day2
一早起身就滑雪~~
開頭換鞋時俾導遊charlie發現著牛仔褲响雪褲裡面, 被痛毆一輪.....haha~
滑雪都唔係好難, 幾好玩~ charlie仲讚我very good~有人就不停話要表演, 扮哂叻咁~
不過次次滑完落黎都要行番上去真係好攞命....滑完真係成身散哂~~

之後就去雪嶽山waterpia水上樂園, 室內都無咩野, 著住泳衣衢出去零下十幾度嘅室外溫泉....真係要好大勇氣, 出到去仲要行一段樓梯先有得浸, 每個溫泉都要行一段路, 好攞命~~ 浸勻咁多個好鬼刺激~~


夜晚去左食自費刺身餐, 好多野食, 都幾抵, 有海膽, 生蝦, 蟹, 生蠔, 天婦羅.....最正係一大盤魚刺身同啜咀八爪魚, 成條八爪魚鬚生勾勾放入個口, 然後剪斷條鬚, 响個口吸下吸下, 好過引~~最攪笑係對面個男仔勁驚, 見到生蝦又勁驚, 要個女朋友剝殼~~ 呢條友食親飯都唔會幫手派碗筷, only雙手夜入袋等食, 坐車又坐入面, 要女朋友坐出面~至憎呢d人, 好彩我honey唔係咁

今晚住度假村, 要好似日本人咁鋪床訓地下, 好似大雄咁, 不過d被鋪好重, 搬完勁累~~

5日韓國之旅:

day 1
好早就到左機場, 朝早6:00就坐車去浸溫泉~ 個溫泉係唔可以著衫ga, 光脫脫....開頭都諗住唔浸, 不過唔浸又好似好唔抵咁...好彩好多女團友都浸, so一齊浸下~ 入到去個個都唔敢除衫, 之後見到好多韓國女人都係咁, 就豁出去了~~浸完好舒服, 就去了食第一餐, 韓式火鍋, 第一餐就覺得ok, 點知之後仲食左好多次, 次次都只係有少少唔同, 真係食到有d驚~~ 食完搭左幾個鐘車去雪嶽山, 見到滑雪場, 仲落埋雪tim, 好凍好凍, 係0.7度~~ 不過都無香港最凍嗰幾日咁辛苦, 香港d凍係刺骨的, 嗰度就係冰箱凍, 舒服d~~
 

睇叱吒, 真係睇到一肚火~
點解薜海皮都入到十大?點解艦隊無十大?點解係大雄唔係愛與誠?
點解死人老鼠安featuring攞至尊歌?? 仲有I LOVE U BOYZ.....
仲有嗰d at17, 林一峰....
林一峰夠膽死入我最喜愛男歌手5強, 簡直係大笑話!!
仲有官恩娜......竟然有銀獎..........
唉~~
係睇古巨基喊下ja, 唔係就一早熄電視~~

今晚緊係去倒數啦~~掉低左honey, sorry呀, 3/1-7/1全程陪番你~~
同maggie,fellow,聰 and 哲去左玩香港一日遊~~
出面真係好凍, 翠林特別凍.....
行程: 尖咀-->中環-->山頂-->蘭桂芳-->公厕-->小西灣-->屋企
同聖誕節差不多, 不過加幾個景點~~
今次搭船無咁多人, 唔駛等30分鐘~~
第一次搭d無頂ge 巴士, 開頭以為好過癮, 點知一開車就凍死, 好似玩過山車咁~~
搭纜車上山頂時, d遊客一睇到夜景就大叫,,,真攪笑, 我地都扮下遊客~~
上到山頂勁凍,maggie買左個麥記新餐食, 我地就爭飲汽水~~
之後去左蘭桂芳倒數, 點知入唔到去, 企响度又俾人趕, 最後又係好無耐咁由4開始倒數....
算啦, 都預左了~~
最好都係嗰年响維園睇明星倒數~~
仲有一年想去time square, 點知塞左响半路...响條街聽人倒數...諗番起嗰年原來有阿哲, 阿聰, cheated, 蘇xx, 仲唔知點解會有朱文康...., 實左太奇怪了....

之後去左小西灣 pub, 搭叮叮搭左成半粒鐘....點知無一間ok... 最後都係响茶餐廳飲左杯熱野~~

congratulation~~ fellow~~~

今日同carmen, 大kat同阿米去左諾仕酒店食buffet, poly學生半價, 勁抵~~
原來一張學生証就得, 早知早d同d fd去食~ 不過明日係最後一日~~

d野食都好正, 魚生生蠔甜品樣樣ok~~
食田螺時勁恐怖, d田螺好多都大肚, d 一粒粒bb痴滿哂條尾...掹出黎時勁核突....
carmen仲食左tim....

狂食一輪就好快飽, 阿米食飽就發神經, 大大聲話人地d牛丸臭, 又彈呢樣嗰樣,
個waiter成日都企响佢後面~~ 我地都唔想同佢講野, 想同佢分枱~~haha~~