一日出生

點知呢一日朝早..6點半見紅...即係出去同姑娘講...之後就好緊張啦...猛咁計住幾耐痛一次...計左好耐都係一d痛都冇wo...

都沒咩進展...等下又等下...去度夜晚都係咁..心諗可能我個女到明天先出來啦...之後...晚上訓覺個時3點幾又開始痛番...

又係10分鐘痛一次...之後又一路計啦...其實呢幾日既痛都唔係痛好勁個d...只不過有少少m痛咁ka jar...

到醫生黎既時候..醫生又話..你要等下啦..留係度觀察下啦...醫生走左...又唔痛啦...玩野咩阿女...開始好唔開心...為什麼人地

個個一入黎就可以生..我要等咁耐...都忍住唔喊ka...之後去到探病時候..我老公一打電話比我...我同佢講我唔開心

佢就問我咩事..我d眼淚就一路標出黎啦...佢來到探我都冇問我啦...因為佢知一問我...我又黎料..佢都幾清楚我...哈哈

之後我同佢講我明天要出院啦..我不在醫院等啦..番屋企好過...佢都話好...佢講完之後...真係心情鬆哂...仲偷偷地

著住醫院衣服同老公出去佐敦買雙皮奶食...幾大坦呀...之後就一直冇理佢啦...出黎就出..唔出就算ka la

17/12/2007

一朝醫生黎到...我同佢講見紅又見左啦..陣痛又痛左啦..如果keep住係咁..我就黎會死ka wo..醫生話..

你介唔介意催生呀..我話唔介意...快d tim呀..佢話咁我安排你去產房催生啦.你仲可以選擇止痛方法...有止痛針..笑氣..同無痛分娩..wahhhhhhhhhhhhhhhhhhh

即係好開心咁打電話比我老公..我阿媽...可以唔使等啦...之後有一個姑娘黎同我抽血同放一支有半支鉛筆咁長既吊針落我隻手度...都忍到..因為我心入面都係度諗...要唔痛就用野交換既...所以我忍住ka...0930就上左產房啦...去度個間產房已經有一個大肚婆準備啦

心諗..一定唔可以陪產啦...有人同一間房..我就打電話比我老公..叫佢5點鐘到黎啦..

訓在落床度...姑娘佢地就好有效率咁幫我正呢一樣..正個樣...我就即刻同姑娘講我要無痛分娩..佢話冇問題...wahhhhhhhhhhh

心諗我個女真係乖...唔使痛就可以生佢出黎啦..成個人都開心哂...之後姑娘慢慢加催生藥...4滴...8滴..12滴..加到36滴...

點知一路都開始黎料..個ma醉師仲未黎...死啦..已經痛左個半鐘...我聽到對面個女人一路都用笑氣...我生之前太

多人同我講唔好用..所以我堅決唔用..因為我唔想wing住黎生...之後同醫生講要止痛針...佢話好..幫我打...

個一刻真係覺得係天賜既..仲諗同佢女改個name叫天賜好唔好..跟住又覺得好老土...我去到12點打無痛啦..

仲以為好痛..其實打既時候一點都唔痛既...有一陣涼既感覺...開始腳會庳...之後就死啦...我半邊痛半邊唔痛wo..

心諗...奶野...肯定落藥落得唔好啦..痛係從5點開始..6點我同姑娘講..叫我老公入黎..佢話我老公去左食飯..食完會黎...我重話你點知ka..佢話我老公頭先打電話入黎...之後等到7點就開始頂唔順..真係有屎好想柯..而又頂住

柯唔出...我同姑娘講...好想柯..你比我柯啦...我咁大個女...要求人比我柯屎...哈哈

佢話..唔得住..你要柯都柯唔到ka..浪費氣..又浪費力...一陣真係要柯個時...真係柯唔出ka la...

我話唔得啦..我要試下...我頂呀..跟住佢好無奈咁比我試...真係唔得...佢話..拿..我都話啦...而呢

一個情境..係要求過好多次...試好多次...都係唔得既...

之後模糊之間..姑娘去左換消毒衣服..跟住..就同我講...我換埋衣服黎幫你啦...比心機啦..見到bb 既頭髮啦..

跟住..我個人比左佢啦..佢叫我做咩我做咩啦..完全冇反駁既氣力啦...用左幾下大既氣力...姑娘就叫我停...唔使用力

跟住又叫我用多少少....之後有一達暖既水流左出黎...完來我個女已經出左黎啦..自己都唔知...不過佢一出黎冇咩點喊..

姑娘打佢腳底先喊幾聲...跟住姑娘就比我睇...我都冇心機lu...之後做咩事..緊係要聯針啦..我一向都最驚既係..

剪會陰同聯針...原來真係會冇哂感覺任人搞就係咁啦...人地剪左又唔知..人地聯針..聯左個幾兩個鍾...都冇感覺..

仲訓下醒下...問聯針個個點解聯咁耐...最慘既就係...佢叫我用笑氣...如果唔用就會好痛..好..信你..我就用啦...

用左...真係死左係度...wing度呀...完全唔知發生咩事...聯完針姑娘又比水我飲...飲左呢一杯水..我足足嘔左5次

用完笑氣飲水...就係會咁ka...9點幾打電話比我老公同佢講生左...佢話..生左拿...我話係呀..(沒氣同佢講啦已經..又wing)

佢話辛苦你啦老婆..我就同佢講...我以後都唔會再生...好辛苦..跟住佢就笑...我話唔同佢講啦...

之後等去產後房...我又打電話比我老公同佢講...因為我知佢地係出面等...講比佢地知...我要等個d阿姐來推我去產後房...

跟住去度產後房已經唔wing啦...仲同我老公講我叫阿姐叫你入黎..你做咩去左食飯...原來係阿姐騙佢...因為佢同姑娘講

話要入黎...姑娘同佢講我個時得5度有排..叫佢去食飯...食完之後比佢入黎...佢食完返黎又唔比佢入呀..

又騙我又騙我老公....幾衰呀

之後的野聽日先打啦...休息下先