好搞笑...本來諗住放完產假返黎辭工唔做..比一個月notice佢...夾埋個大假同新年假返多兩個星期就可以拍屁股走人..

點知比人一言驚醒夢中人...我個contract在2008/2月5日完結..我放產假放到2月2日...2月4日返工...我唔續contract

咁重使唔使比notice佢呀...問了勞工署..佢地話唔使...2月5日開始可以不用返工啦...但又好驚...呢個world邊有咁完美ka

放完十星期產假..一日notice都不用比佢就可以走...好驚"lai"野..大家有冇咩意見呢

做就一定唔會做ka la..不過比一個月notice都不是一個問題...可以唔比..緊係唔比啦..做咩要蝕比佢呀..我蝕左好多ka la

(錢方面)

仲有..我買左一張床比summer啦...好靚ka...950元..有埋mp3..可以放埋usb個的tim...幾好..又平...出面買一般個的木床

都要千幾元...呢個除了可以訓之外..仲可以當綱床..比佢在入面玩..又可以有個架換尿片...勁好...比幅相你看一看啦

感冒病變....死左

我都知我懷孕期間..一定有一次病ka la...但係冇諗過咁勁者

今日直程講唔到野..好耐都冇試過病到講唔到野...其實都冇咩所謂..病下都好..但而家有左小寶

好驚會影響到佢..又想唔食藥..不過唔食又唔得....hai

yesterday..有一個同事入了醫院..其實都唔係話好熟個的...不過見到公司咁樣對佢..又覺得佢好唔值..

好想幫佢..不過唔知點幫..我要幫只可以在佢身邊聽佢講野..做佢既傾聽朋友..咁樣已經係最好既幫手了

希望佢可以快一點好啦

登登登登....我...決定了前4後6....點解有咁既決定呢...1.無咁辛苦(雖然無野做) 2. 唔會蝕假

點會蝕假呢...因為前2後8..就會連埋個新年假一起放..前4後6...就可以連埋新年個4日公眾假期..放多兩個星期

幾好...連埋大假..可以前4後8...一共12個星期...yeah.....

今日去照結構超聲波...其實同平時照既冇咩分別...最特別係我老公今日同我去...佢未試過同我一起去照ka..

因為佢轉了新工..得閑一點..所以蛇出黎...本來我諗住佢只係可以陪我上午jar...不過佢話冇咩野做..下午都可以陪我

我好開心呀..佢好耐冇咁得閑陪我ka la...不過有少少不開心係...因為佢蛇了出來..比佢上司發現了..我有一點不開心...

好驚會影響佢...我以後都唔會叫佢蛇出來陪我ka la...多謝你呀..我親愛的老公...(其實佢唔知我有呢個blog)

呀..有咩特別...不過比小寶張相大家分享一下..小寶今次係第一次以真面目示人呀...你地覺得似邊個? 佢真係好勁

咩咁勁...佢比正常週數bb...重66g...咁即係幾多..我都唔知..總知佢比其他b勁啦..佢而家有450g呀...

我看過我老公個表妹個b...佢21週個時個b都係成排骨咁..我小寶都有的肉地ka..哈哈...重有呀..

我yesterday night看鬼movie黎呀..我最緊張個時...佢同我緊張埋一份...在肚入面jump黎jump去...幾西利呀...

原來..佢地都感覺到我緊張ka..

差不多看哂成套14歲的媽媽..有一點感觸...

自小好眼淺既我...成日比我阿媽話我容易哭...我老公成日都話我遇到咩難題都哭...看14歲的媽媽既時候...末希同人地講

無論發生什麼事都堅強面對...不會再哭...我個心即刻諗...

難道不哭就表示自己堅強嗎?...呢一點我有點不贊同...哭只不過係情感上既舒發...如果連哭都被禁制的話...個個人就真係

好可憐...