| «‹ June 2017 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | |
|
2006 年 10 月 17 日 星期二  |
| 我想的嗎? |
分類: 未分類 |
我想有d咁嘅情緒嗎? 我想唔理d朋友嗎? 唔通我唔想好似以前咁放工可以同你出街嗎? 我都好想好似以前咁得閒去行山, 去游水, 去周圍無聊玩.... 你估我好想好似而家咁, 無人敢搵我, 好似無哂朋友咁? 番工時見到同事做野做到悶時打俾fd傾下計, 我都好想咁做, 如果無呢件事發生, 我一定會成日咁做, 我亦想像到如果無呢件事發生, 我而家嘅生活會係好開心, 份工ok, 同事ok, 搵到d錢, 自給自足, 放工可以同fd出街, 可以話係無憂無慮... 而家, 同事問親我星期六日有咩做, 我真係唔知點答...因為而家番工同假期對我來說都無咩意思...
我知我自己情緒有問題先唔俾你地搵到, 你估我匿埋又好好過? 而家唔止影響到我屋企, 連我同朋友的關係都影響埋, 幾個月無哂朋友會有咩感覺? 可能你地會覺得係我自己攞黎, 係我自己收埋自己, 但我真係想嗎?
唔係話人地講d野我就聽, 你地講d野我就唔聽, 問題係我真係好怕d人對住我覺得好無奈嗰種感覺... 我記得你話每次打俾我都要好大勇氣, 我就係好唔想令人有呢種感覺, 我好唔忿氣點解次次我都要面對d咁嘅野, 令我帶d咁嘅感覺俾人... 你估我唔想一世帶俾人開開心心嘅感覺?? 我無呢種福氣...
雖然我無回你地d sms & email, 但我係有睇的, 我睇完會覺得仲有人support我, 我知的, 我只係唔知點面對你地... 不過而家無了, 可能d人都俾我嚇走哂, email & sms 都無了... 算吧, 日子都是一樣的過...
爸今天覆診, 醫生的話令我再痛一次; 看完diary feedback, 感受到另一種痛...
|
|
|
余芬 於 2006-10-19 02:02 AM 發表：
至於你daddy 的健康情況
不如將佢交俾神
神一定會作出適當的安排
只要你相信, 奇蹟一定會出現
記住, 係7月22日, 神已經俾你見證過一次奇蹟
往後的,你要相信, 一定仲會有既!
|
|
|
余芬 於 2006-10-19 01:58 AM 發表：
不如咁樣丫
既然我地都知道哂你既事
不如你豁達d 去面對我地
你真係冇必要去收埋自己的情緒, 收埋你的傷痛
我地睇唔到, 但係都會feel 到
既然我地都知道哂, 不如俾我地一齊去分擔一下?
星期六, 我可以陪你去做要做的事, 唔係個個星期六都ok, 但係只要你話ok, 想要有人陪, 我都可以同你去
我當然知道你唔想會有d 咁既事發生, 我不知幾希望主角唔係你, 而係報紙裡另有其人, 我相信我地都會異口同聲咁講一句: 好慘!
但係, 當問題係發生係你身上, 我當然都會覺得好慘, 但最重要既係你要點去面對, 其實, 有冇人話你知, 你已經好叻女, 自己一個應付左好多人, 好多事, 攪依樣, 攪個樣, 要收拾心情去返工, 又要強作堅強咁支持你爸爸媽媽, 仲要有時強頻歡笑咁應酬我地, 因為怕我地擔心! 我地咁熟, 你又使乜pretend?
你d 戲仲未可以攞金馬奬, 不如退出影圈, 做番真我, 有咩想講, 有咩點諗都講俾我地知, 唔使驚會煩住我地, 唔使驚我地會唔開心, 我只係希望你肯講!
|
|
|
Polly 於 2006-10-18 09:45 AM 發表：
我有send sms俾你ga, 雖然唔係密, 但係都叫做有吖...>3<...
我無俾你嚇走
既然你話你已經無o左o個種唔知點面對我o地gei感覺,
咁我就放心搵你ga喇~~
感謝神在妳身邊安排了端哥~
令妳感到希望!
「看到你上15/10 的日記, 我也很感恩, 而且神是聽禱告的神.
耶 和 華 聽 了 我 的 懇 求 ． 耶 和 華 必 收 納 我 的 禱 告 。」( 詩 6:9 )
「你 們 要 嘗 嘗 主 恩 的 滋 味 、 便 知 道 他 是 美 善 ． 投 靠 他 的 人 有 福 了 。」(詩 34:8)
|
|
