去完旅行啦...去左5日..返到香港我個雙腳..完全不受控制..大家都會問我...點解...

因為我在沙巴行亞洲最高既神山...用左17個鐘頭來行山...行到我差d死咁...點解要行..因為我老公囉...如果唔係為左佢...我一定唔會行..

不過..到最終真係好可惜...我行唔到去山頂...如果要上到山頂...要再行多6個鐘來回...我真係頂唔到啦...但我老公都堅持要上去

佢仲有少少發燒tim...我同佢講我唔建議佢上..佢話唔上佢會後悔..咁就比佢上囉..我就留在山中間lodge個度等佢...

去完返來..佢話佢上山上左15分鐘就好後悔上山..因為真係好累...但係佢一路諗住個女同我...先可以支持到wo...(都幾lum架..

再問多幾問..佢就話諗個女多d...再問..就話冇諗過我wo...佢話要証明比個女睇..佢爸爸係掂架wo..)

在幾日...我最鍾意玩既係個激流...嘩...超級好玩...都幾刺激...不過我地一隻船幾個女仔都唔識游水...所以唔使反船..如果

唔係就驚死...最辛苦係要搭好耐好殘既火車去...個d火車...可以在大埔墟火車博物館度搵到...but仲殘d...

去island既魚比我想像之中少好多...我老公話見到一條魔鬼魚..其餘就好少啦...岸邊仲多魚...

仲有一樣野好正既就係.....我個樣係完全唔似已經結左婚同生左個女既肥婆呀...哈哈哈...我同我老公仲似拍緊拖個d情侶呀...

yeah...............

呢幾日都好掛住我個女...本來去完旅行就要返工ka la...不過去到最後都係冇返...因為一來遠啦..(其實都唔算,,在旺角)

2來個老細係傻既...好多人都問我點解未返工就知個老細係傻...因為interview個時...佢問我..我既缺點係咩... 我唔知點解

答佢..我好容易喊...(可能好耐冇interview過..自己答咩都唔知啦)...之後佢就同我講...你係唔係覺得易喊好煩..我話係..

佢就話...你要好好善用你既眼淚...如果你用得好就會好似德籣修女咁光芒..(- _ -)..............冇野講...出汗...

現在就慢慢找一份好工...又高人工..又福利好...哈哈

 出發個時個樣幾精神!