今日同daisy去左apm high tea, 點知apm太多人, high唔成, 最後都係响沙嗲王low tea~~ 第一次行apm, 都幾好, 係太多人, 連jusco supermarket都要人潮管制...~ 不過真係幾大, 應該有的shop都有, 都幾好行~ 好過langham place~~同daisy一齊見到d怪人, 不過我地都係解唔開呢d疑團~~

夜晚睇埋大長今ending, 大團圓結局~~ 閔正浩真係好正, 每當長今有咩事佢都會丟低所有野去跟住佢, 保護佢 ~~ 簡直係所有女人的dream man~~ 不過之後個節目就怪怪地, 寧願佢唔配音, 配左好怪 ~~

大長今完左了...有d失落, 好似少左樣好重要嘅野咁~

今晚同maggie慶祝生日, 去左旺角唱k, 今次好齊人, 有7個~ 不過唔知點解大家都無咩熱誠唱, 個個都唔係好點歌, 可能因為大家都唔識而家d歌, haha~ 唱左成個鐘都未點滿一頁, 甚至試過無歌tim, 真係奇景~ 以前為慳時間, 未完音樂就會cut, 但而家就咁~~haha~

唱完k就一齊去左一間樓上cafe坐, 個feel幾正, 好舒服 ~ 一班人飲下野, 玩下啤牌, uno, 波子棋, 嘻嘻哈哈就一晚~~ 真係無乜幾可6個人一齊玩波子棋, 行到kick住哂, fellow成為我地針對對象, 本來佢係最快win, 但我地就聯手塞住佢唔俾佢win ~ 阿哲就不停煽風點火, 最後俾呢個奸人win左~~  之後玩到2點就番歸了~

今朝一早1030去左葵涌interview, 今次係新興, 一去到就見到幾個同學都int緊, 原來得5個人int~

嗰個人講到個working condition勁差, 話嗰度治安超差, 曾經有唔少兇殺and劫殺案 , 話一定唔會俾我地出廠~ 又話星期一至六都要困在廠裡, 好似坐監咁~ 狂問我地捱唔捱得......  工作上嘅捱就無咩所謂, 但聽到d咁嘅working condition, 恐怖成咁, 點敢去呀~ $8000買起我條命咩~~ 

浪費左我一個早上, 仲要因為對黑鞋攪到我對腳勁痛, 起哂水泡and損哂!! 攪到要去買過對鞋先行到番poly...

痛死我了~~

今日上完英文就去左搵honey~ 陪佢番完city就去左旺角行街, 睇埋我想睇好耐的"藉著雨點說愛你"~

真係好好睇, 開頭以為係d老套橋段, 點知唔係~~雖然個內容好簡單, 但拍得好好睇, 幾感人~~睇到我都忍唔住 ~ 睇完之後覺得幸福其實係一件好簡單的事, 只在於2個人的內心and付出~

夜晚去左knutsford食buffet, 今次唔食隻搵笨鮑魚螺, 可以食多好多野~~ especially嗰隻藍莓cheese cake~~

發覺你愈來愈低b了~~

今日唔記得帶電話, 本來都無咩野, 係搵唔到honey,又無時間搵電話打俾佢, 都預左俾佢罵了....  但下午發現唔見了8達通!! 除左仲有$70之外, 仲有張bb相!! 好心痛, 又唔知响邊跌...

補完習諗住去唱散子搭車, 落到樓下見到honey, 佢話擔心所以過黎等我~~ 實在太好了!! 佢簡直係神!! 响呢d時候打救我 ~~ 之後就陪佢行一陣, 食少少野就走~~佢就去踢波, 我就番去睇長今~~~

番到屋企睇下個電話, 有成16個miss call....聽番d留言, 原來大ｋａｔ佢地執到我張８達通！！！ 應該係上intimate時跌的!! 實在太好了!!! 失而復得!! 已經係第二次失而復得了!!上次係媽咪响樓下幫我執番~

實在太好了!!