今日上animation學左 adobe image ready~~之前學d photoshop都幾啱用, 對design功課好有幫助~ image ready就可以做d簡單動畫, 幾好玩~~

夜晚同阿甘去左上環睇AP, 劇名叫遊樂園, 都幾好睇, 個set好靚, 個劇都ok, 不過可能長得滯, 之後有d胡鬧~~攪到有d眼訓~ oscar果然唔多戲份, 不過個角色好啱佢做~~

睇完就番屋企追番大長今, 仲有2集心花放~~

今晚同chung去左睇maggie sing con, 剛剛趕到睇佢唱~ 佢唱一首佢朋友作的"偶像", 都幾好聽~~ 成個show都ok ge, 不過好多悶場, 攪得麻麻地~ 不過d參賽者都幾攪笑, 有個人勁扮黃耀明同一個好似譚迪之嘅女仔唱"漩渦", 另外又有嗰隊The onions! 上次sing con都見過了, 佢地7個人扮樂器唱yesterday, 可能我低層次, 唔識欣賞 ... 當中有個人勁似八両金 ~~另外有一隊AT21, 4個怪人唱埋d怪野~~ guest就係AT17, 不過我對佢地絕對無興趣....

maggie似乎同d獎無咩緣, 明明佢係唱得好聽, 但都係入唔到3甲 , 唔係only我地話佢好, 我地聽到後面d人都話佢好~~ 反而第一嗰個又唔係真係好好, 真係唔知咩準則~~

睇完之後就同埋maggie d fd食飯, 本來想早d番去, 但有人突然又setup左個target, 個target仲幾好波tim... 真係唔明點解可以咁容易睇中~~  

今日係intimate design present, 之前用左2日時間攪, 做左3個boards, 都唔係話俾左好多心機~

上完英文食飯時, 見到好多人仲做緊, 有d仲未print tim~ 佢地個個都做成7,8 版, 有d人仲十幾版tim!!頂爛市!! winnie嗰時明明話2版就ok, d人真係....攪到我地3,4版嗰d勁不安!! 勁唔想present!!

present時全班分左3組, 每組一個tutor 聽我地present, 之後就每組揀一個出去對住全班present~~

我係我嗰組最後一個present, 睇住個個十幾版, 已經好灰, 無咩心機pre, 點知一攞出黎 winnie就讚好靚, 我個theme係 Wedding, 佢話睇完攪到佢好想嫁~~ 佢讚我個theme board好靚and直接, 可以好簡單直接就表達到個theme, 可以present俾buyer tim~~ 之後仲叫左我出去present tim!!真係嚇一跳!! 估唔到我3個board打低左人地嗰d十幾個board!! 我呢個technology人打低左d design人!! design呢味野真係好主觀, 出乎意料之外~~

之後個guest speaker同我地幾個出去present ge人傾計, 不過都唔知佢up乜~~不過都好開心, design唔係我強項, 但今次有咁嘅成績~~

夜晚同左野兔去cut hair, 我就好快攪掂, 但係佢highlight用左成3個鐘, 等到我傻左...

portfolio的其中一版:

今日去左金泰線interview summer intern, 要去到荃灣, 好遠... 其實都唔係d咩interview, 都係傾下計, 講下會做d咩, 佢話佢個宿舍係祈福新村, 又話有專車接送番工放工, 好似好high class咁~~~不過都唔知佢請幾多人, 希望有得做啦~~

今日係最後一日promoter生涯, 悠悠閒閒就過左, 之前幾日有d人著蒙面超人衫同小朋友影相promote, 今日就有河馬以超能先生打扮黎做嘉賓 ~~佢個髮型同衣著顏色(紅and 黑)都係同超能先生一樣, 連個下巴都係一樣~~ 希望佢下次會以"班尼"形象出現幫我做勢sell 班尼vcd啦~哈哈 ~~

東港城今日都有show睇, 不過勁無聊~ 個主持---范振鋒---勁廢!! 有個妹妹上去彈琴, 首歌叫"農夫布穀鳥", 個主持介紹時話:
xxx小妹妹而家為我地彈一首歌,
歌名叫農夫布....布.......布"殼"鳥~
有無攪錯!! 笑死我了~穀and殼都分唔清 ~~ 仲要等人彈完先糾正~~

長今就黎番去喇~~連生佢地下集出番黎了~~yeah~~ 不過令我諗番起早幾日行cd鋪, 見到有隻咸碟, 個名叫做"大長根".......吹漲....

班尼 (原來d小朋友好鍾意呢隻野....)