好多日都冇打日記啦...呢排都係照顧個女...不過佢開始學成日要人抱啦..仲要訓係我心口度又或者同我一起訓先肯訓...

前幾日去健康院檢查..原來佢已經有成8磅幾啦...醫生話重得幾好..原來揹住蕃薯出街真係幾辛苦..之後去了上水同以前d同事

食飯..阿呆抱bb既手勢真係一個字可以形容...差.........不過抱左一輪之後..好左好多...好耐冇見過佢啦..好似生疏左咁...

不過始終佢轉左工..佢週圍既人我地又唔識都唔知講咩好..始終係咁既...

我好煩惱呀...我之前改既中文名同英文名都要改過啦..我個個八婆老公囉...我真係冇見過男人好似佢咁八婆...

佢話驚語晴個name唔好wo..之後去左黃大仙找另一個相士改...佢話我個女好多水..再叫語晴就比水浸親wo..

hai...我個女而家叫謝枘芝...我讀書少...中間個字讀都唔識讀又點會鍾意呢...可惜..我個個八婆老公話要呢個...不可以用

語晴...要用謝枘芝....................................英文名都係我改既...我英文好過我老公..所以佢咪比我改囉...

英文叫Yugi....

點呀..我都知語晴好聽..冇計...

有冇人識讀呀.............謝枘(蕊)芝........讀法係李麗蕊個蕊呀....