在東港城吉之島做左3日promoter, 真係幾累, 要企6個鐘, 不過只係教下d細路玩超人特工隊game, 都幾過癮~~不過有d細路真係好鬼衰, 痴實部機唔肯走, 有個pk死靚仔勁賤, 偷左我包糖, 然後一路玩一路偷偷地食 !! 有個死肥妹仲因為打尖而出手打人tim!! 生著d咁嘅細路真係掟佢落街好過!! 呢d細路勁無家教 !! 人地嗰d有爸爸媽媽帶住就好乖好得意, 好有禮貌~

今日上左2堂無聊堂, 英文堂個miss又响度煩, 不停咁重複講一d無point嘅野!!又要我地做d無聊野!!好忟呀!!

之後上intimate又係無聊, 又請guest speaker黎, 今次講marketing野, 完全無用!!又要我地做feedback, 麻q煩!! 次次都係做show, 要我地做白老鼠, 茄喱啡!! 但又唔係教到d咩有用嘅野!!  激死喇!!

今日lunch趙sir請食飯, 13個人去左群英閣食, 叫左成三,四十龍點心, 好勁!! 我地完全無幫阿sir慳~~埋單應該要$500!! 不過d野真係好好食, 個"流沙奶皇包"超正, "芒果卷"都唔錯~~ 平時都唔會食到~~~阿sir真係好, 俾$我地賺, 又請我地飲茶~~

今日係miss lee wedding day, 一早11:30就同zoe到左kowloon tong, 同周達邦and河馬一齊出發~~仲有方包and方家慧~ 一見到周達邦, 俾佢嚇死!!佢個頭真係呢.....成個吳日言咁!! 好嘔心呀!!

去到中大就見到好多人, 一齊影完相就去miss lee婚禮~ 嗰度好多人, 差唔多坐滿成個church, 不過我諗有一半係官中學生~ 不過miss 阿sir就唔多, 得幾個, 仲要唔係好熟的~~

成個過程都幾touching, 希望miss lee會幸福啦~~睇完佢地寫嘅感受, 覺得"緣份"呢樣野真係人控制唔到, 要在適當時候遇上適當的人, 絕對係由上天決定.  遇到之後要步伐一致咁向目標前進, 當中又會有好多野擾亂二人的步伐, 可能係人, 環境, 思想, 又或者係一d意想不到的事, 成個過程好不簡單~

相信每個參加婚禮嘅人都會諗第日到自己時會點呢~ 會唔會都有咁多人呢? 哈哈~~

去完婚禮就同班中大人遊中大, 影畢業相, 中大真係好校園feel, 係讀書嘅好地方, 住hall應該會幾開心, d人睇落都好純樸~ 唔似poly city嗰d咁, 响市區係好方便, 但一d校園feel都無, d人又潮爆.... hku就好似高高在上咁, 好似全部都係有錢人讀, d人好似好現實咁...

遊中大時見到好多drama人, 因為佢地今晚在中大 joint u, 開頭都無諗過會撞到, 因為中大咁大,又未必撞到佢地出黎warm up, 點知見到哂佢地 , 見到alice同阿柴同d演員warm up, 之後見到ying, 仲見到阿A, 連尋晚睇左ju嘅阿甘都撞到, 佢又係同佢d fd影畢業相~~ 

之後就一群人去左尖咀唱k, 都幾開心, 好耐無成班人玩過 , 不過d k buffet就唔太好食~ 唱到11點幾就番屋企~~成日好充實~~

今日apparel production 去左factory visit, 係土瓜灣的TAL, 都幾好玩, 好先進, 成個海洋公園咁, d pattern pieces唔再係一紮紮, 而家係好似纜車咁吊住周圍走~~ 個system好先進, 都算大開眼界~~個staff仲同我地講好似前景幾好咁~~

韓尚宮死左了....好慘 ....睇個pk金英之後點折墮 !!!

今日問個靚妹借左本迷你小丸子漫畫睇, 佢話响大陸買, 不過係繁體, 都只係$3.8一本ja! 抵到爛!!如果我見到就好了!! 一定成套買~~

隔左咁耐睇番都係咁好笑, 一路搭巴士一路睇一都忍唔住笑 ~~ 令我有衝動買番成套漫畫!!