| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2005 年 7 月 18 日 星期一  |
鵲巢鳩佔  |
分類: 未分類 |
今日發生嘅事係我上黎之後最難忘的, 簡直係挑戰我容忍嘅極限!! 原來無熱水, 無電視呢d野係好小兒科, 俾人(係西人)入侵自己嘅私人空間先係最攞命!!
事發經過:
今日番到公司, 見到bonnie同jolly去搵
戴
小姐, 原來佢地無帶屋企門匙上黎, 正常係一人一條, 佢地2條都無帶! 原來2條都係bonnie keep的, 佢話換左新袋, so兩條都無帶!
戴
小姐話同佢搵業主睇下有無spare匙~ 暫時成件事都唔關我事, 我只係冷眼旁觀加心中暗喜~
放工我同cora去左超市, 無同佢地一齊番去, 我地行左大約
45m
in之番去, 經過佢地門口, 見到佢地仲踎响度, 仲有一個開鎖佬開緊鎖, 我地輕輕問一句就番上去, 我仲同cora討論話個業主邊有咁好死, 以我地嘅經驗, 一定唔會咁efficient同佢地攪掂~ 之後我就去沖涼, 沖完出黎, cora行過同我打眼色, 我望一望出去, oh shit! 見到佢2個入左黎我地間屋!!! 當時我強作鎮定, 諗住可能係坐一陣je, 就無理佢地, 去左煮野食~ 點知佢地成晚都無走, 話要借宿一宵!! 仲响度阻x住哂, 一舉一動都令我同cora好火滾!!
佢地一坐就坐正响梳化中心, 2個幾乎坐哂成張, 我就要攝响個邊邊坐, cora要坐單人位, 佢地仲當正係自己屋企咁鋪哂d雜誌出黎, 拎哂自己d護膚品出黎周圍擺, 擺到成張茶几都係! 最pk係佢好鍾意跳上梳化, 用腳踩梳化!! 硬係唔可以好地地咁行埋去坐, 次次都要跳上去!! 大佬呀!!係人地屋企黎ga!! 同你又唔係fd, 知唔知咩叫禮貌呀!! 我地仲剛剛先抹乾淨tim!!!
之後佢地叫外賣, 食完d盒就咁放响度, 完全唔執!! 攪到成屋都係餃子味, 我地睇住佢, 佢真係食完到第2朝都唔執, 最後係佢個fd第2朝臨出門口先執, 佢一d都無幫手!!
佢地食完野, 個8婆話要沖涼, 我之前執哂d 洗頭水護髮素出黎, 我都特登留番沐浴露俾佢用, 正常都會問下可唔可以用人地d野啦, 點知佢一入到去, 就出黎問: “洗頭水呢??要自備ga??!!” 仆佢個街!!真係唔爆粗唔得!! 面皮成呎厚!! 去到人地度一d禮貌都無, 問都無問過可唔可以用, d野好係奉旨俾佢用咁!! 之後我死死氣攞出黎俾佢用……條氣好唔順!!!
佢沖完出黎, 話仲好濕, 無毛巾用, 我地無理佢, then佢個fd問佢點, 佢話: 我用tissue印乾lor~~ 之後仲問我攞tissue, 起勢咁抆黎用, 就好似我地去商場厠所時抆厠紙咁!!! 我真係睇到眼都突!! 佢之後仲入去厠所fing乾個死人頭, 就好似d狗咁, fing到厠所濕哂, 佢仲丟到d tissue成個垃圾埇邊都係!!!條8婆完全唔知咩叫禮貌, 客氣, d野好似係佢咁, 攪到借宿嗰個好似係我地!!!
我地睇電視時, 佢地睇一路雜誌, 我同cora笑and講野都細細聲, 個西人就大大聲同佢個fd講野, 話”乜原來蔡依琳同max factor賣廣告咩”, “原來元朗開左間DHC喎”, 真係聽到都想死!! 呢個西人絕對係高登人口中”港女”的人辦!!!
