今日係我第一單走貨嘅日子, 要寫日記記低佢~ 係BB71008 & WB71003, 11/8~~ 哈哈~ 不過事情永無完美, 永遠都會有好多阻滯, 第一單已經有SHORTSHIP, d remake仲要走飛機tim....又要revise過哂d野了....

呢幾日真係打仗咁, 不停手咁做野, 堆到成枱都係野: 出contract, 覆email, 批辦, 製單, 走貨, 聽電話, 罵人, 俾人罵, 仲有不停revise.... , 真係唔明點解嗰d人張枱可以咁整齊, 一張紙都無!! 加上成個星期都要幫人寄辦...用左3個下午剪線頭...3日都聽同一番說話, 3日都想一拳打落某個同事到.... 真係唔明點解呢d咁懶嘅人仲可以留响度...

個客因為d廠做唔切野, 走唔到貨, 已經好嬲, 回email時已變了全大楷, 今日仲bold埋tim... 都唔知點解阿哥仲要我地幫間廠求個客...又係搵我地黎攪...

d廠真係好Q煩, 成日email轟炸, 見你唔覆就隔一陣resend, 已經開始用感嘆號回佢地! 又成日問埋d無聊野, 竟然問我封箱膠紙應該用咩色...真係想回佢叫佢用彩色, 睇佢點死d彩色膠紙俾我!! 有d 廠又勁串, 態度勁差, 見你新人就勁恰你! 頭一個月我都仲on居居咁, 咩都聽佢地講, 而家已經好唔同, 識得大番佢地, 有咩就同佢地開火鬧過!! 有時鬧完都幾爽~~哈哈~

雖然做野幾辛苦, 但真係學到唔少野, 起碼個人淡定左好多, 仲惡左好多tim~~ 最開心係每日都笑唔停, 因為有3個同我一樣咁無聊白痴同事, 成日都圍埋講埋d無聊野然後大笑一輪, 連其他team d人都覺得我地team好正~ 無d麻煩同事, 無人事鬥爭, 個個都真係做野, 問佢地野佢地好肯答&幫我~ 最正係成日都一齊大笑, 呢個工作環境真係幾好玩~

拿了畢業袍, 但只放在一邊, 每次望見它, 都覺得好遺憾...

好像所有人都離開得遠遠... 最親的人, 好朋友們...

同人地影畢業相就多, 估唔到自己畢業時會係咁...

今日收到野兔的芒果糯米池, 很感動... 我相信佢係為左要我諗番起幾年前 (有無十年呢....), 我地一齊响佢屋企整口者喱糯米池嘅情景: 加得太多水,  最後成手一劈劈, 仲要夾硬話好味, 之後就毀屍滅跡, 丟到pringle權裡, 屈係賤x食剩的~

幾年前完成不到的事, 今日完成了, 但我希望可以係一齊完成, 咁會仲好味~ 幾粒小小的糯米池, 勝過千言萬語, 讓我回憶起我其實都經歷過好多好開心的事~

我知道人生總有開心同唔開心, 不過我的痛苦總比別人嚴重, 比別人多, 是無能為力的...但我諗番起, 我的開心也比別人多, 起碼我身邊所有人都好錫我, 一次又一次咁支持我~

謝謝你的芒果糯米池~

不過都要比d comments: 味道和許留山的差不多, 好味~ 但皮可以薄d, 芒果可以多d~~

ps. 我爸今天主動捉住我的手, 捉得很緊, 之前是沒有試過的~ 

我想有d咁嘅情緒嗎? 我想唔理d朋友嗎? 唔通我唔想好似以前咁放工可以同你出街嗎? 我都好想好似以前咁得閒去行山, 去游水, 去周圍無聊玩.... 你估我好想好似而家咁, 無人敢搵我, 好似無哂朋友咁? 番工時見到同事做野做到悶時打俾fd傾下計, 我都好想咁做, 如果無呢件事發生, 我一定會成日咁做, 我亦想像到如果無呢件事發生, 我而家嘅生活會係好開心, 份工ok, 同事ok, 搵到d錢, 自給自足, 放工可以同fd出街, 可以話係無憂無慮... 而家, 同事問親我星期六日有咩做, 我真係唔知點答...因為而家番工同假期對我來說都無咩意思... 

我知我自己情緒有問題先唔俾你地搵到, 你估我匿埋又好好過? 而家唔止影響到我屋企, 連我同朋友的關係都影響埋, 幾個月無哂朋友會有咩感覺? 可能你地會覺得係我自己攞黎, 係我自己收埋自己, 但我真係想嗎?

唔係話人地講d野我就聽, 你地講d野我就唔聽, 問題係我真係好怕d人對住我覺得好無奈嗰種感覺... 我記得你話每次打俾我都要好大勇氣, 我就係好唔想令人有呢種感覺, 我好唔忿氣點解次次我都要面對d咁嘅野, 令我帶d咁嘅感覺俾人... 你估我唔想一世帶俾人開開心心嘅感覺??  我無呢種福氣...

雖然我無回你地d sms & email, 但我係有睇的, 我睇完會覺得仲有人support我, 我知的, 我只係唔知點面對你地... 不過而家無了, 可能d人都俾我嚇走哂, email & sms 都無了... 算吧, 日子都是一樣的過...

爸今天覆診, 醫生的話令我再痛一次; 看完diary feedback, 感受到另一種痛...