開學喇~~

timetable實在幾空閒, 星期一dayoff, 星期二 至星期五每日2堂, 每日的其中一堂仲係隔個week上tim~~ 幾好幾好~~

今日上一堂only, 不過係product development!!! 對住dr.kwok 3個hrs真係死俾你睇, 第一堂又係玩埋d無聊brain storming game, yr1已經玩過, techno人都唔理佢, 係d merchant同design人先會認真玩~ 不過今年好d, merchant同techno都係core, 多d人一齊上, 可以分散佢嘅注意力~

今日學左d咩?? 無...!! 只係聽佢up左3個鐘廢話, 講d早產bb有幾核突!!

今日本來同mark去玩, 點知一起身就暈陀陀, 仲好想嘔tim, 食完隻蕉都嘔番出黎... 好辛苦... 攪到無得出去, 要留响屋企休息 ~

點解我身體咁差ga, 成日都頭暈, 又鼻敏感又易傷風, 而家連皮膚都有事, 好唔開心呀!!!

呢個月唔知攪乜鬼, 成面爆哂暗瘡, 都唔知係咪因為大陸嘅飲食影響 !! 之前睇左個爛鬼西醫, 俾左d爛鬼藥我, 仲叫我唔駛戒口!!! 結果緊係無用啦!! 今日去左紅磡睇中醫, 佢話我內分泌失調, 俾左d老泥丸同藥膏我, 一次要食18粒藥!! 希望佢醫到我啦 ...

睇完醫生去左harbour city開倉, 我同mark都買到野, 都算幾平~~ 之後行到10點等金太郎優惠時段, 今次終於申請左張"開心咭", 我地次次都話唔係成日黎, 驚無用so唔申請, 但事實上我地係成日食, 今次終於申請左~~

食完之後就去左食許留山, 食"多子", 即係多芒小丸子, 幾好食, 煙煙unun~~

intern終於完結~~

呢2個月真係幾開心, 工作係悶d, 不過好free~ d同事對我地好好, 個個都當我地係細路, 最好人就係eva同吳師傅, 成日同我地放工去碌ling, 又同我地去食飯揼骨, 仲約定我地sem break上去玩tim, eva仲話睇下嗰時可唔可以請我地番去幫手, 真係勁勁勁好人~~ 佢地2個同我地唔同department, 只係有時坐車見到傾2句, 但對我地都咁好~ 我地最後都去買左d野送俾佢地, 當係紀念~~

上去大陸做野同香港真係好唔同, 上到去大家相依為命, 同事之間會好friend, 番工, 食飯, 放工去玩都會一齊~ 雖然佢地唔係後生仔女, 但睇到佢地之間真係好friend, 玩得好埋, 成日你互串, 仲有個個月都有生日會~ 响香港做野就真係純粹做野, 最多同d同事傾得埋d, 好少話會成日一齊出去, 放工都各自各散band搵自己d friend~

同cora. ivory, josie, barry都好好玩~ 成日食lunch時都笑到癲, 嗰日放大波仔張相笑到我地勁肚痛!! 同cora同屋都好開心, 我地2個性格差唔多, 都係d爽嘅人, 唔會唔該前唔該後, so一d都唔拘謹~ 同佢一齊睇電視都好攪笑, 睇yummy yummy 同酒店風雲的官恩娜時我地都想打爆個電視機~~ 有時即使第二日要番工, 都會不知不覺同佢傾計傾到夜晚1,2點~~

成個intern最難頂就係bonnie同jolly, 2個8婆走左次後我地就好開心, 因為去玩唔使預佢, 食飯唔駛睇佢面色, 唔駛俾佢搶左個餐牌點餸, 唔駛俾佢鄙視, 唔駛聽佢大大聲講佢d shopping, travelling, eating經驗, 唔駛聽到佢講Well, generally, quite差~~ 如果佢地2個早d走我地應該會開心好多~~

唔覺意delete哂5/8至24/8的diary, 激死我喇!!

我intern d美好回憶就咁就無左了....