之前cora買左筒薯片, 剛剛開左食左2塊放左响茶几上, cora話沖完涼出黎再食, 已經無左半筒!!! 條西人無出過任何聲!! 仲衰過d細路仔!!! 食人d野之前又唔問人, 食完又唔出聲, 仲要一食就食半筒!! 呢d真係無家教中嘅極品!!!
由於有呢d西人响度, 我真係頂唔順, 未睇完電視就匿响房, 不過我未入房佢已經訓左响梳化, 佢個friend就瑟縮於梳化的另一端, 原來佢對自己d fd都咁唔客氣, 諗都唔諗下人地感受就自己訓左2/3張梳化!! 本來都有諗過俾個枕頭佢, 但我太嬲了, so無理佢地就匿入房!! 之後就打俾野兔訴苦, 最衰怕俾佢地聽到, 唔係一定大大聲罵!! 野兔講得好啱, “鵲巢鳩佔”!! 係俾2隻”鳩”佔據了我的地方!!
第二朝起身, 佢地又話凍, 係佢睇電視時話冷氣唔夠涼, 而家又嗌凍!! 之後又話俾蚊咬~ 呵! 我覺得d蚊做得好好!! Good job!! 臨訓之前我諗過出去偷偷地熄左部冷氣, 熱q死佢地報仇!! 但只係諗下, 無做到!! 呢個時候我諗番起 <<奪命真夫>>中的阮文山/劉啟忠在監獄中同阿yen講過的一句話: “我輸在唔夠狠!!” !! 我太好人了!!!所以永遠蝕底嗰個都係我!!
同d咁嘅人住過一晚之後, 雖然係好痛苦, 但我好感謝上天嘅安排, 只係一晚!! 如果我係要同佢地同屋2個月, 我諗我會癲!! 平時都已經唔like同佢地相處, 無咩事都盡量唔同佢地有咩瓜葛, 但今次咁嘅體驗真係畢生難忘!! 應該可以同cora講幾日都講唔完了!!
|
| 2005 年 7 月 12 日 星期二 |
熱水爐壞了  |
分類: 未分類 |
熱水爐壞了, 厠所燈胆爆了!!! 問你死未!!
呢2日我都係摸黑沖涼, 不過cora呢2日唔响度, 我就開住門沖涼, 第一日用涷水沖, 加埋d冷氣, 第二朝已經賴野狂流鼻水...
 今日就唔敢用凍水, 卒之要煲水沖涼... 係我有生以來第一次煲水沖涼!! 真係攞命...
|
| 2005 年 7 月 9 日 星期六 |
回家  |
分類: 未分類 |
今日番埋星期六, 快d番哂d鐘, 之後就唔駛再番星期六, 可以星期五晚回來~~
番到黎同maggie and fanny食dinner, 怪maggie放工後竟然番左屋企訓覺, 佢真係好怪...不過唔理佢, 總之佢出黎食dinner就得了, 因為係佢話要請客~~
我地去左重慶大廈新德里食咖哩, 今次食左蝦, 雞, 芝士薄餅, 雜菜薄餅, 咖哩角and甜乳酪, 好飽, 好正~~
之後就去左行旺角, 不過真係好累, 行到11:00就回家~
把扇明明有柄!! |
| 2005 年 7 月 8 日 星期五 |
week 2  |
分類: 未分類 |
其實响呢度做野真係幾悶, 又好似學唔到D咩, 希望d data對個FYP真係有用啦…
不過其實都算係個體驗, 之前响Melbourne生活過, 而家試下响大陸生活, 對於無鄉下的我都幾新鮮~ 其實工廠d飯都唔係好差, 只係多d油 ~ 夜晚出去食就真係好抵, $15可以食好多好多野~ 不過好多時放工都好累, 一個星期都係出去食一,兩次~ 我好enjoy放工番到屋企休息的時間, 番到去大約5:45, 個天仲好光, 沖完涼就好relax, 可以成晚睇電視, 6:30新聞, 番禺新聞, 東張西望, 奪命真夫, 醫道, 同Cora一路睇一路笑, 有時同佢傾計傾到電視都唔記得睇~~ 放工之後真係relax, 唔駛做功課~ 呢樣野係比番學好好多~~ 番學又要做功課, 又要補習, 好辛苦~
另外最大得著就係個人健康左, 早睡早起, 3餐定時~
不過間屋的設施真係....電視又壞, 遲早睇壞眼, 叫極都唔肯換俾我地, d大陸人做野又不負責任!!!今日個熱水爐仲壞左tim, 聽日我要沖凍水涼
, d燈又成日都爆!! 每日都要為間屋d野煩!! 好煩好煩呀!!
開頭真係好驚會同BONNIE佢地住, 因為對住D咁嘅人多一陣都頂唔順啦, 何況一齊住?!!我一定忍唔到佢D大小姐性格, 一定反面收場~ 好彩係CORA同我一齊住, 大家性格相近, 好易話為, 住都住得開心D~
嗰條8婆真係好難頂, 之前番學見到佢都已經覺得好厭惡, 行路扭下扭下, 好姣, 而家相處落更覺得佢大小姐~ 每日食LUNCH都彈3彈4, 又話D薯仔好生, D菜好油, 又話D肉唔知邊度黎, 所以上黎咁耐都無食過肉!! 今日我裝湯飲, 係我鍾意的當歸湯, 佢一見到就問我係咩湯, 我話係當歸湯, 好正~ 點知佢即刻好厭惡咁講 :”咦… 好臭!!” 我X#YZ# 佢!!! 佢自己唔like咪唔好飲lor, 又要問又要話!! 佢成日都覺得自己啱哂, 人地做嘅野同佢唔同就會鄙視人! 我roomate買酸牛奶(即係乳酪), 佢自己未聽過, 以為係過期牛奶, 又鄙視人! 仲有佢成日長篇大論講自己D野, 根本無人想聽!! 番工就只係care番幾多個鐘, 出糧點計, 日日都倒數幾時番香港~ 佢番工時成日無野做行黎行去, 一係就同佢個fd傾計, 一係就食野, 一係就伏低, 都俾人投訴過幾次, 但佢會覺得係人地唔啱, 同我地呻, 完全唔諗下自己有錯~~ 响工廠番工, 個個都係好樸素, 係佢一個化哂裝咁番工, 又成日同我地講話唔知點解好多人望住佢…. 我驚我遲早會頂唔順出聲串佢!!
不過佢雖然難頂, 不過令我可以見識到性格咁鮮明嘅人~ 佢每一個動作, 每一句說話都係同電視劇嗰d 8婆一模一樣, 我每日都會好留意佢, 等我番到hk扮番俾d fd睇~~ 呢個人真係好特別, 簡直點綴了我的生活~~
|
| 2005 年 7 月 3 日 星期日 |
| BBQ |
分類: 未分類 |
今日同7b 去清水灣bbq re-u, 咁難得, 一定要去啦~
同mark食完lunch就去join佢地, 都有幾個月無見佢地了, 有十幾人去啦, 比我想像中少人~ 不過都好好笑, 佢地成日講無聊野, 又rap, 又 jj...
 !! 燒完野食就响黑媽媽的環境下玩閃避球, 玩到跪哂地, 成身都係沙~
今次無咩野食剩, 無咩可以攞番去~~ 只係得d怪丸仔, 俾人攞哂番去炒豆角!!可惡!!
玩到成身散哂, 收拾心情番工了~
同中學同學玩的感覺是最好的~~
 |
« | 36 | 37 | 38 | 39 | 40 | 41 | 42 | 43 | 44 | 45 | ... | 55 | »
|
